TOWUNÖT 12:6 - PIPÏLIA

⁶ Kïruto Apram kuwerata kwenu korononi ntökïtenö kwitïta Syekem, wölo kimi ket nyo tïlil ompö More. Kimöngöy pipö Kanan korononi osiswechoni.

TOWUNÖT 12:6 Referans Kwoze

EPRANIA 11:9

Kigh kighanat nyinte kïmang le ton kor nyo kiyomisï Tororöt. Kimang emen nko Isak nko Yakopo. Kighömöy chane tïkwïl kiyomisötononi pö Tororöt.

KINONO KIRURUT 11:30

Mito kutïngkotichoni lalwa Yordan antakwagh okumpö ta koro pipö Kanan cho möngöy Arapa wölo pörtoy Kilkal, wölo lekïto keti More cho tïlilöch.

TOWUNÖT 35:4

Kïlenyona, kutö chane Yakopo körkeyïntino tororötin löwïr cho pö punton cho kitïng chane nko taghoy cho kimi yitikwa. Kïtïpchï Yakopo ket ghït nyo kimi atolekïtö Syekem.

KIRWOKÏ 7:1

Kïnget Kidyon asistanka kiwasan nko pich cho kimi nko nyinte kïpa kïwudochï emenikwa atolekïtö kö pö pögh nyo pö Arod. Kimi möngo Midyan mpöghogh atolekïtö kutïng pö More wölo le okumpö löt ompö möngo Kidyon.

TOWUNÖT 13:7

Kwitï syala nyo kingwïna pipö Apram cho kile mösöw nko cho pö Lot. Kimöngöy osiswechoni pipö Kanan nko cho pö Peris.

IGHISYEWUT 7:16

Kesït porwöyikwa kïpa Syekem, ketïpchï pïrïm nyo kökikwala Apraam werpö Amor ompö ropïyenichi.

YOANA 4:5

Kungwïn ntökwit kanasyanta Samaria akonga nyo kikïkuro Sukar nyo kilekïto par nyo kitö Yakopo werïnyi Yosep.

1 PÖYTOGHÏ 12:1

Kiwö Reopoam kutang Syekem wölini kituyechï pipö Israel atökuyil nyinte kïlïkwï pöytoghin.

KIRWOKÏ 9:1

Kïwö wero Apimelek, wero Kidyon kutang kanasyanta Syekem ka mamatanyi akïlenchï chane nko pikökwa löwïr cho pö areto ompö kame,

YOSWÖ 24:32

Kïtïpchï pipö Israel koyo Yosep cho kipunö Misri Syekem ato kyala Yakopo werpö Amor papoto Syekem ompö ropïyeni silpa cho le 100. Kïlïkwï nyoni koro pipö Yosep.

YOSWÖ 20:7

Kïlenyona kengot Kedes ompö Kalilaya nyo mi koro kamas nyo pö Naptali nko Syekem ompö koro kamas nyo pö Epraim nko Kiryatarpa, nyoni kï Epron, nyo mi komos pö koro Yuda.

TOWUNÖT 34:2

Nyini kisïwa Syekem wero Amor nyo kile chi pö Ipiti, aki nyinte nyo kirwokyini korononi, kïnam chepay akïpatal nyinte ompö owesyö. Kïlenyona, kutö arasï nyinte.

TOWUNÖT 33:18

Otini kimïlegha Yakopo Mesopotamia, kungwïn ompö kalya kwitï kanasyanta Syekem nyo mi koro Kanan akïtek möngenyi kanasyan sany.

TOWUNÖT 10:15

Werpö Kanan kï ki Sidon nyo kile poretye nko Et

1 PÖYTOGHÏ 12:25

Nyini kiwonyö pörchonay, kïtek ngat pöytoghinto Yeropoam kanasyanta Syekem ompö kutïng pö Epraim akïmang wöloni. Atolapay kïngeta atoni akïwö kïtek kanasyanta Penuel.

TUMWÖY 60:6

Köngölonunö Tororöt Konyi lö, “Oporan Syekem ompö ngörekyö nyo wow, achöghchan pikachu mpöghoghyo Sukot.

TOWUNÖT 34:30

Atolapay kïlenchï Yakopo Simion nko Lawi, “Kokonanïkwa kömpölelyö ompöwölo ghöchinanïn pipö Kanan nko pipö Peris, pïchini möngöy koronete akwanyï kïchicha ngörï, kïkany atotuyö kegh chane kïporyeghenanïn, kumuköy chane kuwuranïn nko piko konyu.”

OSEA 6:9

Lata Tïsï chelölös cho syepo pich or. Tïgho pich ompö or nyo wetöy Syekem akwigh ghöyityö ompö kwötin.