TOWUNÖT 11:3 - PIPÏLIA

³ Atolapay kïmwochinö lö, “Ne, apkana kegha mataparen akepel lasiny.” Kitïng chane mataparen cho kitektoy nko lam cho kituyegho matapareni.

TOWUNÖT 11:3 Referans Kwoze

TOWUNÖT 14:10

Kinyïghï lam mpöghoghyononi pö Sidim, kïkany otini kilentöy pöytoghi Sodoma nko Komora kïryöghöy otini kila poryot, kupïtyini lam ori wölo kupertoy cho le sömök kïpus kutïngkot.

WUWÖT 2:3

Akï otini kimökumukönye kïwïny ngat kïnöpchï tirïpka nyo mïnïng nyo pö awawat. Akïmala tömönchö akutö monïngay ori akïwïnchï kwenu sus cho mi kamasu lalwa.

WUWÖT 1:14

Akwigh otöptöngwa kïngwanit ompö ighisyö nyo awes nyo pö teksyö nko ighisyö anka tïkwïl nyo kimi paren. Melö kisyonchï chi chane.

YAKOPO 5:1

Oterwante pich cho ochï sïkon! Oriryö, alokyö ompö nyörilwok cho itwokwa!

EPRANIA 10:24

Kekilö nyu kegh akany kïsïnga chi ngaleko chitö anka ompö kingarakata kegh akeparta chomnyogh akegh nyo karam.

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

ISAYA 9:10

“Körulyö korichay pö mataparen, wölo kïtekocha korichoni koghïn cho kikipat. Kakïtör pïrompïris pö makany, wölo kikerenecha pïrompïris pö tarakit.”

2 SAMWEL 12:31

Akïnam pikö cho kimi kanasyante akutö kwigh ighisyo mïsïmenö akutang kapempoy nko oywöy akwigh mataparen ompö owesyö, kighchï lenyoni tïkwïl kanastina pipö Amon. Atolapay kïmïla Daudi nko pikachi Yerusalem.

YAKOPO 4:13

Oterwante chona omwoghöy lö, “Kïrutocha asisete anta asïyech kepetöy kanasyan nyo syom aketïpï wöloni akegh pasyara ompö köny kïmïkul, atökesïkö ropïyen cho chang.”

NAUM 3:14

Akwa pipö Ninawi, oghekwa ne? Arama pögh, atöpï kïpsach ompöwölo kikerikakwa! Okilö nïyet pö kanasyantengwo! Atyakatyaka norayonto mönö nyo kigho mataparen, anagh mat nyo kïpelo matapareni!

ISAYA 65:3

Ighanïn chane anarek ompö tïkukwa cho ighöy cho pö arasï, tötoy amörostin cho kïpelöy ompö paren akïpelöy mankoy cho ngutoy nyo karam ompö ato sogho pipö punton.

ISAYA 5:5

“Anyï nyu kïgh nyo oghchinan paranï pö sapipun. Ongongan karatu kïtïryalit angany nayatu nyo körtoy tökwam tïpö wudïn akïtïkatïk.

OMTOGHIN 2:1

Olenchan kegh, “Nyonö atyamenin ngörekyö ailït ngörekyö lö tïrpïl.” Wölo kïlïkwï nyoni tïkwïl kwïle.

NGÖTÏNYÖ 1:11

Ato mwowun chane lö, “Nyonö kepe keyaratena chi kepara, kïrkegh kömötïngcha lelut.

TUMWÖY 64:5

Kilöy kegh chane ompö tötutkökwa cho ghach, tötöy chane wölo töni ngöghöptinekwa, akïlentöy, “Möminye chi nyo sïwïyi chane.”

TOWUNÖT 11:7

Apkana keröytenö tökewura ngalekwa tömökïlïmchinö chane nko chane.”

TOWUNÖT 11:4

Kïmwochinö lö, “Ketekyinö kegh kanasyan nko pchörï nyo kogh nyo itöy yïm, tökemuka kerumtenö tömökïtoyö keghömï ngwïny kïmïkul.”