TOWUNÖT 1:31 - PIPÏLIA

³¹ Kïsïwa Tororöt kïgh anka tïkwïl nyo kigh lö, pïchigh tya. Kuwer oghö, kwitï pöghetï, asisto mut nko akonga.

TOWUNÖT 1:31 Referans Kwoze

1 TIMOTEO 4:4

Karam kïgh anka tïkwïl nyo kigh Tororöt, möminye kïgh nyonikïny nyo kïtöghöy. Kïlenyona mïchini ketach kïgh anka tïkwïl akesagh keyokyï Tororöt sörö,

TUMWÖY 104:24

Kighanyi tïkwïn cho chang, we ECHOTYON! Pö töngönchin lö ne wölo kidenyi chane löwïr. Kinyïghï ngwïny tïkwïn cho kighanyi!

WUWÖT 20:11

Ompöwölo kigh ECHOTYON yïm nko ngwïny nko nanam nko tïkwïn löwïr cho mi oringwa ompö osis mut nko akonga, atolapay kumuny ompö asispa mut nko odeny akusoyön asispa Sapato akutïlil.

TUMWÖY 104:31

Nya kïtöpö ororyo ECHOTYON kokay! Nya kïngarak ECHOTYON ompö tïkuchi löwïr cho kigh!

LOK 3:38

Ayo, melö so kuti ECHOTYON nyo Töror nyo mwoghöy lö igho kïgh nyo karam anta nyo gha?

AYUPU 38:7

ato kitumöy kokelya tökwoghö akïseronchö kurur ompö yïm, ighan pö Tororöt ompö ngörekyö?

TOWUNÖT 2:2

Otini kitïta asispa mut nko odeny, kuwany Tororöt ighisyenyi nyo kighöy akumuny ompö ighisyewutkachi löwïr.

TOWUNÖT 1:23

Kuwer oghö, kwitï pöghetï, asisto mut.

TOWUNÖT 1:8

Kïkurö Tororöt mïrötononi “Yïm.” Kuwer oghö, kwitï pöghetï, asisto odeny.

TOWUNÖT 1:5

akïkurö löpoyïn “Pöghet,” kïkurö tuwïn “Oghö.” Kuwer oghö, kwitï pöghetï, asisto tagh.

TOWUNÖT 1:19

Kuwer oghö, kwitï pöghetï, asisto angwan.

TOWUNÖT 1:13

Kuwer oghö, kwitï pöghetï, asisto sömök.

1 TIMOTEO 4:5

ompöwölo ighöy ngölyonto Tororöt nko saghat tïkuchoni kïlïkwï cho chömunote ompö tawu Tororöt.

WUWÖT 31:17

Lïku kiporunöt nyo pö kokay nyo mi kwenunyan nko pipö Israel lö, kigh ECHOTYON yïm nko ngwïny ompö osis mut nko akonga, wölo kumuny asispa mut nko odeny.’ ”

TUMWÖY 104:28

Kwöghöy chane kïgh anka tïkwïl nyo itöninenyi. Pïghyongi chane omisyö ato inganganyi ewungu.

TUMWÖY 119:68

Ichinyi karam aighenyi nyo karam! Netante kikirutköku.

NGÖTÏNYÖ 16:4

Kigh ECHOTYON kïgh anka tïkwïl kïmi kerötenyi, kigh ompö mwokïyis kïlïkwï nyingwa asispa nyarïl.

OMTOGHIN 3:11

Kigh nyinte kïgh anka tïkwïl kïpïchighit ompö asistanyi, akïkonecha ngat machat kenkïtunö osiswo kokay cho pkonöy, wölo kigh ompö or nyo memukönye ptangengmöt ntökunkïtu kïgh nyo ighöy Tororöt kïngata towunöt ntökwit söröm.

TOWUNÖT 2:3

Kusoyön Tororöt asispa mut nko odeny akïngot kïlïkwï asis nyo tïlil ompöwölo asisoni nyini kimuny Tororöt ompö ighisyenyi nyo pö towunöt.

KINONO KIRURUT 32:4

“Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.