17 Kutö Tororöt löpoyïntin wölnö le mïröt tökïlöpochï ngwïny,
Otopönan yïm nyo kighenyi ewuneku, nko arawa nko kokel cho kitönönyi woptinekwa:
Rumunote, we ECHOTYON Echotyontïnyo, ororyengu ompö ngwïny kïmïkul, kitïta ororyengu yïmwöy.
“Mi ato kimwochinyi yekon kïyech kïngeta keyiyinyi aigh kiwasan kunkïtï otinö ngwïnöy,
Ompöwölo lenye nyoni wölo kimwowuntecha Echotyon lö, ‘Kotöninyi lïkuna löpoyïn pö punton, atepchinö sörunöt ngwïny kïmïkul.’ ”
Otöninan kïtompïl wölo mi poltoy. Atökïlïkwï nyoni macheypa mumenyan nko ngwïny.
“Kïle otini momukekwanye ntawaghach muma* nyo kyaman nko pöghet, aman nko oghö lö, mi ato lïku pöghet akï mi ato lïku oghö,
Wölo kamwaghan ante ECHOTYON lö, kïle otini kyaman muma lö mï ato lïku pöghet nko ato lïku oghö, asatan wölo töptoy tïkwïn ompö yïm nko ngwïny,
