TOWUNÖT 1:11 - PIPÏLIA

¹¹ Atolapay kïlö Tororöt, “Nya kïpita ngwïny suswö nko ket walaka tïkwïl. Kösïgh cho yinu pagh nko cho yinu akwa.” Kwighisyö lenyoni.

TOWUNÖT 1:11 Referans Kwoze

EPRANIA 6:7

Ompöwölo par nyo kigha rop kïnomnyö, akwigh onkïy akwa cho tïng kinyiwut ompö ngorin kï nyo kikusoyön Tororöt.

TUMWÖY 147:8

Yeno nyinte poltoy wölnö le mïröt akutö rop ngwïny akwigh sus kïpita komos.

TOWUNÖT 1:29

Okonokwa pagh cho sisinchö nko akwa ket lapay cho mi wop anka tïkwïl tökïlïkwï omisyenkwa.

TOWUNÖT 2:9

Akwigh kïpita wöloni ket anka tïkwïl nyo karam nyo yiyu akwa cho karamach cho mïchini kïlïkwï omisyö. Kimito kwenu paranoni ket pö söpon nko ket nyo kinkïtuno kïgh nyo karam nko nyo gha.

MARKO 4:28

Nyïngwïtyan nyo ighöy töntörwö kïghya akuyin akwa, nyoghöy kïrïtu suswon, atolapay kïtereman akïrïr.

MATAYO 6:30

Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

AYUPU 28:5

Ngwïno omisyö nyïngwïtyan, wölo kikïkwangkwang ompö ma, kïgh anka tïkwïl ompö wölnö le ori.

TUMWÖY 1:3

Lata nyinte ket nyo kapita champilwa nyo mi pögh, nyo yinu akwa ompö osiswechi amelö yomot sökechi, perurote kïgh anka tïkwïl nyo ighöy nyinte.

TOWUNÖT 2:5

kimöminye ket cho kimi ngwïny akimöminye kösïgh cho kipit, ompöwölo kitomönye kïropönchï ECHOTYON Tororöt ngwïny akimöminye chi nyo kingor ngwïny.

YAKOPO 3:12

Tupchenichu, muköy moköngwö kuyin akwa arol anta sapipun kuyin akwa makany? Kïlenyoni tïkwïl memukonye kïpkana pögh cho onyïne kongpa pögho partin.

MATAYO 3:10

Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma.

YEREMIA 17:8

Karkegh chi nyo lata nyoni nko ket nyo kipita lalwa kamas, nyo tortoy sikin kïröytö wölo mi pögh. Mewöghönye osiswo kilayat, ompöwölo nyörilöch sökechi kïtenö osis. Motyönye osiswo pekat akuyinöy akwa ompö osiswechi.

TOWUNÖT 2:16

Kïlenchï ECHOTYON Tororöt chichay, “Imukenyi ntyam akwa löwïr cho pö ket anka tïkwïl nyo mi paranï,

1 KORINTO 15:38

Tororöt nyo töni kösïghyontononi porini kömököy nyinte. Nyoru kösïghyontö anka tïkwïl portanyi kïsis.

TOWUNÖT 1:12

Kïghyagha nyu ngwïny kösïghyontö anka tïkwïl. Kösïgh cho yinu pagh nko ket cho yinu akwa. Kïsïwa Tororöt lö, karamach choni lapay.

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.