TITO 3:6 - PIPÏLIA

⁶ Tororöt nyo kiyinwecha Mïkulögh nyo Tïlil kïnyïghï ompö ara Yeso Kristo* Ghetintenyo,

TITO 3:6 Referans Kwoze

YOEL 2:28

“Kïkany ompö osis cho pkonöy, omïlchinan mïkulöwanyan pich löwïr ngorsïyi werkökwa nko tipikwa rwotïtoy poyikwa kirwotïtogh kïngonchini chumwakökwa ngongut.

RUMI 5:5

Amelö ipkecha kikönötononi langanyat, ompöwölo kikunyïghit Tororöt chomnyenyi mïkulöwecha ompö ara Mïkulögh nyo Tïlil nyo kikïkonecha nyinte.

IGHISYEWUT 10:45

Kïtangany pipö Yaudi cho kikughan cho kipkono Yopa nko Petro otini kisïwa lö ketö Tororöt pipö punton tïkwïl Mïkulögh nyo Tïlil.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

YOANA 16:7

Wölo omwowokwa ngölyonto man lö, karam ompö akwa ato owan, ompöwölo ato mowanye, kïmengwïnchinokwanye Kingörokintö. Wölo ato owan, oyokwokwa nyinte.

YOANA 1:16

Ompö sïkönöteto pöropchenyi, kikekonecha perur nyo mewonyotnye.

NGÖTÏNYÖ 1:23

Atera kinetutkochan oyinokwa kinonutköchan aporwokwa ngalechan.

TITO 1:4

Okirchinan Tito, nyo le werïnyan nyo pö nyoman ompö kighanatanini kïghömtocha tïkwïl. Nya kïkoninyi Tororöt Papo nko Kristo Yeso, Ghetintenyo pöropchö nko kalya.

EPESO 4:2

Alïkuna pich cho opöy kegh ngwïny, pö cho tölose, pö cho mïkukönöy. Otighö kegh ompö chomnyogh ompö ara kingarakata kegh.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

IGHISYEWUT 2:33

Ompöwölo kiketöror nyinte aketö kïtöpö okumpö tagh nyo pö Tororöt, akïtach ompö kwanta ayomis nyo pö Mïkulögh nyo Tïlil. Kunka nyete kökonï nyu kïyete osïwïyekwa ye alïmöy.

YOANA 7:37

Ki asis nyo wow asis nyo pö söröm nyo kipö asisoni wow pö omisyö. Kïlenyona kughyö Yeso akutegh ompö kut nyo wow lö, “Chi anka tïkwïl nyo amatïn maral ingwïn wölo omitan ateghegha pögh.

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.