TITO 1:7 - PIPÏLIA

⁷ Ompöwölo kiketö kintöghoghinto kanisa kughyongchï pöghisyo Tororöt, kïmïchini nyinte kïlïkwï chi nyo puryö lelut. Melö mïchini kïlïkwï chi nyo anta kwolöy kegh chi nyo mïrmïr möt, anta tömösin, anta köromit, amelö chi nyo pïrchini ropïyen.

TITO 1:7 Referans Kwoze

2 PETRO 2:10

ntökïmïr pich cho rïpöy pïrchintin pö por cho ghach cho le sïmnyon akï sas wowïn pö Tororöt. Pkatis konetichoni akunisonchot ametönicha konyït ighan cho ororöch cho mi parak, nyinö köteghöy lenyoni kumwa.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

1 PETRO 5:2

ayakwïya lasiny kechiryo Tororöt cho mi morikwa, ompö chamatenkwa kegh amelö ompöwölo mi chi nyo köyumchokwa agha lenyoni. Amagh pöghisyononi, lö tökesïkenö ropïyen wölo ompö mïkulöwunkwa kïmïkul.

1 PETRO 4:10

Mïchini chi anka tïkwïl nyo mi kwenunkwa kïpöghisyegho kuten ropöw cho sisinchö cho kitö Tororöt ompö kinyiwut nyo pö pikö walaka, le ripï cho karamach cho ghyongchini ropöwo Tororöt cho chang.

LUKA 12:42

Kuyokyï Echotyon lö, “Ngo ataye mötworintö nyo kighönöy akï ngöghom nya? Mötworin nyo lata nyoni kï nyo töni echotyontenyi kughyongchï pöghisyewut pö akuros lö könyorï konyi mötwori walaka ropöwo omisyo osiswechini kikïchomnyechï.

ESEKEL 44:21

Mögheghönye tïsin dipay* ato wetöy kïlïtöy Kö pö Tororöt ori.

ISAYA 28:7

Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.

NGÖTÏNYÖ 14:17

Ighöy chi nyo mïrmïr kïgh ompö sölwontön, wölo mïkukönöy chi nyo chïrer.

NGÖTÏNYÖ 15:18

Ngetngetöy chi nyo mïrmïr syala wölo nuköy chi nyo mönörekönye lawel kwintan.

TITO 2:3

Neta tïkwïl kor cho kayetu kïtïpï kïrïp kegh nko wölo töptoy korï cho tïpisot otöp nyo tïlil. Mömïchinicha chane kuswomöy pich anta cho sekeyi kumïn. Mïchini chane kunet kïgh anka tïkwïl nyo karam,

TITO 1:5

Kyopïsyinyi Krete atesata lasiny tïkwïn cho roko kegh, aikïl poy cho ghyongchini kanisen cho mi kanastin löwïr, lenyini kyomwowunyi.

PILIPI 1:1

Kakirwan palalyantanï ante Paulö nko Timoteo cho kïchï mötwori Kristo* Yeso. Kikirchinecha pipö Tororöt löwïr cho mi Pilipi, cho kiketuyö nko Kristo Yeso nko pich cho ntöghoghchini kanisa nko cho ngörokisïyi.

MATAYO 24:45

Kulet Yeso tagh kïlö, “Ngo mötworintö nyo ghanate akï ngöghom nyo töni echotyontenyi kïpayta pikachi atökutö mötworichi omisyengwa otini kömïchini ketö?

OMTOGHIN 7:9

Irip kegh menyagh imïrmïritï, ompöwölo töpo mïrmïryö mïkulis pö sölwöy.

NGÖTÏNYÖ 16:32

Karam chi nyo melö nöreköy lawel kïtïl chi nyo awes, akïkaram nyo tungöy mïkulöwunyi kïtïl chi nyo pöröy kanasyan.

LAWIN 10:9

“Meghegh kumïn anta dipay* nyi nko werköku, otini olïtöy Ema nyo mi ECHOTYON tömomeghö. Nyete kï kirurut ompö pïnwöy cho tökïpkonöy.

TOWUNÖT 49:6

Osirenan kegh kokwotïnekwa, mochömanye otuyö nko chane. Ompöwölo kipar pich ompö nörekyengwa, akïtor eghin aghisay kwïle.