SAKARIA 9:8 - PIPÏLIA

⁸ Oripan ante korenyu tömöngisngis lïkos pö koros walaka. Mopïsinanye ngat kepïr piköchan, ompöwölo kyasïwan ante chopat nyo kyam piköchan.

SAKARIA 9:8 Referans Kwoze

ISAYA 54:14

Ighinyi man chïchïma, ilowitunonyi nyarïl nko otyogh.

ISAYA 60:18

Melö tökelïmo korengu ngat kiteghata masat. Amelö tökutimtimöy korengu kiwurata ngat. Okörtoninyi aghetinyi le nïyat, isölaninyi ompöwölo kosörunyi.

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

YEREMIA 31:12

Pkonöy nyu pipö Israel kïtumöy ompö ngörekyö, ompö kutïng pö Sayon. Ngörokyini ropöw cho oropchinan chane Ropöwo pagh nko dipay* nko mwowöy cho pö kechir nko tïch nko kyaki walaka. Körökegh nyu atoni möngengwa nko par nyo mi pögh osis löwïr. Möminye kïgh nyo rörchini chane.

AMOS 9:15

Okötkötyinan pikachu korengwa amelö tökengetöy chane kokay ompö koronï otöninan chane.”

ESEKEL 39:29

amelö topörchinan chane patagh kokay, ompöwölo omïlchan chane mïkulöwunyu.” Mwoghöy Echotyon TORORÖT.

ISAYA 52:12

Melö osurekwa panï pö ye, amelö opertonekwa atochïwïtyenö. ECHOTYON Tororötïnkwa nyo ntöghoghwokwa akïripokwa nyinte ompö wop anka tïkwïl.

ISAYA 31:5

Oköran kegh nko tarit nyo yentoy warechi ompö panchenyi, kïlenyoni wölo okörtonan ECHOTYON Kimuktoghin kanasyanta Yerusalem.”

TUMWÖY 72:4

Nya kungarak pöytoghintö mey akutokunö chopot akuwany pich cho pïröy pikö walaka.

TUMWÖY 34:7

Ripöy malaykayanta ECHOTYON pich löwïr cho konyïtöy nyinte akïsöru chane.

2 SAMWEL 16:12

Töptoy sïwïyi ECHOTYON kichoputköchan asete akïkonanïn köromnyö ompö chïpötonï pö asete.”

WUWÖT 3:9

Kikwitï rira pipö Israel wölo omitan akasïwan wölo kechopta kong pipö Misri chane.

NGONGUT 20:9

Kiyasta chane kïghömï ngwïny kïmïkul akuwitwit kanasyantanay chömöy Tororöt, kanasyan nyo kimöngöy pikachi. Wölo ketyorunö ma yïm nyo kiwany chane.

IGHISYEWUT 7:34

Kasïwan nyoman nyarïlpa piköchan cho mi Misri. Kyalïman riratengwa, nka nyï korökwan atosörï chane. Nyone nyu ayontinyi wïyö Misri.’

SAKARIA 14:11

Möngisïyi pich Yerusalem ompö kalya ompöwölo melö tökïchïpote.

SAKARIA 12:8

Oripan ante ECHOTYON asisoni pich cho möngöy kanasyanta Yerusalem. Lïmchini kegh chi nyo nyarkalal ompö kwenungwa lö otïng owesyö nyo kitïng pöytoghinto Daudi. Ntöghoghchini pipö ara pöytoghin Daudi pipö Yuda le malaykayanta ECHOTYON, anta le Tororöt.

YEREMIA 46:13

Kingölonwanïn ECHOTYON paraku Nepukadnesa, pöytoghinto Papilon nyo kingwïnöy kïpöröy koro Misri, kimwa lö,

YEREMIA 46:2

Kingalana nyo pö tagh koro Misri nko lïko Parao Neko, pöytoghinto Misri. Kimi lïkononi Karkemis ato lekïto lalwa Yuparet. Kiporyeghö ntökïrïnta Nepukadnesa pöytoghinto Papilon lïkononi pö Misri ompö könyi angwan nyo pö paytaghpa Yeoyakim wero Yosia pöytoghinto Yuda.

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 4:5

Atolapay kïyonï ECHOTYON polta ato le pöghet nko ighöt ato le nangat nko lyopöt ato le nangat kulïwchï kutïng pö Sayon. Lumöy ororyo Tororöt akïkarta kanasyante kïmïkul.

2 PÖYTOGHÏ 24:1

Kipokyï Nepukadnesa pöytoghinto Papilon koro Yuda osiswechoni kipöytoy Yeoyakim. Kïnam Yeoyakim kïlïkwï mötworintenyi ompö könyis sömök, atolapay kïtagh Yeoyakim nyinte.

2 PÖYTOGHÏ 23:29

Ki pöytoghinto Misri Neko ompö osiswo Yosia. Kïwö Neko nko piko lïkenyi kïpusta kutang lalwa Yuparet atökungarak pöytoghinto Asirya. Kïwö pöytoghintö Yosia kïporyeghö nyinte ompö Mekido, wölo kepar Yosia ompö poryot.

WUWÖT 3:7

Kïlö ECHOTYON, “Kasïwan nyarïl pö piköchan cho mi Misri akalïman lokekwa ompö pich cho chopöy chane kong. Ankïtön ngwonïntöngwa.

SAKARIA 9:7

Mochömchinanye chane kwam ngat peny nyo mi nko kisön, amölïtönye kutingwa omisyö nyo taghate. Lïku chichan pich löwïr cho kingötï. Oyitan kïlïkwï akonga nko pipö ortïna Yuda Lïku chicha pipö Ekron le pipö Yepusi.

2 PÖYTOGHÏ 19:34

Oripan kanasyantanete asörï akarta ompö konyït pö kaynenyan nko mötworintenyan Daudi.’ ”

NGÖTÏNYÖ 3:25

Meway otyogh nyo miru anta ato itï kiwurata mwokïyis.

SAKARIA 12:4

Oghan asisoni angoletino lïkos pö pung pö piköchan kïpotonchö akïköryö. Oghan tïkwïl pöryeghï cho pegho angoletinechoni kupilyö, wölo okomönan nyoman pipö Yuda.