SAKARIA 9:16 - PIPÏLIA

¹⁶ Söru chane asisoni ECHOTYON Tororötïngwa ompöwölo chane kï kechiryechi. Kwörkwersot chane ompö korenyi, Lata koghïn cho pö olyot nyo wow ompö tenta nyo kilokyini möt.

SAKARIA 9:16 Referans Kwoze

ISAYA 62:3

Ilïkunenyi akope nyo pïchigh ompö ewu ECHOTYON, kopiyo paytagh ompö mori Tororöt.

LUKA 12:32

“Amowöghisyö, okwotnï mïnïng, ompöwölo kacham Paponkwa nyo mi yïm kïkonokwa Pöyunötenyi.

AKAY 2:23

Okoninyi asisoni töpenö ngacharu paytagh, we Serupapel mötworintenyu. Ipöytonenyi ompö owesyo kaynenyan ompöwölo kakïlinyi.’ ” Mwoghöy ECHOTYON Kimuktoghin.

YOANA 10:27

Teröy kechiryechan kutinyan, ankïtön chane akïrïpanïn chane.

ESEKEL 34:31

“Ochikwa kechiryechan, kechiryeko acheytanyan. Ochan nyu Tororötïnkwa.” Mwoghöy Echotyon TORORÖT.

YEREMIA 31:11

Ompöwölo ante ECHOTYON nyo kosörwan Yakopo, kosörunan nyinte mori kor nyo awes kïtïl nyinte.

ISAYA 60:14

Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

ISAYA 60:3

Soru löpoyïntöngu pipö koros, pkonchini pöytoghï löpoyïntöngu nyo kayek.

TUMWÖY 100:3

Onkïtï lö, ECHOTYON kï Tororöt, kighecha nyinte akïchicha chechi kïchicha pikachi akechï kechiryechi.

SAKARIA 8:23

Lentöy ECHOTYON Kimuktoghin, “Pkonöy pipö punton cho le taman akïsïkwïr chi pö Yaudi akonga kïlenchini, ‘Kepe tïkwïl ompöwölo kakïlïmacha lö mi Tororöt nko nyi.’ ”

ISAYA 40:10

Ngwïnöy Echotyon TORORÖT atökïpayta ompö owesyö, akumïtu pikachi cho kakïsörï nyinte.

SEPANIA 3:20

Oghömïtwokwa asisoni apkana kaw, olïkunekwa pich cho ororöch ompö ngwïny kïmïkul, osoyönokwa onyorunö tïkwïn le tagh. Oghan ngalechoni löwïr, asïwïyekwa ompö konyikwo.” Mwoghöy ECHOTYON.

MIKA 7:14

Lïkuna mösöwonto piköku, ECHOTYON nko lïkengu piköku kegh cho kikïlanyi cho möngöy opïn surkwen wölo kimi korö wölo akwagh. Nya kïpa chane kïpa chane achey wölino le Pasyan nko Kiliad le atanya le köny.

YEREMIA 23:3

Atolapay aghamïtwan piköchan cho kingötï, kïpkana woptin löwïr wölini kyotoytoychan chane tökïpka korengwa. Pkonöy kïyisot akïchangit.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

YEREMIA 31:10

“Akwa pipö koros, atera ngölyonto ECHOTYON. Amwatïtena kurel koros cho lowöch lö, ‘Ghömïtu pipö Israel nyinte nyo kitoyö chane akukaman le mösöwonto kechir.’

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

WUWÖT 28:9

Icheng koghïn odeny cho nyörilöch aikirchï kaynötut pö werpö Yakopo,

WUWÖT 28:21

Lïku koghi taman nko odeny kïrïp kegh nko kaynötut pö werpö Yakopo, kagh akonga ompö kaynata chi akonga, ompö ortïne kï taman nko odeny.

ISAYA 54:12

Otekonan wölo kïripsyegho koghïn cho pïröch, atekan ortïneku koghïn cho kwerkwersot, atekan nayat nyo witinyi koghïn cho pïchighöch.

ESEKEL 34:11

“Kïlenyona lentöy Echotyon TORORÖT, owetan ante oyörotoy kechiryechu, ayakwïy ante.

ESEKEL 34:12

Le wölo yokwïytoy mösöwontö kyakichi, oyokwïyan kechiryechan lenyoni. Osörunenan chane wölini kïtoytöyechï löwïr ompö asispa kïruntï nko turï.