SAKARIA 9:11 - PIPÏLIA

¹¹ Lentöy ECHOTYON, “Kïle otini kyaman muma* nko akwa nyo kikikïninieghö kisön, otyokan pïnotkökwa cho lenye ratan cho mi pïrïm nyo mamïnïng.

SAKARIA 9:11 Referans Kwoze

ISAYA 51:14

Kityoköy atolekït pich cho rötote, tïpisot chane könyis cho chang amelö rörchini chane omisyö.

WUWÖT 24:8

Kïcheng Musa kisön akwisö pich akïlö, “Chï kï kisön cho pö muma nyo kam ECHOTYON nko akwa ompö ngalechï.”

ISAYA 42:7

ateyata konyi chepkarotin, aiyatïta pich cho kikïkörchï chela cho mi wölo tuw, kïpechï kegh.

1 KORINTO 11:25

Kïlenyoni, otini kiwany kwomisïyi, kïcheng mpalaw akïlö, “Anyï kikompa nyo pö muma* nyo rel nyo kakikïninieghö kisönköchan. Agha le nyete kïnomnyö otini ononanïkwa.”

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

EPRANIA 10:29

Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

ISAYA 49:9

Olenchinan pich cho le mampustin, ‘Ochikwa tyokote, opechinö kegh,’ alenchan pich cho mi tuwïn, ‘Apkana wölo mi löpoyïn!’ Nyoru omisyö ompö wölini kapa, kïrkegh kapa wölo le komos.

TUMWÖY 69:33

ompöwölo terchini Tororöt chopot amelö wutyegho pikachi cho rötote.

TUMWÖY 40:2

Kingwïsunenanïn pïrïm, ongetunö norayon akutönanïn oghyongö ghat atïkatan wölo anger.

MARKO 14:24

Atolapay kïlechï Yeso chane, “Kisönköchan chete, nyo puntoy muma* Tororöt cho kïmïltoy ompö pich cho chang.”

LUKA 22:20

Kïmwa lenyoni ngat ompö kikompo dipay otini kiwany omisyo nangat lö, “Kikomponï kuporu muma* Tororöt nyo rel ompö kisönköchan cho kïmïltoy akwompö akwa.

ISAYA 58:12

Teköy ngat pikökwa wölo kirulyö könyisok. Teköy chane ngat kutoro koghichini kikïtowunö teksye nyo kipö könyisyok. Nkïtwekwa pich atoni lö pich cho tekotoy ngat nïyet cho kökikïrulyö akï pich cho wöghököy korïn cho kikewur kuten.”

TUMWÖY 30:3

Kisörwaninyi achïwïta ngwen, kyowetan otöngöy pïrïm, wölo kiyokunyi söpontönyan.

KINONO KIRURUT 5:31

Wölo imïla nyo le nyi itöpö nko ani, atomwowunyi kinetutköchan löwïr nko kirurutköchan cho inetenyi chane kïrïp ompö korononi otönan chane.’

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

LUKA 4:18

“Mi Mïkulöwu Echotyon nko ani, ompöwölo kikïlanïn omchï mey Lökoy cho Karamach. Köyonwanïn atomchï pich cho rötote lö, kityoköy chane, atökurosïta ngat chepkarotin, atöketyak pich cho kïpïröy,

ISAYA 42:22

Wölo ye kakïchora pikachi tïkwïn, akekörchï chane wölo tuw aketorchï chelen. Karkegh nko tïkwïn cho sökosöy tyompö wudïn, akïpuryö nyo söru chane. Kakïnam wölo melö mi chi nyo lentöy, “Osörunö!”

YEREMIA 38:6

Kilenyona keratanïn akereytanïn kö pö pögh nyo kipö Malkia, wero pöytoghin. Kilekïto köyoni pö pögh kö pö ripï. Melö kimi pögh köyoni pö pögh kïpoto norayon. Kïlenyona kikireytanïn ntolït norayon ori.

NGONGUT 20:3

akuchoytö kïröytö ngwen akïkörchï wöloni akutö kïgh kuke nyo por lö puryö chi nyo yotöy. Kikïkörchi wöloni Onyöt atömökumï ngat kïlïs pipö ngwïny ntökïtenö kuwonyö könyiswechoni le elpu akonga. Kïkany kuwonyö könyiswechoni le elpu akong, kïmïchini ketyak nyinte ngat, wölo ompö osis cho ngörï.

DANIEL 2:29

“Otini kirïwenyi we pöytoghin, kipka kinonut cho pö osis cho pkonöy, kiporunyi Tororöt nyo poru wïngut kïgh nyo igho.

2 OTÖPTINO OSIS 7:17

Ato iwesteghenyi tawunyan le wölo kiwesteghö papongu Daudi aigh tïkwïn löwïr cho komwowunyi airip kirurutköchan nko kirwokutköchan,

2 SAMWEL 13:13

Lïku nyoni arasï nyo wow ompö ani, kïnyïl nyi ilïkunenyi akonga nyo pö sölwöy ompö Israel. Kïlenyona kaykay omwowunyi lö tepa pöytoghin ompöwölo melö töghöy ipaninyi.”

LUKA 16:24

Kïkursyegho wölini lö, ‘Paponyu Apraam! Syonchante wey! Yonwo Lasaro kungwïn kulut walto morïnenyi pögh atökïnukö ngalyapunyan, ompöwölo kowongwan tya ompö mayï.’

EPRANIA 10:2

Ntökile nyinö kikigh pïchoni kisoghöy Tororöt kïtïlilöchitu lö chïkïl, tömelö kitötökilïmchini kegh lö kïtïng ngokï ngat, akitömelö kitötökïmi ngat machata amörostinechoni löwïr.

AYUPU 33:30

atökuyokunö söpontanyi parsïkon atökïsïwa onyïnio söpon.

ISAYA 24:22

Tuyot Tororöt chane löwïr ompö pïrïm le mampustin. Körchini chane chela ntökwitïta asistangwa nyo pö kichopat.