SAKARIA 9:10 - PIPÏLIA

¹⁰ Lentöy ECHOTYON, “Owonyan nkarino lïk cho chutöy angoletino Epraim, nko cho pkonöy kanasyanta Yerusalem. Oriyan kïwantis pö poryot. Ipchini nyu nyinte pipö koros kalya, yöstoy paytaghtanyi kïngeta nanam ntökwit nanam. Ngeto lalwa Yuparet ntökwit söremwok pö ngwïny.”

SAKARIA 9:10 Referans Kwoze

OSEA 2:18

Oman nyu muma* asisoni nko tïpö wudïn nko törit nko tïkwïn cho chuto kegh ngwïny akwompö chane, atömökïswany ngat piköchan. Ochengonan kari lïk löwïr korengwa nko chokon nko kïwantis, apïsyan piköchan kïmöngisyö ompö kalya wölo tïghume.

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

ISAYA 60:12

Kiwuröy kor anka tïkwïl nyo töghöy kïpöghisyewokwa, ay, kiwuröy koroschoni lökarpïs.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

2 KORINTO 5:20

Kïchicha nyu kighyongtoghi Kristo ompö ngwïnyinï cho pöghisyegho Tororöt kïsoghsoghokwa kuwerwecha. Kïmitecha kesoghokwa nyoman ompö Kristo lö olinyenö nko Tororöt.

2 KORINTO 5:18

Ighöy Tororöt choni löwïr, nyo kelinyecha kelïkuna kongotichi ompö Kristo, akïkonecha achey nyo kilinyot tïkwïl pikö walaka nko nyinte.

IGHISYEWUT 10:36

Onkïtökwa ngölyontonay kimwochï pipö Israel, otini kyomtoy Lökoy cho Karamach cho pö kalya ompö Yeso Kristo* nyo le Echotyonto pich lapay.

AKAY 2:22

Onyoran pöyunötin, awanyan owesyengwa nyo pö poryot. Oryewan nkarinekwa cho pö poryot cho chutöy angoletinö nko ipikwa tïkwïl. Meghot angoletine, kïpara kegh ipikwa chokonikwa kïmeghö.

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

TUMWÖY 72:17

Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.

TUMWÖY 72:3

Nya kïsïch ngwïnya pöghisyö akïrumtö man ompö kore kïmïkul.

KINONO KIRURUT 11:24

Lïku nyinkwa kore anka tïkwïl nyo otïkokwa kelyekwo. Kïngetunö koronay le surkwen ntökwitïta Lepanon akïngeta lalwa Yuparet ntökwit nanampa Kwen nyo mi okumpö ta.

1 PÖYTOGHÏ 4:21

Kipayta Solomon punton löwïr, kïngeta lalwa Yuparet ntökwit koro pipö Pilisti akïnam rotyo koro Misri. Kïkwagh surï puntonichoni löwïr akwipchï Solomon. Kigh chane lenyoni kokay otini kitökïsöpöy Solomon.

TUMWÖY 85:8

Oteran kïgh nyo mwoghöy ECHOTYON Tororöt, ompöwölo ngölonchini pikachi ngala pöghisyö, cho tïghöy kerïpa ortïna sölwontön.

ISAYA 2:4

Linyot koros cho ororöch, akïsat pich cho chang. Tongöy chokonikwa kïlïkwï mökompöy, akutang ngötwekwa kïlïkwï rotwoy cho kïköso pagh. Amelö tökïpöröy kegh ngat koroswö, amelö tökïsetöy ngat kokay.

MIKA 4:8

Ngwïnchininyi we mösöwonto pipö Sayon paytagh nyay kipö tagh nko pöyunöto pipö Yerusalem.

TUMWÖY 89:26

Lenchinanïn nyinte, ‘Ichinyi paponyan aichï Tororötïnyan nko ghatya sörunötenyan.’

OSEA 2:20

Opinyi ompö kighanatenyan lïkuna nyinyan kokay, atenkïtunö lö ochan ECHOTYON.

MIKA 5:9

Rïntoy pipö Israel pungkökwa, pöröy chane nyo möngötunye ompö akong.