SAKARIA 9:1 - PIPÏLIA

¹ Anyï ngölyon nyo kamwa ECHOTYON, Nyoru sitöt nyo mötïny koro Adraki nko kanasyanta Damaska. Ompöwölo pö ECHOTYON kanastina Sirya, kïle wölo chechi tïkwïl pipö ortïna Israel löwïr.

SAKARIA 9:1 Referans Kwoze

MALAKI 1:1

Kimwochï ECHOTYON werkoyon Malaki kïmwochï pipö Israel lö,

SAKARIA 5:4

Lentöy ECHOTYON Kimuktoghin, “Oyoktonan chïpö kïlït kori chorï nko pich cho omöy muma ompö putintön. Omöy chane chïponï nko ketiko kot nko koghi cho kikïtekta!”

AMOS 3:12

Lentöy nyu ECHOTYON, “Melö ato sörunö mösöwonto kelyo kech anta motït kuti ngötïny, kesöru nyu pipö Israel cho möngöy Samaria cho kedukyeghö luchtina pïrïnta ompö korikwa cho echön.”

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 13:1

Anyï ngölyon nyo ngölono Papilon nyo kimwochï Tororöt Isaya wero Amos.

TUMWÖY 145:15

Sömökinyi kïgh anka tïkwïl, ipöghenyi chane otini ketïta ato mököy.

TUMWÖY 25:15

Orosan ECHOTYON kïnomnyö tökungarakanïn achïwïtan ngöghöp.

2 OTÖPTINO OSIS 20:12

“Ichinyi Tororötïncha ghetecha ompöwölo mökimukechanye kegh kïgh anka tïkwïl ompö lïk nyo wow nyo tenö nyï pkonöy kïporyeghonecha, amökinkïtöchanye kïgh nyo kighöy, wölo kïsömökecha nyi.”

TOWUNÖT 14:15

Nyini kitïta wöloni, kïchaghachagh pikachi kïtïpïyö ompö söpïchis akïporyeghö punkökwa oghö, kïrïnta akïyon ntökwit Opa nyo mi okumpö löt ompö Damaska.

AMOS 1:9

Lentöy ECHOTYON, “Melö oyodeghonan sitöt Tiro ompö ghöyitwoköku cho pö kïnomnyö cho kigh ompöwölo kirang pikö löwïr kïpa pïnotön koro Edom amenancha muma pich cho tupchö.

NAUM 1:1

Anyï ngölyonto ECHOTYON nyo ngölono kanasyanta Ninawi le wölo kimwochï Naum nyo ngwïno Elkos ompö ara sïwïyagh.

YEREMIA 32:19

Itötenyi ngaleku ompö ngöghomnyö aighenyi tïkwïn cho pö töngönchin. Isïwïyenyi lötok ortïn nko ighisyewut pö ptangengmöt airopchinenyi anka tïkwïl kïrïp kegh nko ortïnechi nko ighisyewutkachi.

SAKARIA 4:10

Atolapay kïlenchanïn, “Tatïnechoni le mut nko odeny kï konyi ECHOTYON cho le mut nko odeny cho topönöy ngwïny kïmïkul.”