SAKARIA 8:22 - PIPÏLIA

²² Pkonöy pich cho chang nyoman akïpka koroswö cho tïng owesyö nyo wow kïsoghanïn akïsomanïn osoyön chane.”

SAKARIA 8:22 Referans Kwoze

SAKARIA 8:21

Mwochini pipö kanasyan akonga piko kanasyante anka lö, ‘Wechara! Apkana kepe kesagha ECHOTYON Kimuktoghin akesom nyinte kusoyönech!’

NGONGUT 21:24

Pestegho pipö ngwïny löpoyïntanyi akwipchini pöytoghi ngwïny mökosyengwa kanasyantanoni.

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

ISAYA 25:7

Puktoy nyinte lawel ompö atoni polto nyarïl nyo körtoy pipö punton kïmïkul.

KALATIA 3:8

Kinya Kikirut kïngor lö ighöy Tororöt pipö punton kutenöy nko nyinte ompö kighanat. Nka nyoni kinya Kikirut kïmwochï Apraam Lökoy cho Karamach lö, “Soyönöy Tororöt punton löwïr ompö nyi.”

AKAY 2:7

Oryewan koros löwïr, akepï sïkönötengwa kïnyïghï konyan.

MIKA 4:3

Rwokyini nyinte pipö punton akïsat ngala punton cho owesöch cho lowöch. Tongöy chane chokonikwa kïlïku chempen kukud ngötwekwa kïlïkwï rotwoy cho kïköso pagh. Melö tökïpöröy kegh puntonï ngat amökunetöcha kegh poryot kokay.

YEREMIA 4:2

akwato awalwalakwa ompö man olentöy, ‘Le ato söpöy ECHOTYON,’ kïnyoru nyu pipö koros, kisoyönöt nko ororyö ompö ani.”

ISAYA 66:23

Pkonöy puntonï löwïr kïsoghenanïn Yerusalem ato kighöy Ichon pö Relïn pö Arawa nko Sapato* anka tïkwïl. Mwoghöy ECHOTYON.

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

ISAYA 2:2

Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 49:22

Kïlenchï Echotyon TORORÖT Kimuktoghin pikachi, “Osyolchinan ewunyu pipö punton le machey, atökuyokwï chane monekwa kïmïlisyö kestonikwa.

TUMWÖY 68:30

Iteghchï Misri, makawunona, iteghchï kintöghoghi punton, okwot pö kir cho oketïyi nko mogh, ntökïtenö kïkonyïtinyi chane akïkwöwunyi silpa. Itoyö pich cho chömo kegh poryot.

MIKA 4:2

Pkonöy pipö punton cho möngörï akïlö “Apkana kepe kutïng pö ECHOTYON, ketanga Kö pö Tororöt* pö Yakopo. Atökunetech ortïnechi akerïp ngalechi.” Ompöwölo pkono Sayon* kirurut, akungwïna ngölyonto ECHOTYON Yerusalem.

SAKARIA 14:16

Atolapay rotuy nyu Yerusalem ompö könyis löwïr pipö koros cho kingotï ompö pïchay kipka kïporyeghö Yerusalem. Pkonöy kïsoghöy ECHOTYON Kimuktoghin nyo le pöytoghin akïkonyït Ichon pö Tunkun.