SAKARIA 7:14 - PIPÏLIA

¹⁴ Atolapay akutïtan chane kïtoyechï koros le pïpïch nyo kutöy samï. Kipa nyu le pïnot koros cho kimenkïtnye. Nka nyoni kiwaghaka korengwa nyï karam le nyï kïlïkwï surkwen ompöwölo kitö kïmang ngo?”

SAKARIA 7:14 Referans Kwoze

KINONO KIRURUT 28:64

“Atolapay kutoyokwa ECHOTYON oghömunö punton löwïr cho mi ngwïny atopöghisyechinökwa tororötin walaka cho kikigha ket nko koghïn, cho tomönye asaghakwa anta papotïnekwa.

KINONO KIRURUT 28:33

Omöy piko punton walaka cho melö onkïtokwa paghekwa cho kyangorekwa kighotikwo, akuchopekwa kong kïtenö osis.

YEREMIA 23:19

Arosa nyu lö kengwïn nörekyo ECHOTYON Ghumonu le chepkiriri, Lenye pïchpïch nyo ghumo paraku mötöwo mwokïyis.

KINONO KIRURUT 4:27

Toyenokwa ECHOTYON oghömune punton walaka, atongötunökwa nyu pich cho ngörï cho otïpisot nko pïchoni.

SAKARIA 2:6

Kikur ECHOTYON pikachi kïlentöy, “Akwa wey! Oryöwunenö okumpö kuntoka wölo kyotoytochokwa le wölini okutïtonan yomat kïyasta!

SEPANIA 3:6

Lentöy ECHOTYON, “Kopuktan pipö punton ompö ngwïny arultan nïyet pö kanastinekwa kunyorisyö. Puryö chi nyo möngöy anta nyo westegho orinyi.

SAKARIA 9:14

Ngwïnchini ECHOTYON pikachi, akïwutïtö kotichi cho petöy le kiryalon. Kutöy ECHOTYON konti poryot, akuchumï nko pïpïch nyo ngwïno kumporö.

APAKUK 3:14

Kiwut kotiku kintöghoghinteto lïkengwa nyo kingwïn kughum le chepkïrïri akutoytoyecha, le pich cho ngöreksot ato nyïkwïdoy mey le tïpö wudïn.

NAUM 1:3

Melö kwïskwïs kïnarek ECHOTYON, wölo wow owesyö nyo tïng. Melö pïstoy mwokïyon kïchïwït mönyorï sitöt. Ngeto chepkiriri atoni kewerata ECHOTYON, poltoy kï terïtyon nyo ngetuno atona katïk kelyechi.

AMOS 1:14

Kïlenyona otorenan ma nayatu Rapa, atökïnagh wölo ghupo kegh. Kïlïmöy asisoni rira nyo pö poryot, ngwonitu porye le köromnyo chepkiriri.

DANIEL 8:9

Kipituna kuyöghö nyo mïnïng akonga ompö kuyechay. Kwawesit nyinte nyoman kutang okumpö löt nko kongasis akutang Koro Ayomis.

YEREMIA 52:30

Kïkany ompö könyi 23 nyo pö paytaghtanyi, kïrang Nepusaradan, yetïn pö ripichi pipö Yaudi 745. Kïlenyona kilïkwï pïchoni löwïr kikïrang 4,600.

YEREMIA 44:6

Kïlenyona kïyetï akula lakat nörekyenyan ntömökutuknye kanastina Yuda nko Yerusalem. Nka nyoni ye kinyar kïlïkwï kïratis cho otyegho pich nko nyete le ye ato sïwa.

YEREMIA 36:19

Atolapay kïlenchï chane Paruk, “Mïchininyi nko Yeremia ape awïnga kegh amotöp tomwochï chi lö omikwa onö.”

YEREMIA 30:23

Arosa nyu nörekyo ECHOTYON! Köchögh le chepkiriri nyo mamïnïng! Keghumotö le pïchpïch ompö paraku mötöwo mwokïyis. Amösisönye ntökïpïntö kerötenyi. Pköchinokwa lasiny ngalechete ompö osis cho tökïpkonöy.

YEREMIA 5:15

“Akwa pipö Israel, opkokwa pich cho pkono kor nyo low. Mwoghöy ECHOTYON. Pkonöy chane kïpörokwa, pich chane cho owesöch nyoman akï pö könyisyok, akï cho monkïtökwanye kutingwa, amöpköchinokwanye kïgh nyo mwoghöy.

ISAYA 21:1

Anyï ngölyon nyo ngölono Papilon. Ituno kiwurata kor nyo pö otyogh, nyo kikongityot nko wïwïchö nyo weru wölo le Surkwen.

ISAYA 17:13

Ryoghöy pipö punton le mirtino pögh cho chang, wölo teghchini Tororöt chane atökïmïlonchö löt, akïyon le terïtyon nyo kïkutöy kïröytö kutïng, kïkarkegh nko mopö cho kutöy pïchpïchö,

TUMWÖY 58:9

Kïtomö kïpitï kato, nya kupuktö nyinte ompö nörekyö, otini tökïsöpchot.

2 OTÖPTINO OSIS 36:21

Kïpïntö nyu ngölyonto ECHOTYON nyo kimwa kuwerï werkoyon Yeremia lö, kïpïstoy koronï kïtöpö möngorönye chi, akwosiswechoni löwïr töpo kumungöy, kïmi kupuntoy könyis 70.

KINONO KIRURUT 28:49

Yoku ECHOTYON pipö punton cho pkono wölo low, cho molïmekwanye ngalekwa kïporyö nko akwa. Sirirchinokwa chane le sich.

LAWIN 26:33

Atolapay otoytoyokwa oghömunö ngwïny atöninan ngot kïrïpekwa, akïlïku korenkwa kïratyan anyaran kanastinekwa.

LAWIN 26:22

Opïsunan tïpö wudïn cho köromöch kwam monekwa nko twakwa akwighakwa ongörïngitunö ompö kor amökïmicha pich cho pestegho ortïnekwa.

ISAYA 66:15

Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.

ISAYA 60:15

“Melö tökewirtoninyi ngat anta ghöchin pich. Kanasyan nyo kikesurö akegh kïlïkwï kïratyan. Oghinyi yetune aipïchighitï, kanasyanta ngörekyö kokay nko kokay.

YEREMIA 12:10

Kewur pöytoghi punton cho chang parenyan nyo pö sapipun katyakatyak kunyar parenyan nyo pïchigh, ntökwanyï ye kalïkwï surkwen.

ESEKEL 5:10

Kïlenyona omöy pich monekwa ompö akwa akwam monïngö papotïnekwa. Oghan ngalechï ompö akwa akï pich cho köngötï ompö akwa otoytoyonan kïghömï ngwïny.

ESEKEL 12:19

ailenchï pipö koronï löwïr lö, lentöy Echotyon TORORÖT, ompö pipö Yerusalem cho möngöy Israel, omisïyekwa ompö potana, aghegh pögh ompö mïghö. Kinyöngo korengwa tïku löwïr ompöwölo kikïlïkwï chelölos pich löwïr cho möngöy ori.

ESEKEL 22:15

Otoytoyenekwa oghömunö punton nko koros, achaman kuwonyö sïmnyontön ompö nyi,

YOEL 2:3

Omöy kor kïmïl le ato kapel ma. Karkegh korö nyo mi tawungwa para Eden, wölo tïryal lötungwa le surkwen. Möngötunye kïgh nyo mi tawungwa.

SAKARIA 8:1

Kingwïnchanïn ngölyonto ECHOTYON Kimuktoghin nyo lentöy,

OSEA 9:17

Wirtoy nyu Tororötinyan chane nyoman, ompöwölo melö kiterchï nyinte lïku nyu kochur ompö punton.