SAKARIA 7:12 - PIPÏLIA

¹² Kigh chane mïkuliskökwa kwowïwitu le koghïn ntömalïm kirurut pö ECHOTYON Kimuktoghin cho kyomwochan kuwerï werkoy cho pö tagh. Kïlenyona onörekyan chane nyoman,

SAKARIA 7:12 Referans Kwoze

ESEKEL 11:19

Otöninan chane mïkulögh akonga atönan mïkulögh nyo rel. Achengan mïkulögh nyo aghïgh ompö chane atolapay otönön mïkulögh nyo tapïlïl.

2 OTÖPTINO OSIS 36:16

Wölo kitas tagh kïpeny mötwori Tororöt, pirönö ngala Tororöt akïngem werkoykachi, tökïtenö kïnyölechï ECHOTYON pikachi tömökïminye wölo chïwïto.

IGHISYEWUT 28:27

Ompöwölo kimeghö mötöwö pïchï, akïmingote yitikwa, amökurostonye konyikwa. Ompöwölo kötösïwïyi konyikwa akötölïmöy yitikwa akötöpköchini ompö mötöwekwa akötemuköy kïmïlonchot wölo omitan atosopön chane.’ ”

ESEKEL 36:26

Okonokwa mïkulögh nyo rel nko mïkulöwunyan nyo rel kïtöpö nko akwa. Atolapay ochengenekwa mïkulöwunï aghïgh le kogh akonokwa mïkulögh nyo tapïlïl.

TUMWÖY 50:17

Ketaghanyi anetinyi aipïstö ngalechan.

MARKO 4:12

‘Rosïtoy ompö kirosat amösïwïyinye kïgh, teröy ompö terat amöpköchininye kïgh, tömöwöghökisyö wölo mi Tororöt akïlöstoghchï ngokikwa.’ ”

MATAYO 13:15

Ompöwölo kiwöngisyö mötöwöyi pïchï, kïminyö chane lö tïkïrkïr akïköryö konyikwa, tömöyotisyö konyïn akurosïta akïyotisyö yitïn akuyokyanïn kegh tosopön chane.’

ESEKEL 2:4

Oghïghe pïchï mötöwöy amötïnye kilalïyan, kayoktinyi ye wïyö lenchinö chane, lentöy Echotyon TORORÖT

ISAYA 6:10

Atolapay kïlenchanïn, “Igha mïkulis pö pïchï kwongeröchitu, aigh yitikwa kïminyö, akïköryö konyikwa atömökumï chane kurosïta anta lïm kïgh anta sïkwï kïgh, atömötöp ntökurosïtegha konyikwa akïlïma yitikwa akïsïkunö mïkuliskökwa, akïmïlisyö wölo omitan atosopön chane.”

2 PETRO 1:21

Ompöwölo möminye ngölyonto werkoyon nyo le ompö akonga nyo kingwïna machata ptangengmöt, wölo kingalan pich ngölyon nyo kingwïna wölo mi Tororöt otini kintöghoghchini chane Mïkulögh nyo Tïlil.

LUKA 8:12

Kösïghechïnö kichïnchï arawet kï pich cho lïmöy ngölyonte, wölo kungwïn Onyötö kïchenga ngölyontonay mïkuliskökwa lö tömeghan akesörï chane.

SAKARIA 7:7

Nka chete ngal cho kïwow mökosyo kanasyanta Yerusalem akïchang pich cho kimöngöy. Kichang tïkwïl osiswechoni pich cho kimang kanastin cho kilekïtino Yerusalem, kumporö nko ta nko okumpö koro Nekep* nko tömköyi Syepela.’ ”

YEREMIA 26:19

Kitïgh so Mika, Esekia pöytoghinto Yuda nko pipö Yuda löwïr? Ewo! Ompöwölo kïkonyït Esekia ECHOTYON akïsom pöropcho ompö tawunyi kimöpïstönye ye ECHOTYON kwïpchï chane meghat kïrkegh kikikïtat tagh lö opchini chane? Anyï ye karich kepchinöcha kegh nyarïl nyo mamïnïng!”

YEREMIA 17:1

“Kikikira ngoki pipö Yuda kalamu karïn, akekira koghpa almasi nyo ngatip kekirchï mïkuliskökwa, akekirchï luchtina atay kïpelo amörostinekwa.

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

ISAYA 48:4

Kyonkïtön lö kyochikwa penyï, cho kiyomö kotwonï le karïn, akïkarkegh tokochwekwa nko taghoy.

AYUPU 9:4

Ngöghom Tororöt akwawes, ngo chi nyo kikumöl kegh tïkwïl ntökumï?

2 OTÖPTINO OSIS 36:13

Kitighintönchï Sedekia pöytoghin Nepukadnesa nyo kikikwigh Sedekia kwam muma lö, oteköy ompö kaynata Tororöt. Kïna kat Sedekia, akwigh mïkulöwunyi kwaghïghit amachamnye kïwaghaka wölo mi ECHOTYON Tororöt pö Israel.

ISAYA 46:12

“Atere ngalechan, akwa penyichï, akwa cho ononöy lö low rïntagh.

ESEKEL 14:5

Oghan lenyoni tökuyokwï kegh pipö Israel cho kïlowöchitu ompö ani akïsagh körkeyïntinekwa.

WUWÖT 7:13

Wölo kwaghïghit möt pö Parao amöterchïnye chane lenyini kimwa ECHOTYON. Kisön

ISAYA 65:12

Lïku nyoni sörömunkwa nyo omeghsot ompö megha mörkötetyö, ompöwölo melö kyongitonchekwa atanya kyokurokwa anta alïm atanya kyangalanan. Kyachamakwa akwane amasa ngalechan, aghakwa ngokï.

YEREMIA 7:20

Kïlenyana, kamwaghan ante Echotyon TORORÖT lö, arosa, omïlchinan yete nörekyenyan, omïlchinan ptangengmöt nko tyonkïn nko keti wuw nko pagh cho tökïmi paren. Nöghöy nörekyenyan nyoman nyo memukönye chi kïnuk.”

YEREMIA 17:23

Wölo melö kiter amelö kiyang papotïnekwa ngalechan. Kilïkwï pich cho oghïghe mötöwö, amakïternye ngalechan, amakïrïpnye le wölo kyomwochan chane.

YEREMIA 42:21

Anyï ye nyu komwowekwa kïgh nyo mökenokwa ECHOTYON Tororötïnkwa agha, wölo mochömekwanye agha lenyini kamwa.

SAKARIA 1:2

“Kyonörekyan papotïnekwa nyoman.