SAKARIA 6:13 - PIPÏLIA

¹³ Ngwïnöy akïtek Kö pö Tororöt* akekonyïtöy nyinte le pöytoghin. Töpo ngacharu paytagh akïpayta. Töpo tïsin kudopöy ngacharunyi nyo pö paytagh akwightoy chane kwodeny pöghisyö ompö kalya nko terchin.

SAKARIA 6:13 Referans Kwoze

TUMWÖY 110:4

Kakuwalwal ECHOTYON amöwöghökönye kiyomisötenyi nyo lentöy, “Ichinyi tïsin kokay, le wölo kilata tïsin Melkisedek.”

EPRANIA 3:1

Tupchenicho cho ochï pipö Kristo cho kikurok Tororöt! Anan Yeso, nyo kiyokwï Tororöt akï Tïsin nyo Wow* nyo pö kighanat nyo kïmwotïtoy.

ISAYA 22:24

“Wölo lïku piko arengwa löwïr nko pikö walaka cho könyoruno kingarakat wölo mi nyinte nïkisïn ompö nyinte. Wïso chane nyinte le tören nko otupöy cho kakiwusö wudöwon!

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

TUMWÖY 21:5

Kitasa ororyenyi, ompöwölo kingarakanyi nyinte, keghanyi nyinte kwororit akïghetï.

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.

1 PETRO 3:22

nyo kikïwö yïm akïtöpö ewu tagh nyo pö Tororöt atökïpayta malayken lapay nko pöytoghï nko owesyö anka tïkwïl nyo mi yïm.

EPRANIA 6:20

Kinya Yeso kïwö wölini akwompö acha, akïlïkwï nyinte Tïsin nyo Wow* kokay kïrïp kegh nko nyo pö Melkisedek.

KOLOSAY 1:2

Ompö pipö Tororöt cho omitö Kolosay, tupchenicho cho ochï ghönote akï cho kikelinyech nko Kristo. Nya kïkonokwa paponyo Tororöt pöropchö nko kalya.

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

SAKARIA 6:11

Chengena chane koltin nko silpa aipöghisyeghö igh tenta, ailokyï möt pö Yoswö wero Yeosadak, Tïsin nyo Wow.*

SAKARIA 4:14

Kïlenchanïn, “Choni kï pich odeny cho kikïl ECHOTYON nyo pö ngwïny kïmïkul akuyila mwagh atökïpöghisyechi nyinte.”

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

ISAYA 54:10

Ompöwölo kïrkegh kupotyö kutïngkotï lö weng, akenategha kutïngkot cho mïnkech, kïmewonyotnye chomnyenyan ompö nyi. Okomönan kiyomisötenyu nyo pö kalya nko nyi kokay.” Mwoghöy ECHOTYON nyo chöminyi lenyoni.

TOWUNÖT 14:18

Kwipchï Melkisedek pöytoghinto Salem nyo kile tïsinto Tororöt nyo Töror Tya Apram makatyan nko kumi sapipun,

TUMWÖY 110:1

Mwochini Tororöt echotyontenyan pöytoghin lö, “Töpenö ewunyan nyo pö tagh tökïtenö otönön punköku moriku.”

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

YEREMIA 23:5

“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.

YEREMIA 33:15

Ompö osiswechoni okïlan chi nyo le chumwak nyo ngwïno ara pöytoghin Daudi kïpayta kor. Ighöy nyinte man nko tïkwïn cho karamach ompö kore kïmïkul.

SAKARIA 4:9

“Ketor Serupapel teksyo Kö pö Tororöt* akï nyinte nyo wonyöy teksyononi. Kïkany kumuchö, kunkïtï nyu piköchan lö ani ECHOTYON Kimuktoghin nyo koyoktinyi ompö chane.

2 SAMWEL 7:13

Tekwanïn nyinte kö ayomisan lö töpo ngacharunyi pö paytagh kokay.

TUMWÖY 21:4

Kisominyi nyinte söpon, itönönyi, itönönyi osis cho puryö söröm.

ISAYA 9:5

Kïpelo ma kwegh pö lïk lömïs, nko sïro cho kiperchï kisön.