SAKARIA 6:12 - PIPÏLIA

¹² Atomuchö, imwochï lö lentöy ECHOTYON Kimuktoghin, arosa, pitunoy chi akong atoni mi nyo kïkuro Morïn!

SAKARIA 6:12 Referans Kwoze

SAKARIA 3:8

Tera nyu we Yoswö, Tïsin nyo Wow nko akwa tïsi walaka cho opöghisïyi tïkwïl! Ochikwa kiporunöto köromnyö nyo pö osis cho tökïpkonöy. Opkokwa mötworintenyan nyo kïkuro Morïn!

YEREMIA 33:15

Ompö osiswechoni okïlan chi nyo le chumwak nyo ngwïno ara pöytoghin Daudi kïpayta kor. Ighöy nyinte man nko tïkwïn cho karamach ompö kore kïmïkul.

YEREMIA 23:5

“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.

ISAYA 11:1

Kïlenyona, pituno sanakana ghït pö Yese, akuyinu akwa morïna nyo ngwïno ighinkachi.

ISAYA 4:2

Itu asis ato ighöy ECHOTYON kösïghyon anka tïkwïl nko ket anka tïkwïl nyo mi ngwïny kusïl akïpit kïyetï akïpïchighit. Ngörökyini pipö Israel cho le ngötunön akwa cho pitu cho pkono korononi.

ISAYA 53:2

Ompöwölo kiyetï le ket nyo kapit, le ket nyo tortoy ighinkachi kïpa ngwïny ompö kor nyo tïyame. Kimötïngnye ororyö nyo kitökïsorecha, akimötïngnye pïchighyö nyo kimïlecha.

IGHISYEWUT 17:31

Ompöwölo kikïror asis akonga nyo rwokinegho ngwïny ompö man ompö chichoni kikïl nyinte. Akakuporchï nyoman pich lapay ngalechoni tömömi chi nyo tomtomönöy ompöwölo kigh nyinte kututï ompö meghat.”

EPRANIA 8:3

Kïkïlöy Tïsin anka tïkwïl nyo Wow atökutö Tororöt ropöw nko kyak cho kïpelchini nyinte kïlïkwï amörostin. Kïlenyoni tïkwïl ompö Tïsintencha nyo Wow, mïchini nyu kïtïng nyinte kïgh nyo roptoy.

EPRANIA 7:24

Wölo söpöy Yeso kokay, kïlenyona, möngetonye nyinte ighisyo tïsö.

EPRANIA 7:4

Arose nyu wölo ki wow chichoni kïlïkwï tökutöni kukötönyo Apraam nyinte kareranpa taman nyo pö pöröwechi löwïr.

1 KORINTO 3:9

Ompöwölo kïpöghisyechinecha Tororöt tïkwïl. Ochikwa para Tororöt achï konyi.

IGHISYEWUT 13:38

Kïlenyona werköcho, onkïtunö lö, kyomwokwa atosïkö lastaghpa ngokï ompö chichoni le Yeso,

YOANA 1:45

Kïtuyö Pilipo nko Natanael akïlenchï, “Kakïtuyecha nko chichay kikir Musa ngalechi ompö kitapu Kirurut* akï nyinte nyaye kikir werkoy ngalechi. Yeso nyinte, nyaye le wero Yosep nyo möngöy Nasaret.”

LUKA 1:78

tïng Tororötïncha kisyonöt nko tölosyö, ighöy kenyorunöcha löpoyïn nyo ngwïno yïm,

MARKO 15:39

Nyini kïsïwa wowïn pö asikarin nyo kighyongo tawu kimurtöwontonay wölo kiteghta Yeso atolapay kïma, kïlö, “Nyoman, Wero Tororöt chichï!”

MARKO 15:29

Kumwa pich cho kiweröy otini akupirpiröy mötöwekwa kïlentöy, “Nyi nyay kilentöy onyoröy Kö pö Tororöt* aitek ompö osis sömök!

MARKO 14:58

“Kikïlïmacha nyinte kïlentöy, ‘Ongonyan Köyete pö Tororöt kitek pich akwompö osis sömökï atekan anka nyo mötekonye chi morïn.’ ”

MATAYO 26:61

akïlö, “Kilö chichï, ‘Omukan owuröy Kö pö Tororöt atek ngat ompö osis sömök.’ ”

MATAYO 16:18

Kïlenyona ye nyu, omwowunyi Petro lö, ichinyi ghat atekan paraku ghatyanï kanisenyan nyo memukönye ompö meghat kïrïntoy.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

SAKARIA 8:9

Lentöy ECHOTYON Kimuktoghin, “Osïkö nyakanat akwa cho kalïm ngalechï mwoghöy werkoy kïngata ketor teksyo Kö pö Tororöt Kimuktoghin.

MIKA 5:5

akwipï kalya. Kïrkegh kïpka pipö Asirya korencha akïlïtu kori pöytoghi kïyontocha kintöghoghicha cho owesöch kïporyeghö chane.

ESRA 3:10

Nyini kitek tekï kitoröto Kö pö Tororöt kïpa tagh tïsï cho kilach sïrokökwa nko kontin nko pipö Lawi nko werpö Asap cho kitïng karïn cho töpölöle cho pö tumöt. Kïtum akïkwol ECHOTYON lenyini kimwa Daudi pöytoghinto Israel.

ESRA 3:8

Nyini kitïta arawa odeny ompö könyito odeny kïngata kïpka chane Yerusalem, Serupapel wero Syealtiel nko Yoswö wero Yosadak nko werkökwa löwïr nko tïsï nko pipö Lawi nko chane löwïr cho kimïlisyeghö pïnotön teksyo Kö pö Tororöt. Kekïl pipö Lawi cho tïng könyis tömönut odeny kutoch tökughyongchï teksyo Kö pö Tororöt.

EPRANIA 10:12

Wölo kikonï Kristo amöros akonga nyo pö ngokï amöros nyo mïchini kokay atolapay kïwö kïtöpunö okumpö tagh nyo pö Tororöt.

YOANA 19:5

Kïwö nyu Yeso sany kulokotoy tentanay pö kato nko sïranay kilata akwa lamay. Kïlenchï Pilato chane, “Maros nyu! Anyï chichanye!”

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

2 SAMWEL 7:13

Tekwanïn nyinte kö ayomisan lö töpo ngacharunyi pö paytagh kokay.

ESEKEL 41:1

Kumïtanïn chichay ngat nko kö nyo mi kwen akupim kïrurut nyo lïtu köyete kïlïkwï miten sömök kïröytö.