SAKARIA 14:8 - PIPÏLIA

⁸ Yintegho pögho söpon Yerusalem osiswechoni. Yintoy lö karerana kutang nanampa Paryan, kuyinta chinö kutang nanampa Kwen. Yintoy lenyoni osiwo kömöy nko pengat.

SAKARIA 14:8 Referans Kwoze

YOANA 7:38

Kïle wölaye mwoytoy Kikirut lö, ‘Anka tïkwïl nyo ghönanïn, kuyintegho mïkulöwunyi pögh cho tïng söpon.’ ”

YOANA 4:14

wölo anka tïkwïl nyo gheghöy pögh cho otönan kïlïku ompö orinyi kongpa pögh cho pö söpon, akutöni pöghechoni nyinte söpon pö kokay.”

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

YOEL 3:18

“Akwompö asisoni yinuno kutïnkot dipay cho kirïr, kuyinuna ronkotïn chö, akuyintoy lalwatïna Yuda lapay, akïghyögho kompa pögh Kö pö ECHOTYON Tororöt.

YOEL 2:20

Oyonan lïk nyo ngwïno okumpö löt kïlowit, ayonchan kor wölo le surkwen. Petöy cho mi tagh nanampa Paryan, kïpa cho mi löt nanampa Kwen. Nïniot porwöyikwa akïngutö nyo gha, ompöwölo keghunyi cho ghach nyoman.

ISAYA 49:10

Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

NGONGUT 22:17

Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.

ISAYA 35:7

lïku nanam, ngoyomwö nyo köpelo pich tïwayway akïlïku kori pöghon korö wölo tïyame. Pito soltinö nko suswo pelöw wölo kirusot chepkonöw.

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

ISAYA 58:11

Ontöghoghwokwa nyu kïtenö osis, aghakwa opïghyenö tïkwïl cho karamach. Oripokwa, akonokwa owesyö. Okörekwa kegh nko par nyo mi pögh cho chang akarkegh nko kompa pögh nyo melö tengöy.

TUM PÖ TUMWÖY 4:15

Ichinyi kompa pögho par, kö pö pögho söpon, lalwatïn cho yinuno kutïngkoti Lepanon.

MIKA 4:2

Pkonöy pipö punton cho möngörï akïlö “Apkana kepe kutïng pö ECHOTYON, ketanga Kö pö Tororöt* pö Yakopo. Atökunetech ortïnechi akerïp ngalechi.” Ompöwölo pkono Sayon* kirurut, akungwïna ngölyonto ECHOTYON Yerusalem.

SAKARIA 14:4

Ghyongo nyinte asisoni kutïng pö Arol nyo mi okumpö kongasis nyo pö kanasyanta Yerusalem. Köreroy asisoni kutïng pö Arol kwen ompö mpöghogh nyo tapes kïngeta kongasis ntökwit ta. Mi karerane akong kuntoka kïmi anka kumporö.

YOANA 5:4

ompöwölo kiröku malaykayan asistanka akwigh ngarpïlun kïwïch pögh. Tö ato lït chi nyo pö tagh pöghechoni otini kawïch, kesopö nyinte sömew anka tïkwïl nyo kötïng.]