7 Lïku korö pöghet amelö osis ne choni.
Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.
Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.
Ompöwölo onkïtökwa akwane lö itu asispa Echotyon le chorin nyo ngwïnöy oghö.
“Wölo nyi Daniel, rora ngalechï, aikar kitapu ntökwit asispa söröm ompöwölo ryöghöy cho chang wöl nko wölnö akïtöso chïreryö.”
Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.
Ompöwölo kikïror asis akonga nyo rwokinegho ngwïny ompö man ompö chichoni kikïl nyinte. Akakuporchï nyoman pich lapay ngalechoni tömömi chi nyo tomtomönöy ompöwölo kigh nyinte kututï ompö meghat.”
Mwoghöy Echotyon tïkuchete nyo kigh pich kunkïtï otini le könyisyok.’
Kïlenchï chane, “Melö parakunkwa onkïtunö osis anta könyis cho kitat Paponyan ompö owesyenyi kegh.
“Möminye chi nyo nkït ato itu asisoni anta pöghetunoni menkïtnye ompö malayken cho mi yïm anta Wero Tororöt, poto Paponyan onkït.
“Wölo möminye chi nyo nkït ato itu asisini anta saye, kïrkegh malayken cho mi yïm anta Weri, poto Paponyan onkït.
Purörö! Wechï asis nyoni nyo gha! Möminye anka nyo kimustoy nyoni. Asis pö sönönöt ompö pipö Yakopo wölo kïrkegh nye so, kïsöru nyinte kïchïwït asisoni.”
Komönöy ECHOTYON pipö man akïngötu mïlatengwa kokay.
Kïpïstö kukoti kanasyantanoni kïyotote kwimön ompöwölo melö tökïmi nangatï wöloni.
Atolapay alïman kut nyo wow nyo kingölonuno ngacharu pö paytagh kïlentöy, “Töngönchin ye nyu kwïle! Kömöngisyö Tororöt nko pich! Kömöngisyö nyinte nko chane atökïlïkwï chane pikachi, kïlïkwï nyinte Tororöt, Tororötïngwa.
Atolapay asïwan malaykayante anka nyo kipilöy kïmïröy poltoy akitïng Lökoy cho Karamach atökwomchï pipö ngwïny, punton löwïr nko pich lapay, kutïw löwïr nko pipö koros lapay!
Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”
Kitor nyinte kwigh chi akonga kïpkana chichoni pich löwïr, akïkany kïmang kor kïmïkul, akï nyinte nyo kimut ato ngata osiswö nko rotyotïno möngo pich.
Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.
Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.
Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.
Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.
Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.
ato apaghakwa pich cho sutyote atö omisyö kïmïchï pich cho tïng machat, kïwaghaka nyu tuwïn nyo kiwitakwa kïlïkwï löpoyïn pö pöghetkwen.
Lentöy Echotyon TORORÖT ompö asisoni, “Oghan asis kïröytö nyini keghyö akïtuwit korö nyini le pöghet kwen.
