SAKARIA 14:5 - PIPÏLIA

⁵ Oryöghekwa oweröy mpöghoghyonï köreröy kutïng pö ECHOTYON. Oryöghekwa le papotïnekwa ato kichïwïtyeghö korïngring osiswo pöytoghin Usia nyo pö Yuda. Atolapay kuchumï ECHOTYON, Tororötïnyan nko pich löwïr cho tïlilöch.

SAKARIA 14:5 Referans Kwoze

AMOS 1:1

Ngalana Amos chï nyo kile akonga ompö mösöw cho pö Tekoa, cho kimwa könyis odeny akwompö koro Israel ato kipoytoy Usia Yuda, kipöytoy Yeropoam wero Yeoas Israel kïtomö korïngring.

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,

MATAYO 16:27

Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi.

1 TESALONIKE 3:13

atökwigh mïkuliskökwa kïchïchïm, atalïkuna pich cho motïngcha lelut, atotïlilitunö ompö tawu Tororötïnyo akï Paponyo, otini ketï Echotyontenyo Yeso nko pikachi löwïr cho tïlilöch.

ISAYA 29:6

Sörunyi ECHOTYON Kimuktoghin ompö tïlöto ilat nko potanata ngwïny nko chöghöt nyo wow nko chepkiriri nko lyopöto ma nyo wuröy kor.

NGONGUT 20:4

Atolapay asïwan ngöcherwo paytagh nko pich cho kitïpisot ngöcherwechoni. Ketö pïchoni owesyö nyo rwokyini pich. Asïwan ngat mïkulis pö pich cho kikïsil kotwon ompöwölo kisöwintönchï chane man nyo kingongwï Yeso akwamta ngölyonto Tororöt. Kikïsil kotwon lenyoni tïkwïl ompöwölo melö kisagh chane tyonyay anta körkeyïntanyi amelö kicham ketö mötöwekwa anta morikwa macheyu tyonyoni. Kututï Tororöt chane akutö kïpayta nko Kristo* könyis elpu akonga.

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

2 TESALONIKE 2:8

Atolapay kengongwï Mwokïyontononi, wölo ato itï Echotyon Yeso kïtïgho nyinte kimungöteto kutinyi akunyar ompö kwörkwöryeto rumunötenyi.

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

KINONO KIRURUT 33:2

Kingwïna ECHOTYON kutïng pö Sinay, kipusuna Edom le asis akulïwchï pikachi kïngetunö kutïng pö Paran. Kimi nyinte nko malayken cho makïrar akimi ewunyi nyo pö tagh lyopötö.

NGONGUT 20:11

Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.

YAKOPO 5:8

Mïchinokwa tïkwïl omïkukönö, akil mïkuliskökwo ompöwölo kikïlekïtit ato mïlo Echotyon.

LUKA 21:27

Atolapay kïsïwa nyu chane Wero Chi kungwïno polta nko owesyö nko ororyö nyo wow.

MATAYO 24:3

Akwotini kimpuröy Yeso kutïng pö Arol, kïpkonchï kinetankachi akïtep ompö sison lö, “Mwowecha köny lö oyï ato ighisyot ngalechï akï ne nyo poru lö ketïta ato ingwïnenyi nko ato lïku sörömu ngwïny?”

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

KIYITUT 16:34

Kïryagh pipö Israel löwïr cho kimi atoni otini kilïm riratengwa akïlö, “Keryagha atömelumech ngwïnya tïkwïl!”

YOEL 3:11

Apkana okelunö akwa tïkwïl pipö punton cho kyamang kuwit osupchinö kegh mpöghogh.’ ” Tyorunö nyökonko lïkengu, we ECHOTYON!

SAKARIA 4:7

Ayo we kömpölelyö, ichinyi ne ompö tawu Serupapel? Kïrkegh kechï wow le kutïng wölo ipotenyi lö poy ompö tawu Serupapel! Serupapel, nyi nyo itoröy teksyo Konyan ngat. Kïkany kumuchö pkonöy pich kulïlighöy ompö ngörekyö kïlentöy, ‘Wechï pïchigh! Pïchigh lö ne nya wey!’ ”

MIKA 1:11

Opechinö kegh pipö Sapir, ape alïkuna pïnot ompö chïrutnön nko arasï. Motöp ntolïtï sany cho omöngöy kanasyanta Saanan. Mi pipö Petesel lok, nyo monyorchinekwanye chane kingörokut.