SAKARIA 14:21 - PIPÏLIA

²¹ Kitïlilchini ECHOTYON Kimuktoghin tören löwïr ompö kanasyanta Yerusalem nko koro Yuda atokumï pich kughogha panya amörostino ECHOTYON. Ato itïta osiswechoni, melö tökïmi mïnchïrïsyonta kokay nyo ngotu ompö Kö pö Tororöt Kimuktoghin.

SAKARIA 14:21 Referans Kwoze

ESEKEL 44:9

Kïlenyona lentöy Echotyon TORORÖT, “Kïkïröy kïlït Konyan ton anka tïkwïl nyo le somchon ompö mïkulögh nko ompö por ompö to löwïr cho möngöy nko pipö Israel.

1 KORINTO 10:31

Kïlenyona nyu ato koghöy kïgh anka tïkwïl, ato komisïyi anta kogheghsïyi agh choni löwïr ompö ororyo Tororöt.

YOEL 3:17

“Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NEEMIA 8:10

Arota keston apa am ichon aghegh dipay* cho onyïn atö mey. Kïlenyona molokyot tïlil asisï ompö echotyontenyo, ompöwölo owesyenkwa ngörekyo ECHOTYON.”

1 PETRO 4:17

Kikwitïta asispa kirwok akï pipö Tororöt cho kïnyoghöy kerwokyini. Kwato nya kutorenecha kirwokononi ekïlïku ne nyu köny ompö pich cho meghönöcha Lökoy cho Karamach cho pkono wölo mi Tororöt?

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

1 TIMOTEO 3:15

nyo ato mangwïnanye lawel, kïtenö kïnye kyonkïtukwa wölo mïchini kïtöptö chi anka tïkwïl ompö kwenu pipö Tororöt, nyo le kanisa Tororöt nyo satate akï pchörï nyo tighöy man.

SAKARIA 14:20

Kikirchini osiswechoni pemwoy cho kïrotini angoletin lö, “Kiketïlilchï ECHOTYON.” Tïlilöchitu karïn ompö Kö pö Tororöt* lata otupöy cho mi ato kïpelo amöros.

SAKARIA 7:6

Ayo, melö so kyomisïyekwa agheghsyö akwompö mutïnekwa kegh?

OSEA 12:7

Karkegh pipö Epraim nko mïnchïrsyon nyo pöghisyegho ratilin cho lïso pich. Chömöy kïpïröy pich.

ISAYA 35:8

Akïrumuno atoni or nyo wow, or nyo kïkuro, “Ara Tïlilyö.” Mewerönye chi nyo le sïmnyon aranoni, amepotyeghocha sölwöy aranoni.

ISAYA 4:3

Kiyitöy nyu chi anka tïkwïl nyo kingötï ompö Sayon* akudong Yerusalem lö tïlil.

KINONO KIRURUT 12:12

Atongörökyinökwa ECHOTYON Tororötïngwo nko monekwo nko mötworikwa nko pipö Lawi cho mi kanastinekwa, ompöwölo mötïngcha chane kor nyo le nyingwa.

KINONO KIRURUT 12:7

Kïkany otini komisyekwa ompö wölo mi ECHOTYON Tororötïngwo nko piko kongwo, ongörekyö ompö kïgh anka tïkwïl nyo kotötekwa, ompöwölo kesoyönokwa ECHOTYON Tororötïnkwa.

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

ESEKEL 45:1

Otini kachaghtekwa kor kïcheng pich kïrïpata kegh nko ortïn, angot kareran nyo kitïlilchini ECHOTYON, kor nyo nyo ngata kilomiten taman nko odeny nko nïsï ompö koghïn nko kilomiten taman ompö töpesïn.

SEPANIA 1:11

Akwa pipö Maktesyi, oriryenö! Ompöwölo kiketïgh mïnchïrïs lömïs! Kikuwonyö pïchay yitöy ropïyen!