SAKARIA 14:16 - PIPÏLIA

¹⁶ Atolapay rotuy nyu Yerusalem ompö könyis löwïr pipö koros cho kingotï ompö pïchay kipka kïporyeghö Yerusalem. Pkonöy kïsoghöy ECHOTYON Kimuktoghin nyo le pöytoghin akïkonyït Ichon pö Tunkun.

SAKARIA 14:16 Referans Kwoze

ISAYA 66:23

Pkonöy puntonï löwïr kïsoghenanïn Yerusalem ato kighöy Ichon pö Relïn pö Arawa nko Sapato* anka tïkwïl. Mwoghöy ECHOTYON.

YOEL 2:32

Wölo chïwïtöy chi anka tïkwïl nyo kuröy kaynata ECHOTYON, ompöwölo lentöy ECHOTYON, ‘Mi ngötunön cho kïsöru ompö kuntïng pö Sayon nko Yerusalem cho okuran ante.’ ”

NGONGUT 19:16

Kikikir sïrenyi nko kelytanyi kaynanï, “Pöytoghinto pöytoghï akï Echotyonto echot.”

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

RUMI 11:26

Kïsöru nyu atoni pipö Israel kïmïkul, kïle wölo mwoghöy Kikirut lö, “Ngwïno asïyech Ghetin Sayon,* akupuktegho nyinte pipö Yakopo ghöyityö.

RUMI 11:16

Ato kiketö Tororöt pïtöno makatyan, kïlïku nyenyi makatyante kïmïkul. Akwato kïropchï Tororöt ighin pö ket, kïlïku chechi mori tïkwïl.

RUMI 11:5

Lenye nyoni ompö nyete le ye tïkwïl, mi ngötunön cho kikekïl ompö pöropcho Tororöt.

IGHISYEWUT 15:17

Atökïyar pikö walaka Echotyon nko pipö punton löwïr cho kokurön kïlïku chechu.

YOANA 7:2

Kikikïlekïtit otoni asispa pipö Yaudi nyo kikuro Ichon pö Tunkun,

YOANA 1:49

Kuyokyï Natanael lö, “Konetin, ichinyi Wero Tororöt! Ichinyi pöytoghinto Israel!”

LUKA 19:38

Kimwoghöy lö, “Nya kusoyönö pöytoghintö nyo ngwïnöy ompö kaynata Echotyon! Nya kïsïch yïmö kalya akïpöyit Tororöt ororyö.”

MALAKI 1:14

“Chïpote chi nyo yomisanïn lö oropkanïn makal nyo karam ompö kyakichi atolapay kïlïsanïn akïropkanïn nyo ngwolöy. Ochan pöytoghin nyo wow akuwöghanïn puntoni ngwïny kïmïkul.” Mwoghöy ECHOTYON.

SAKARIA 9:7

Mochömchinanye chane kwam ngat peny nyo mi nko kisön, amölïtönye kutingwa omisyö nyo taghate. Lïku chichan pich löwïr cho kingötï. Oyitan kïlïkwï akonga nko pipö ortïna Yuda Lïku chicha pipö Ekron le pipö Yepusi.

OSEA 12:9

Ochan ECHOTYON Tororötïngu nyo kyamïtuneninyi Misri, oghinyi ye nyu manga ema, le ompö osiswo ichontin.

YEREMIA 51:57

Oghan kïtömesyö yetïntinekwa cho pö lïk nko piko lïk tömesyot tïkwïl pikökwa cho ngöghomöch nko kintöghoghï löwïr. Nyoru rïwön nyo mökïngetyonye kokay. Kamwaghan ante nyo ochï Pöytoghin, ECHOTYON Kimuktoghin kaynenyan.

YEREMIA 48:15

Kikwitï kinyorintö nyo ngwïnöy kunyoröy Moap nko kanastinechi pkonöy kïpöröy chumwak cho tigho kegh ompö poryot. Kamwaghan ante lenyoni nyo ochï Pöytoghin akelentöy kaynenyan ECHOTYON Kimuktoghin.

YEREMIA 46:18

Omwoghan ompö kaynenyan nyo satate, ani nyo ochï Pöytoghin akekurenanïn, ECHOTYON Kimuktoghin lö, pkonöy pung kïporyeghenokwa. Pö man ngölyontononi le wölo syolote kutïng pö Tapor akï le wölo rumu kutïng pö Karmel ato mi chi okumpö nanam.

ISAYA 6:5

Olan nyu, “Ochech nyo le ani! Ompöwölo weröy ngalyapunyan ngölyon anka tïkwïl nyo le sïmnyon nyo ongölonan, akwanyï omöngan nko pich cho ngölonöy ngölyon anka tïkwïl nyo le sïmnyon. Akwanyï ye kasïweghan konyichu ECHOTYON. Kasïwan Pöytoghin, ECHOTYON Kimuktoghin!”

ESRA 3:4

Atolapay kwam Ichon pö Tunkun lenyini kikikir. Kitötoy osis amörostin cho kïpelöy kïrïp kegh nko amörostin cho kikïtat ompö asis anka tïkwïl.

2 OTÖPTINO OSIS 8:13

Kipel amörostin kïrïp kegh nko Kirurut pö Musa ompö asis anka tïkwïl nyo tïlil, choni kï: Sapatotin* nko Ichontino Relïn pö Arawa nko ichontin sömök cho echön, choni kï: Ichon pö Makatin cho puryö Mumar nko Ichon pö Ilö nko Ichon pö Tunkun.

TUMWÖY 66:4

Soghinyi pich löwïr ompö ngwïny. Tumunyi chane ompö sölut, sölöy chane kaynengu.”

ISAYA 18:7

Itu asis akonga ato toköy ECHOTYON Kimuktoghin ropöw cho pkono koronete kepesyö lalwatïna, mito pich cho köromöch akwowesöch, pich cho koghöch akïtïlyönglyöng porwöy, chane cho kiwöghöy ompö ngwïny kïmïkul. Pkonöy chane akïpusï kutïng pö Sayon,* wölini kïsogho ECHOTYON Kimuktoghin.

ISAYA 19:21

Porchini kegh ECHOTYON pipö Misri, atolapay kïwöghokisyö chane akïsagh nyinte, akïropchï nyinte ropöw nko amörostin. Atolapay kwomchï chane ECHOTYON muma akwigh kïrïp kegh nko kiyomisötengwa.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

MIKA 4:2

Pkonöy pipö punton cho möngörï akïlö “Apkana kepe kutïng pö ECHOTYON, ketanga Kö pö Tororöt* pö Yakopo. Atökunetech ortïnechi akerïp ngalechi.” Ompöwölo pkono Sayon* kirurut, akungwïna ngölyonto ECHOTYON Yerusalem.

SAKARIA 14:9

Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.