SAKARIA 14:10 - PIPÏLIA

¹⁰ Lïku kore kïtangogh mpöghogh kïngeta Kepa, nyo mi Yerusalem kuntoka ntökwit Rimon nyo mi kumporö. Wölo töpo kanasyanta Yerusalem ato syolote kïngeta Kuka Penchamen, kuwer ato kimi asistanka nayatu Ananel nyo kiwo chak ntökwit wölo kïryöko dipay* pö pöytoghin.

SAKARIA 14:10 Referans Kwoze

SAKARIA 12:6

“Oghan osiswechoni pipö ortïna Yuda kïlïkwï ma nyo pelöy wuw, le ma nyo pelöy roro pagh. Pelöy koros cho le pöröris pö Yerusalem kuwonyo lömïs wölo ngötu pipö Yerusalem akïmöngisyö ompö kalya.

YOSWÖ 15:32

nko Lepaot nko Syilim nko Ayin nko Rimon. Kanastinechoni löwïr kï 29, cho echön nko cho mïnkech.

YEREMIA 37:13

Wölo nyini kyatan Kuka Penchamen nyo pö kanasyanta Yerusalem, kïtorchanïn egh ripin nyo kïkuro Iriya, wero Syelemia, kuköto Anania. Atolapay kïlenchanïn, “Iminyi ipertoy isoröy lïko Papilonia!”

YEREMIA 30:18

Lentöy ECHOTYON, “Oyokunan piköchan kïpka korengwa. Osyonchinan möngot anka tïkwïl nyo le nyingwa, kïteköy ngat kanasyanta Yerusalem, ketekyini pöryontenyi nyo kikunyara. Kïteköy tïkwïl kö pö pöytoghin otini kimi tagh.

1 PÖYTOGHÏ 15:22

Kïyonta pöytoghintö Asa kut kïghömï koro Yuda kïmïkul nyo kimököy chi anka tïkwïl kungarak kïkasan koghïn nko mpawtin ompö Rama cho kipöghisyegho Paasya kïteko nayatu ripsyö. Kïpöghisyeghö Asa koghichoni nko mpawtine kïteka nayat nyo mi Mispa nko Kepa, kanasyan nyo mi koro Penchamen.

SAKARIA 2:4

akïlenchï, “Rïpö mwochinö karöchïnintoninö lö, chongitu pich nyoman kanasyanta Yerusalem nyo memukonye ketekyï nïyet ompöwölo möngörïnye pich nko kyak cho mi ori.

YEREMIA 38:7

Atolapay kïnyorï kut mötworinto ka pöytoghin nyo kikelat akungwïno Etopya akekuro Epedmelek lö kikereytanïn kö pö pögh. Kigho atoni pöytoghinto parasa atolekïtö Kuka Penchamen.

NEEMIA 3:1

Atolapay kïtek Elyasyip Tïsin nyo Wow* nko werkökwa tïsï akïtek Kuka Kechir akutïlil akutö tekech. Kutïlil nayatu ntökutomtö Pchöri Pokol nko Pchöri Ananel.

KIRWOKÏ 20:47

Wölo kimï kïchïwïtyö pich cho le 600 cho kitoyechï wölo le surkwen ntökwit ghatya Rimon, akïmang wöloni aro angwan.

KIRWOKÏ 20:45

Kïwöghokisyö walaka akupertoy kutang wölo le surkwen ntökwit ghat nyo pö Rimon. Kïpara pïchay pö Israel pich ara mït cho le 5,000. Kïrïpata chane ntökwit Kidom, kïpara walaka wöloni cho le 2,000.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

ISAYA 10:29

Achinö koghyö akuwer tökïruyö Kepa! Kegh pich cho möngöy kanasyanta Rama kïpotonchö, akwigh pipö Saulö cho möngöy kanasyanta Kipea kupertoy.

ISAYA 2:2

Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

NEEMIA 12:39

akutang Kuka Epraim nko Kuka Köny nko Kuka Kaghagh akïnam Pchöri Ananel nko Pchöri Pokol akïlït Kuka Kechir atolapay kïpka kughyongö Kuka Ripï.

2 OTÖPTINO OSIS 25:23

Kïnam Yeoas pöytoghinto Israel Amasya wero Yoas wero Aasia pöytoghinto Yuda kïnama Pet Syemes, akwip kïwö Yerusalem. Kurultö nayatu kanasyantanoni kïngeta Kuka Epraim tökurel Kuka Luch ki lekït lowïnto kirulötononi miten 200.

1 OTÖPTINO OSIS 6:77

Ketö pipö Merari cho kingötï kanastinechï nko wölo oketïyi: Ompö koro Saplon kï: Rimono nko Tapor.

1 OTÖPTINO OSIS 4:32

Kimang kanastine walaka tïkwïl cho mïnkech: Etam nko Ayin nko Rimon nko Token nko Asyan

KIRWOKÏ 21:13

Atolapay kïyonta tuyonay kïmïkul kut wölo mi pipö Penchamen cho kimi ghatya Rimon tökïmwochï chane lö kikyam mis.

YOSWÖ 21:17

Atolapay ketö ompö koro Penchamen: Kipyon nko Kepa

2 PÖYTOGHÏ 14:13

Kïnam Yeoas pöytoghinto Israel Amasya pöytoghinto Yuda wero Yeoas wero Aasia ompö Pet Syemes. Atolapay kïwö Yoas kutang Yerusalem akurultö nayatu kïngata okumpö Kuka Epraim ntökwitïta Kuka Luch, nyo kingata miten 200.

YEREMIA 20:2

kïmwa kemunganïn akerötyanïn Kö pö Tororöt ato lekïto kukat nyo kikuro Kuka Penchamen.

2 OTÖPTINO OSIS 26:9

Kïtek ngat Usia teksyewut cho koghöch ompö Yerusalem kitek Kuka Luch nko Kuka Mpöghogh nko wölo tönkwïlegho nayat akuwach lasiny.

MIKA 4:1

Pkonöy ompö osis cho pkonöy ato kichïchimöy kutïng pö Kö pö Tororöt. Akekany kïkoghit kïtïl kutïngkot löwïr wuwöy chichöntö kïsoröy kutïngoni.

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’