SAKARIA 13:9 - PIPÏLIA

⁹ Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

SAKARIA 13:9 Referans Kwoze

TUMWÖY 50:15

Kuranïn osiswo kömpölelyö atosörun atekusanïn.”

IGHISYEWUT 2:21

Akesörï chi anka tïkwïl nyo soghöy ompö kaynata Echotyon.’

ISAYA 48:10

Kyatyamakwa ompö nyörïlwok, le wölo kidoy silpa kïpïchighit ompö mapa kopan. Wölo kyasïwan lö melö kyosïkekwa kinyiwut nyonikïny.

TUMWÖY 91:15

Ongitönchinan chane ato kuranïn. Atomito chane nyarïl, ongörokan, osörunan akonyïtön chane.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.

1 PETRO 4:12

Motöngönchï kongotichu työmut cho ngwonöch cho omitekwa onyoru, le ato ketwakwa kïgh nyo sis.

ISAYA 43:2

Ato awerakwa pögh cho chang omitan nko akwa, mörïntonekwanye kömpölelutkökwo nyonikïny. Ato awerakwa ma, möpelokwanye. Medonekwanye kïgh tyomut cho ngwonöch cho onyorunekwa.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

EPRANIA 8:10

Anyï muma nyo oman nko pipö Israel, mwoghöy Echotyon otöninan kirurutkachu kinonutkökwa ori, akirchï kirurutchoni mïkulöwekwa. Olïkunan Tororötïngwa, kïlïkwï chane piköchan.

AYUPU 23:10

Wölo nkït nyinte or nyo owetan, otini katyamanïn achumwan nko pïchighyö, nyo lata nyo pö koltin.

SAKARIA 8:8

atolapay aghamïtwan kïpka kanasyanta Yerusalem. Lïku nyu chane piköchan, alïkwan Tororötïngwa. Opöytenan chane ompö kighanat nko man.”

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

ISAYA 58:9

Omölyöngunan ato asaghanïkwa. Ongitönan ato okuranïkwa. “Ato awangakwa wököt nko machey anka tïkwïl nyo pö arasï nko ngölyon anka tïkwïl nyo gha,

LAWIN 26:12

Owesteghonan kwenunkwa alïkwan Tororötïnkwa alïkukwa piköchan.

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

NGÖTÏNYÖ 17:3

Kïtyömo ma koltin nko silpa, wölo työmöy ECHOTYON mïkulis.

TUMWÖY 144:15

Ngörechote pich cho nyoru kisoyönöt nyo lata nyoni akïngörechote cho nkït lö ECHOTYON kï Tororötïngwa! Tum pö salat nyo pö Daudi.

YOEL 2:32

Wölo chïwïtöy chi anka tïkwïl nyo kuröy kaynata ECHOTYON, ompöwölo lentöy ECHOTYON, ‘Mi ngötunön cho kïsöru ompö kuntïng pö Sayon nko Yerusalem cho okuran ante.’ ”

ESEKEL 37:27

Lïku möngenyan wölo mi chane alïkwan Tororötïngwa kïlïkwï chane piköchan.

ESEKEL 36:28

Atamanga koronï kyotönön papotïnekwa, talïkuna piköchan alïkwan Tororötïnkwa.

ESEKEL 11:20

Atökïrïp kirurutköchan akïrïp kiyomisutköchan akïtagh kïlïkwï nyu chane piköchan alïkwan Tororötïngwa.

YEREMIA 32:38

Lïku nyu chane piköchan alïkwan Tororötïngwa.

NGONGUT 8:7

Kikut malaykayante nyo tagh kontinyi. Kïropönchï ngwïny takarïstina ma cho kituyö nko kisön. Kïnagh kareranpa ngwïny nyo le akonga ompö sömök, kïnöghö kareranpa ket nyo pö sömök nko sus löwïr cho nyörilöch.

NGONGUT 8:8

Atolapay kïkut malaykayan nyo pö odeny kontinyi. Kewirchï kïgh nanam nyo ato kiros kïlata kutïng nyo wow nyo kinöghöy. Kïwaghaka kareranpa nanam akong ompö sömök kïlïkwï kisön,

NGONGUT 8:9

kïmeghö kareran akong ompö sömök cho pö tyonkïn cho nanam, akenyar kareran akonga nyo pö sömök nyo pö melin.

NGONGUT 8:10

Atolapay kïkut malaykayan nyo pö sömök kontinyi. Kïchïnuna yïm kokelyanta nyo wow nyo kinöghöy le ta, akïchïnchï kareran akonga ompö sömök nyo pö lalwatïn nko wölo kosuno pögh.

NGONGUT 8:11

(Kïkuro kaynata kokelyantanoni “Ngwonïn.”) Kïwaghaka kareran akonga ompö sömök nyo pö pögh kïngwonöchitu, kïmeghö pich cho chang cho kigha pöghechoni ompöwölo kiwöghokisyö kïngwonöchitu.

NGONGUT 8:12

Atolapay kïkut malaykayan nyo pö angwan kontinyi. Kïma kareranpa sömök nyo pö asis nko kareranpa sömök nyo pö arawa nko kareranpa sömök nyo pö kokel, kipot nyu kareranpa sömök nyo pö löpoyïntöngwa. Kimöminye löpoyïn asisto sömök nko ogheto sömök tïkwïl.

YEREMIA 24:5

“Kïlenyona kamwaghan ante ECHOTYON, Tororöt pö Israel lö, oyitan lö karamach le makanchï karamach pipö Yuda cho kyochömchan kep kïpa le pïnot koro Papilonia.

ESEKEL 20:38

Ochengan pich cho le penyi ompö akwa nko pich cho ighwanïn ngokï, opunenan chane koros cho möngöy, wölo melö lïtöy koro Israel. Onkïtunekwa nyu lö ochan ECHOTYON.”

DANIEL 11:35

Potyot nyu pïchay ngöghomöch walaka atöketïlil pich akemwat akegh chane kïrelachitu ntökwitïta asispa söröm ompöwölo tomönye kwitïta asisini kikekïl.

DANIEL 12:10

Chang pich cho tïlilöy kegh akwigh kegh kïkaramachitu, wölo ighöy mwokïyis ngokikwa, amöminye ompö akong nyo chïrer, wölo tïng pköchin pich cho ngöghomöch.

2 SAMWEL 7:24

Keghanyi Israel kïlïkwï piköku kokay ailïkunyi ECHOTYON Tororötïngwa.

AYUPU 28:1

“Mi pïrïm nyo kïwöso silpa akïmi wölo kïmwöto koltin.

TUMWÖY 43:4

Atowan nyu ato kïpelo amöros pö Tororöt, wölini kyotowunan ngörekyenyan. Osölinyi ompö pïkantis, we Tororöt, Tororötïnyu.

TUM PÖ TUMWÖY 2:16

Chamanenyan nyinte, achan nyenyi, yokwïyi kechiryechi wölo mi tapïkoyï,

YEREMIA 9:6

Körïmisyö akï rïmisyö, kïlïsisyö akï lïsisyö, akïtagh kunkïtwanïn chane.” Mwoghöy ECHOTYON.

ESEKEL 14:11

Atö mökïmostoy pipö Israel kokay ompö ani anta sïmnyon kegh ompö ngokikwa löwïr tökïlïkwï chane piköchan alïkwan Tororötïngwa.” Mwoghöy Echotyon TORORÖT.