SAKARIA 12:8 - PIPÏLIA

⁸ Oripan ante ECHOTYON asisoni pich cho möngöy kanasyanta Yerusalem. Lïmchini kegh chi nyo nyarkalal ompö kwenungwa lö otïng owesyö nyo kitïng pöytoghinto Daudi. Ntöghoghchini pipö ara pöytoghin Daudi pipö Yuda le malaykayanta ECHOTYON, anta le Tororöt.

SAKARIA 12:8 Referans Kwoze

SAKARIA 9:8

Oripan ante korenyu tömöngisngis lïkos pö koros walaka. Mopïsinanye ngat kepïr piköchan, ompöwölo kyasïwan ante chopat nyo kyam piköchan.

SAKARIA 2:5

Ompöwölo lentöy ECHOTYON, ‘Olïkunan ante nayatu ma nyo witöy Yerusalem. Otöponan orinyi alïkwï ororyenyi.’ ”

MIKA 7:16

Sïwïyi pipö punton töngönchin akuwöghisyö kïrkegh kö owesöch, mïghyot akïnam kïgh kutïw akïmingö.

MIKA 7:8

Mengörökyï nyarïltanyan we punyontonï, ato apïtan kïtö ongetan ngat akï kïrkegh omitan tuwïn, kïlïku ECHOTYON löpoyïntanyan.

YOEL 3:10

Atanga köpompöyikwo kïlïkwï chokon, atang orököntinekwo kïlïkwï ngötwö. Nya kïcher kegh tïkwïl chi nyo nyakor kïmwa lö, “Ochan tïkwïl nyakan.”

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

NGONGUT 22:13

Ochan Alpa nko Omeka, towunöt nko söröm, nyo pö tagh nko nyo pö söröm.”

EPRANIA 11:34

akumis mot cho ngwonöch akïchïwïtyeghö ngot. Ki nyörkölöle nyoman, wölo kimï kïrïnta lïkos cho pö pungkökwa.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

RUMI 9:5

Kipkana chane ara pipö Eprania cho tokunote. Akungwïna Kristo pichoni ompö ara por. Nya kïsala Tororöt nyo pöyu tïkwïn löwïr kokay. Amen.*

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

MALAKI 3:1

Lentöy nyu ECHOTYON Kimuktoghin, “Arosa, oyonunan kiyoktoghintenyan kungwïn kïsötwanïn arenyu. Kïnyini kïrumunö ECHOTYON nyini koyörekwa Konyi. Ngwïnöy kiyoktoghintononi okönekwa ompö emö nyo wow akïmwatïta ngala mumenyan.”

MIKA 5:8

Mi ngötunön pö Israel kwenu punton lenye ngïtïny ompö wuw pö sakas, lenye wara ngotïny atolïtyï kechir, nyo, otini kasïwa kukomchï lawel akïmutmut lökïr puryö chi nyo söru nyonikïny.

OSEA 12:3

Kinam Yakopo werïngwa kel kimi mu, kïkany kïlïkwï mïrön, akïsït kegh nko Tororöt.

YEREMIA 27:10

Mi chane kïlïsokwa ompö ngalekwa, nyo ato aterakwa, kepokwa wölo low ompö korenkwa. Otulchinokwa wölo low, apekwa owonyö.

ISAYA 63:9

nyarïltangwa. Melö ki malaykayan, wölo nyinte ECHOTYON nyo kisörï chane. Kisörï chane ompö chomnyenyi nko ompö kisyonötenyi. Kiripöy nyinte chane ato le tagh kïnomnyö,

ISAYA 53:3

Kikïsasacha nyinte aketagh, kimïkukönö nyinte nyarïl nko ngwonïn. Melö kimito chi nyo kilentöy taros nyinte, melö kikiyitöcha nyinte lö kigh.

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

TUMWÖY 82:6

Kyolan, ‘Ochikwa löwïr tororötin, werpö Tororöt nyo Töror Tya.’

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

WUWÖT 14:19

Kïmïla malaykayantanay kintöghoghchini pipö Israel kïwö lötungwa akïwö pchöri poltonay kimi tawungwa kutang lötungwa

WUWÖT 33:2

Oyontonan malaykayan kuntöghoghwokwa, ayonan pipö Kanan nko Amori nko Ititi nko Peris nko Ipiti nko Yepusi.

LAWIN 26:8

Omukekwa pich cho le mut ntayon pich 100, kïyon pich cho le 100 pich 10,000 akuwonyö nyu pungkökwa ompö ngot.

YOSWÖ 23:10

Yonöy chi akong ompö akwa pung 1,000, ompöwölo ECHOTYON Tororötïnkwa nyo poryewokwa, le otini kiyomisokwa nyinte.

TUMWÖY 8:5

Keghanyi nyinte kïmïnïngit kïtïl Tororöt, kelokyinyi nyinte tenta ororyö nko konyït.

ISAYA 31:4

Ompöwölo kilenchanïn ECHOTYON, “Kïrkegh köriryö kiyokwïyi kyak akuteghyö lö ne, kïmemuköcha ntökwotyeghö ngötïny kupertegha pentanyi nyo kötïgh. Lata nyoni tïkwïl ompö ani, möminye chi nyo körtonanïn, tömakartan kutïng pö Sayon,* ochan ECHOTYON Kimuktoghin.

SAKARIA 9:14

Ngwïnchini ECHOTYON pikachi, akïwutïtö kotichi cho petöy le kiryalon. Kutöy ECHOTYON konti poryot, akuchumï nko pïpïch nyo ngwïno kumporö.

ISAYA 33:24

Melö tökelïmöy chi ngat nyo ngölon kichïr ompö korencha, akelöstoghchini pich löwïr ngokï.

SAKARIA 10:7

Lïku pipö Epraim nyökon pö lïk Turonchot le pich cho kagha dipay* sïwïyi monekwa choni löwïr akïngörekyö, Ngörökyini ECHOTYON ompö tïkwïn löwïr cho kighchï chane.