SAKARIA 12:7 - PIPÏLIA

⁷ “Onyoghan ante ECHOTYON ongöroköy pipö Yuda kïnyorï rïntagh atö mep kegh yïm pipö ara pöytoghin Daudi nko pipö Yerusalem kïtïl pipö Yuda.

SAKARIA 12:7 Referans Kwoze

YEREMIA 30:18

Lentöy ECHOTYON, “Oyokunan piköchan kïpka korengwa. Osyonchinan möngot anka tïkwïl nyo le nyingwa, kïteköy ngat kanasyanta Yerusalem, ketekyini pöryontenyi nyo kikunyara. Kïteköy tïkwïl kö pö pöytoghin otini kimi tagh.

RUMI 3:27

Kïlenyona, kïgh ne nyo kimukecha kekwolone kegh nya? Puryö kïgh nyonikïny! Ekwompö ne köny? Ompöwölo so kakïrïpacha kirurut? Ewo, wölo ompöwölo kakighacha Yeso Kristo.

SAKARIA 11:11

akïngat asisoni lenyoni. Kirosanïn mïnchïris pö kechir, akïpköchï lö kingölonchini chane ECHOTYON ompö tïkuchini kyoghan.

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

ISAYA 23:9

ECHOTYON Kimuktoghin nyo kitat. Kitat lenyoni atökuwur kwolöt nyo pö ororyö anka tïkwïl akutö arasï pipö ngwïny kïmïkul cho kïkonyïtöy.

TUMWÖY 55:12

Ntökö punyontenyan nyo kanyernyerenanïn, kötö omïkukönan ompö choni. Ntökö pkatyan nyo kengwïn akïmenö tawunyan, kötö owïngonan kegh nyinte.

TUMWÖY 38:16

Mekany kïroröchanïn pungköchan cho kwolöy kegh ato achitan.

TUMWÖY 35:26

Nya kïnyorï arasï cho ngörokyini nyarïltanyan akïkwongkwongisyö chane. Nya kelokyï arasï cho kwolöy kegh ompö ani kïlalïyan chane.

AYUPU 19:5

Ato okwolökwa kegh amïnanïn apöghisyeghö nyörilwoköchan ogheghchanïn,

YAKOPO 4:6

Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

LUKA 10:21

Ompö atoni kïturön Yeso ompö Mïkulögh nyo Tïlil akïlö, osölinyi, “Echotyonto yïm nko ngwïny, ompöwölo keporchinyi sölwöy tïkwïn cho kewïngenyi pich cho lechini kegh kïchï ngöghomöch anta kïchï chïreröch. Wölo kengongchinyi cho mïnïngitöy kegh le tengon. Nyoman Papo, lenyoni wölini kitatïtenyi ompö pöropchengu.”