SAKARIA 11:3 - PIPÏLIA

³ Atere sönönöto pöytoghi piköchan, riryot ompöwölo mi nyarïl kikunyara kïgh anka tïkwïl nyo kökwolo kegh! Atere tïlöto ngötunyi Kikenyar wudïno lalwa Yordan, korikwa cho möngöy!

SAKARIA 11:3 Referans Kwoze

YEREMIA 50:44

“Arosa! Alatan ngötïny nyo kölïtunö wuw pö Yordan akuchumchï lö tursïs kechir cho oketïyi. Otulan lenyoni pipö Papilon kïpegha korengwa atolapay akïlan pöytoghin nyo kachaman ante ECHOTYON kïpayta korononi. Ompöwölo ngo nyo olentöy okongityo kegh nko ani? Anta ngo nyo lentöy omukanïn? Pöytoghin ne nyo ghyongo tawunyan akïtagh ngalechan?

IGHISYEWUT 7:52

Ngo werkoyontö nyo kimechopnye kukötïnekwa kong nya? Akipar chane cho kinya kïmwowï tagh lö, ngwïnöy Mötworintenyi nyo pö man, akwanyï ye kalïkukwa wïchtoghichi aparakwa nyinte.

MATAYO 15:14

Opïstenökwa! Köryote chane akï kintöghoghi chepkarotin, kïkany kuntöghoghchï chepkarot chi nyo karote, kupïtyini pïrïm chane kwodeny.”

SAKARIA 11:8

Kïkany kuwer arawa akong, otïghön mösöw walaka cho ghach cho le sömök. Kimamukanye ngat omïkukön nko kechirye akïnget ompö kïtaghanïn,

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

SEPANIA 3:3

Karkegh yetïntinechi nko ngötuny cho mororsot Karkegh muti ngal ompö kokwotïno Yerusalem nko suyï cho sutyote, cho ato nyorï peny mönon, mönyorunye chi ompö nyo le kowö otini kayech.

SEPANIA 1:10

Lentöy ECHOTYON, “Olïmekwa rira asisoni anyona rira ngwïno Kuka Kaghagh ompö kanasyanta Yerusalem, olïmekwa rira kungwïna kanasyan wölo tökïrel, nko kighumöt nyo ngwïno okumpö kutïngkot!

AMOS 8:8

Yotyotöy korö ompö ngalechi akïsönön chi anka tïkwïl nyo möngöy ori. Ngetöy le pögho lalwa Nile akïröytö le pögho lalwa Misri.”

YOEL 1:13

Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

OSEA 10:5

Mïghyot pipö Samaria ompö körkeyïn pö mogh Pet Apen. Riryot pikachi ompö moghoni, akiriryot tïkwïl tïsï cho kopöghisyeghchini ompöwölo kiweghö moghoni ororyö.

YEREMIA 49:19

Le ngötïny nyo lepuno kegh wuw pö lalwa Yordan akuchumchï kechir cho oketïyi, ochumchinan lenyoni pipö Edom atulan korengwa kïtoyö. Atolapay otönön ante kintöghoghin nyo kachaman kïpayta korononi. Ompöwölo, ngo nyo lentöy okongityo kegh nko ani nya? Akï ngo nyo lentöy orwokyinanïn? Pöytoghin ngo nyo muköy kughyong akïtagh ngalechan nya?

YEREMIA 26:6

owetan onyoröy köyï pö saghat le wölo kyanyaran Syilo, aghan kanasyantanï kïlïkwï nyo chïptegho koroswö cho mi ngwïny kïmïkul.”

YEREMIA 7:4

Orip mater ngalechï pö putintön lentöy, ‘Kö pö Tororöt nyete! Momechanye kïgh, Kö pö Tororöt nyete!’

YEREMIA 2:30

“Kiwö kwïle sitenyan nyo kinyorï pikökwa, ompöwölo kicham lö kikelel. Kiwany chokengu werkoyköku le ngötïny nyo komï.

YEREMIA 2:15

Köpororchï nyinte ngötunywö, köpororchï ompö kut nyo wow. Kegh korenyi kïlïkwï surkwen, kalïkwï kanastinechi kïratis cho puryö möngot.

ISAYA 65:15

Pöghisyegho piköchan cho le kïlan kaynatenkwa kïchïpisyegho. Ani Echotyon TORORÖT nyo otïghokwa. Wölo otöninan kaynat nyo rel pich löwïr cho tekanïn.

TUMWÖY 22:21

Isörunenante kutïwa ngötuny aighetante achïwïta kuyo soghen.

ISAYA 5:29

Karkegh kelyeko nkarinekwa nko ngötuny cho kapar tyony akïmi kwipöy kutang wudöngwa wölo memukönye ntökösörunö chane.

SAKARIA 11:2

Akwa saypras, olokyenö asönön! Ompöwölo kikerul keti tarakit! Kikenyar ketichay pö tösunöt nyo wow! Akwa keti apeta cho omi koro Pasyan, oriryenö! Ompöwölo kiketör ket kuwonyö ompö wuw nyo kidïrö.

ESEKEL 19:2

itum lö, Kilenye yongu koko ngötïny ompö ngötuny, Kirïp warechi ompö kwenu ngötuny.