SAKARIA 10:3 - PIPÏLIA

³ Lentöy ECHOTYON, “Ochan narekate nyoman ompö mösöwo piköchan. Omungan kintöghoghichi, ompöwölo komönöy ECHOTYON Kimuktoghin pikachi, pipö Yuda. Oghan chane kïkarkegh nko angoletin cho köromöch ompö poryot.

SAKARIA 10:3 Referans Kwoze

ESEKEL 34:2

Kïlenchanïn, “Wero chi, nya kïngor möt mösöw cho pö Israel lenchinö chane lentöy Echotyon TORORÖT. Heywey mösöwechï pö Israel, oyongekwa kegh opïn. Melö so kötöngöy mösöwö kyakikwa tya?

SAKARIA 11:17

Heywey mösöwon nyo le karsang! Kapakada kechir kïpa opïn! Nya kïtör chok ewunyi akïrït kontanyi nyo pö ewu tagh, Nya kïsipa ewunyi akïkor kontanyi nyo pö okumpö tagh!”

SEPANIA 2:7

Mïlöy pipö Yuda cho kingötï korononi akuyakwï kyakikwa. Pkonöy kïmöngöy kori kanasyanta Askelon, ompöwölo soyönöy ECHOTYON Tororöt pö pipö Yuda kïnyorï ngat tïkwïn.

YEREMIA 25:34

Akwa mösöw, osönönienö, ariryö! Akwa kintöghoghi okwotïn, omelmelö aryon. Ketïta ato kïyengekwa nko ato kitoytoyonekwa kïmutekwa sïghiny le makal nyo kikekïl lö lïku peny.

NGÖTÏNYÖ 21:31

Kïröy angole kïtöpö kïpsach ompö asispa poryot, wölo ECHOTYON nyo pö rïntagh.

1 PETRO 2:12

Mïchinokwa apartena otöp nyo karam nyoman ompö kwenu pich cho tomönye kughan, nyo kïrkegh kö mököy kïmïrchokwa put lö oghekwa tïkwïn cho ghach, kumuköy kïsïwa ighisyewutkökwa cho karamach akïsal Tororöt Asisto kingwïnatenyi.

LUKA 1:68

“Nya kesala Echotyon Tororöt pö Israel! Kengwïn nyinte kungarak pikachi akutyak chane.

RUS 1:6

Atolapay kutor kïmïla Naomi nko koruko werkachi ompö koro Moap, ompöwölo kilïm lö, kisoyön Tororöt pikachi kutö omisyö.

WUWÖT 4:31

Kughan pïchay akwotini kilïm lö kengwïnchï ECHOTYON pipö Israel akisïwa nyörilwokökwa, kungïrukisyö akïsagh.

SEPANIA 1:8

Lentöy ECHOTYON asisoni pö amörostanyi, “Omungan yetïntin nko werpö pöytoghin, nyoru sitenyan pich löwïr cho rïpöy asïltino pipö punton.

YEREMIA 50:6

“Karkegh piköchan nko kechir cho kimötö mösöwekwa kupotyechï komos akïtompöroryö kïpusata kutïngkot ntökïwutyeghö kaw.

YEREMIA 25:12

Kïkany kuwonyö könyiswechoni le 70 ongwïnan omungöy pöytoghinto Papilon nko koro Papilonia akwompö ngokikwa, aghan kore kïlïkwï kïratyan kokay.

YEREMIA 11:22

Kïlenyona lentöy ECHOTYON Kimuktoghin, “Omungan chane! Wonyot chumwak ompö ngot kuwany kömöy monekwa

YEREMIA 10:21

Amwaghan ante Yeremia lö, “Wechï kalïkwï kintöghoghicha sölwöy! Mötepönye ECHOTYON atökeporchï or. Nka nyoni nyu kïgh nyo kichunta chane, aketoytoyö pikökwa löwïr.

ISAYA 24:21

Itu asis ato mungöy ECHOTYON owesyö anka tïkwïl nyo mi yïm nko pöytoghi ngwïny.

ISAYA 10:12

Wölo lentöy Echotyon, “Nyini kawanyan kïgh nyo oghan ompö kutïng pö Sayon nko ompö Yerusalem, achuman nyu pöytoghinto Asirya ompö menötenyi nko ompö kwolötenyi.”

TUM PÖ TUMWÖY 1:9

Okongityoninyi, we chomnyenyu nko angoletino Parao cho ipöy nkaritin.

ESEKEL 34:12

Le wölo yokwïytoy mösöwontö kyakichi, oyokwïyan kechiryechan lenyoni. Osörunenan chane wölini kïtoytöyechï löwïr ompö asispa kïruntï nko turï.

DANIEL 11:32

Köperöy nyinte pich ompö lïs cho kipeny muma ECHOTYON, wölo ghyongo man pich cho nkït Tororötïngwa.

AYUPU 39:25

Otini köchögh kontin, kïlö, ‘Köro!’ Nguchini nyinte poryot ompöwölo low, lïmöy kuti yetïntino lïk kïtötöy ngala poryengwa.

ESEKEL 34:11

“Kïlenyona lentöy Echotyon TORORÖT, owetan ante oyörotoy kechiryechu, ayakwïy ante.