SAKARIA 1:8 - PIPÏLIA

⁸ Kyasïwan oghö chi nyo weghoy angole nyo pïrir! Kighyongoy kwenu kapïrïmen ompö mpöghogh. Kimi angoletinö walaka cho pïröch nko mïkenöch nko cho relach cho kighyongo lötunyi.

SAKARIA 1:8 Referans Kwoze

NGONGUT 6:4

Kungwïn angoletö anka nyo pïrir. Ketö owesyö chi nyo kiwegho angole kwipï kiwolyot ngwïny tökïpar kegh pich. Ketö nyu nyinte chok nyo wow.

NGONGUT 2:1

“Kirchinö malaykayan nyo pö kanisa Epeso lö, ‘Anyï ngölyon nyo ngwïno nyinte nyo nömöy kokelyechay le mut nko odeny, ompö ewunyi nyo pö tagh akïwestegho kwenu ketï pö koltin le mut nko odeny cho ghyongo tatïna.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

ISAYA 55:13

Pito saypras wölo kötö pito tïkawkaw, kïpita kapïrïmen wölo kötö pito panyïrit. Machey nyoni nyo töpo kokay, lïku kinonutyo kïgh nyo kaghan ante ECHOTYON.”

ISAYA 41:19

Okötkötan tarakit wölo le siriron akatkat sesoy nko kapïrïmen nko arol. Pituno wudïnö koros wölo tïyame, wudïno pine nko yuniper nko keti saypras.

DANIEL 7:13

“Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

DANIEL 7:2

Atolapay kukir ngala kirwotïtoghoni akïmwowï lö, “Kasïwan ompö sïwïyaghtanyan yomat kïkutöy nanam nyo wow ompö woptin löwïr.

DANIEL 2:19

Kïlenyona keporchï Daniel wïngatanay ompö sïwïyagh oghö. Kïsal Daniel Tororöt pö yïm nyoman.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

AYUPU 4:13

Pkonöy kinonut ompö sïwïyaghtina oghö otini ketung pich rïwöntö,

1 PÖYTOGHÏ 3:5

Kungwïnchï ECHOTYON nyinte oghononi ompö kirwotïtogh akïtep lö, “Kïgh ne nyo imökenyi okoninyi?”

YOSWÖ 5:13

Nyini kirich Yoswö Yeriko, kïtopöntö akïsïwa chi nyo kighyongö tawunyi nyo kitïng chok. Kïwö Yoswö otini mi nyinte akïlenchï, “Ichinyi nyincha nya anta ichï punyontencha?”

TOWUNÖT 20:3

Wölo kungwïn Tororöt wölo mi Apimelek ompö kirwotïtogh akïlenchï, “Ichinyi mïntïrïch ompöwölo kechenganyi kokonï, akï koko chi nyinte.”

TUM PÖ TUMWÖY 6:2

Köwö chamanenyan kïröytö parenyi wölo kipito keti cho kighöy kïlïkwï sakat atökuyakwï kechiryechi wöloni le paren atökïghamït tapïkoy.

TUM PÖ TUMWÖY 2:16

Chamanenyan nyinte, achan nyenyi, yokwïyi kechiryechi wölo mi tapïkoyï,

NGONGUT 6:2

Asïwan angole nyo rel, nyo kikötöy chi nyo kïtïng kïwang, ketö nyinte tenta kulach. Kïweghö angolenoni le chi nyo kikupölisyö akïmi kupölisïyi.

NEEMIA 8:15

Atolapay kïmwatïta kïghömï kanastinekwa löwïr nko Yerusalem lö, “Ape komos, apï mori arol nko törokwö nko kapïrïmen nko sos nko ket walaka cho tïng sökö cho chang atöketeka tunkun lenyini kirate.”

SAKARIA 1:7

Kingölonwanïn ECHOTYON ompö ara sïwïyagh asispa 24, arawa taman nko akonga, arawa Syepat, ompö könyi odeny nyo pö paytaghpa Daryas.

SAKARIA 1:10

Kïlenyona kïlenchanïn chichay kighyongoy kwenu kapïrïmen, “Chï kï angoletin cho kiyokwï ECHOTYON kïmarar ngwïny.”

SAKARIA 1:11

Atolapay kïmwochï angoletinechay malaykayantanay kighyongoy kwenu kapïrïmen lö, “Kikemarara ngwïny kïmïkul akenyorucha lö kitöpö kïpayas.”

TOWUNÖT 46:2

Akïngölonchï Tororöt Israel ompö sïwïyagh oghö, akïlenchï, “Yakopo, Yakopo.” Kïngitön lö, “Ooy.”

KIYITUT 12:6

Kïlenchï ECHOTYON chane, “Atera ngalechï! Atomi werkoyonta nyo mi kwenunkwa, oporchinan kegh nyinte ompö sïwïyagh, angölonchan nyinte ompö kirwotïtogh.