SAKARIA 1:4 - PIPÏLIA

⁴ Makarkegh nko papotïnekwa cho kïrkegh kirirchï werkoy lö, lentöy ECHOTYON Kimuktoghin, opïstenö ortïn nko ighisyewutkökwo cho ghach, melö kilïm amelö kirïp ngalechan.

SAKARIA 1:4 Referans Kwoze

TUMWÖY 78:8

Atömökarkegh chane nko papotïnekwa cho kile penyï akï tighï, pïn nyo melö kitenat ompö mïkulöwekwa amelö kighanat Tororöt.

ESEKEL 33:11

Lenchinö nyu chane lentöy Echotyon TORORÖT le ato osopan, kïmelö mïlanïn megha chemwokïyon, wölo omökan kïpïstö nyinte ortïnechi cho ghach tökïsöp, owöghökisyenö pö ne omeghyenö kwïle nya Israel?

YEREMIA 35:15

Kyoyokwokwa mötworichan werkoy kïnyïl cho chang cho kipka kïmwowokwa lö opïstenö ortïnekwo cho ghach atolapay owöghökisyö agh man. Kimwowokwa lö orip kegh masagh amopöghisyechï tororötin walaka. Nyo ntökyarïpakwa ngalechoni kitomöngekwa kokay koronete kokonokwa atö tïkwïl papotïnekwa. Wölo nyu melö kyateranïkwa amelö kyayangakwa kïgh nyo kyamwaghan.

SAKARIA 1:3

Kïlenyona mwochinö chane lö lentöy ECHOTYON Kimuktoghin oyokyanïn kegh, atoyokyok kegh.

1 PETRO 1:18

Ompöwölo onkïtökwa lö, kityakenekwa Tororöt otöp nyo kimerokonye nyo kyosïkekwa papotïnekwo. Amolenchï kegh kikitykenekwa tïkwïn cho wïryot cho lata ropïyen anta koltin,

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

IGHISYEWUT 3:19

Okötenö nyu, awöghökisyö, atömanyïl kemwötwokwa ngokikwo, atökïpka nyu osiswö cho pö ngörekyö cho pkono tawu Echotyon.

MIKA 2:6

Kitönkösyanïn pich lö metönkösyinecha nko ngaleku melö pïstonecha Tororöt.

AMOS 5:24

Wölo nya kïnyïghï man ngwïny le pögh akuyinta man le lalwa.

OSEA 14:1

Omïlisyenö we Israel, omïlechinö ECHOTYON Tororötïngwo ompöwölo kichïntenyi ompö ngokiku.

YEREMIA 44:16

“Kakïtaghacha ketera ngalechoni kemwowechanyi ompö kayna ECHOTYON,

YEREMIA 26:5

Amaterakwanye kïgh nyo mwowokwa mötworicha cho le werkoy cho oyokwokwa kïtenö osis, kïrkeghnye so melö kyayangakwa kïgh nyo kimwoghöy,

YEREMIA 18:11

Kïlenyona nyu, mwochinö pipö Yuda nko cho möngöy Yerusalem lö kamwaghan ante ECHOTYON lö, ‘Otötwokwa onyorunö nyarïl. Lïku nyoni sitenkwa atomopïstekwanye ortïnekwo cho ghach. Omïlisyenö apïstö ortïnekwa choni ghach. Mïchini asitakwa ortïnekwo nko ighisyewutkökwo kuten.’

YEREMIA 3:12

Kïlenyona wïyö mwochinö Israel lö kamwaghan lö, Mïlena wölo omitan we Israel, nyi nyo mechï ghanate. Mwoghöy ECHOTYON. “Melö nyu torosinyi ngat ompö nörekyö, ompöwölo otïngetan kisyonchin. Mwoghöy ECHOTYON. “Amelö onörekan kokay.

ISAYA 31:6

Akïlö ECHOTYON, “Omïlonchenö wölï omitan, pïchï pö Israel. Kaghwanïkwa ngokï, ataghanïn!

NEEMIA 9:30

Kimïkukönönyi könyis cho chang ompö chane airirchinyi ompö Mïkulöwungu kuwerï werkoyköku, wölo kimöterchïcha chane kïlenyona itönönyi mori pipö punton.

NEEMIA 9:26

“Wölo kïpeny ngaleku akïtaghinyi akïpörchï patagh kirurutköku. Kïpar chane werkoyköku cho kichilöy tökuyokyinyi kegh Kichïpinyi chane kïnomnyö.

NEEMIA 9:16

Wölo kïmen papotïnecha akwoghïghitu mötöwöy, melö kicham kïter kirurutköku.

ESRA 9:7

Kïngata osiswo papotïnecha nko ye, kikelelacha nko pöytoghicho nko tïsicho aketönecha mori pöytoghi pipö punton akwompö ngokicha, keparecha akechengenecha tïku akerangecha kelïkuna pïnot, kenyerecha akeroröchecha ompö arasï nko nyete le ye.

2 OTÖPTINO OSIS 34:21

“Ape atepunö ECHOTYON kïmwowanïn nko pich cho kidong koro Israel nko Yuda paraku ngala kitapunï kökïnyorï, kinörekyecha ECHOTYON nyoman ompöwölo marïpnye papotïnecho ngölyonto ECHOTYON, ameghcha kïrïp kegh wölnö kikikirta ompö kitapunï.”

2 OTÖPTINO OSIS 30:7

Malïkwï papotïnekwo nko werkökwo cho kimeghancha ECHOTYON Tororöto papotïnekwa, tökïtenö kïpïstö kïnyörïlyö chane le wölo asïwïyekwa.

YEREMIA 4:1

“Ato kemïlo, we Israel, imïla wölo omitan. Mwoghöy ECHOTYON. “Ato inateghenyi körkeyïntin ompö tawunyan ametomtomönönyinye,

YEREMIA 23:22

Antö kipka, angölonchan chane kitöptoy kimwochini piköchan ngalechan akitökikuyokwï kegh piköchan akïpïstö ortïnekwa cho ghach nko ighisyewutkökwa cho ghach.

ESEKEL 20:18

Kyolenchan monekwa ompö surkwen, motöp tarïp kirurutko papotïnekwa anta kiyomisutkökwa, amosïmnyonö kegh körkeyïntinekwa.

ESEKEL 33:4

wölo ato maternye chi akepar nyinte kwomöy kisönkachi.

SAKARIA 7:7

Nka chete ngal cho kïwow mökosyo kanasyanta Yerusalem akïchang pich cho kimöngöy. Kichang tïkwïl osiswechoni pich cho kimang kanastin cho kilekïtino Yerusalem, kumporö nko ta nko okumpö koro Nekep* nko tömköyi Syepela.’ ”

2 OTÖPTINO OSIS 30:6

Kïnam nyu pöytoghintö nko yetïntinechi pich kïpa kwip palaltin kïghömï Israel nko Yuda kïmïkul. Kilentöy palaltinechoni kikir pöytoghintö, “Owöghökisyenö wölo mi ECHOTYON Tororöt pö Apraam nko Isak nko Yakopo pipö Israel, atömanyïl kïwaghaka ngat nyinte kïpörï wölo mi ngötunönkökwo cho kyochïwïtyeghö mori pöytoghi Asirya.

YEREMIA 3:14

“ ‘Momïlisyö sonye akwa monechï mochï ghönote nya? Mwoghöy ECHOTYON. “Ompöwölo ochan Echotyontenkwa. Ochengan chi akonga ompö kanasyan achengan odeny ompö or anka tïkwïl nyo pö pipö Israel, atolapay amïtan kutïng pö Sayon.*

YEREMIA 25:8

“Kïlenyona kamwaghan ante ECHOTYON Kimuktoghin lö, ompöwölo melö kyaterakwa ngalechan,

ESEKEL 14:6

“Kïlenyona lenchinö pipö Israel lentöy Echotyon TORORÖT, okötenö, apïstö körkeyïntinekwo, apörchï patagh sïmnyontönengwa.

DANIEL 9:6

Melö kikïterchicha mötworiku werkoy cho kingölonchï pöytoghicha nko yetïntinecha nko papotïnecha nko piko korencha löwïr ompö kaynatengu.