SAKARIA 1:17 - PIPÏLIA

¹⁷ Atolapay kïlenchanïn ECHOTYON Kimuktoghin, mwatïtena ngat lö, nyïghiti sïkönöt ngat kanastinechan. Oghan kanasyanta Sayon kïngarak ngat akïlchan kegh Yerusalem ngat.”

SAKARIA 1:17 Referans Kwoze

ISAYA 51:3

“Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.

SAKARIA 2:12

Pöyitu ngat atoni koro Yuda ECHOTYON nyo chömo kegh tya ompö koronï tïlil akïkïlchï kegh ngat kanasyanta Yerusalem.

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

OPADIA 1:20

Ngetu lïko pïnot pö Israel cho pkono koro Yuda okumpö löt. Pkonöy kïmïlöy kor kïngeta Poinike ntökwit Sarepat. Kïpka pïnot pö Yerusalem cho kikïrang kïpa Sardis akïmïl kanastin cho mi ewu tagh nyo pö koro Yuda.

ESEKEL 36:33

“Omwoghan ante Echotyon TORORÖT lö, asisini kotïlilokwa ompö ghöyitwokökwa löwïr, aghan nyu kanastinekwa kemang aketek koros wölo kikilïkwï kïratyan.

ISAYA 66:13

Osoghsoghokwa, ompö Yerusalem le ato soghsoghöy korka montanyi.

ISAYA 54:8

Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

ISAYA 52:9

Ongörekyenö atum kïratischï pö Yerusalem! Söru ECHOTYON kanasyantenyi akïsaghsagh pikachi.

ISAYA 44:26

Wölo atongor kïgh mötworintenyan, ato kayontan chi kïnganyta tötutköchan, oghan ngalechoni nko tötutkö kïpïntö nyo mötïny. Omwochinan ante Yerusalem lö, ‘Möngöy pich ngat oringu,’ amwochan kanastina Yuda lö, ‘Kïtekokwa ngat kïrkegh kö kyowïryekwa.’

TUMWÖY 69:35

Söru Tororöt Sayon* akïtek ngat kanastina Yuda. Möngöy pikachi korononi akïmïl.

NEEMIA 11:20

Kimang pipö Israel cho kingötï nko tïsï nko pipö Lawi möngengwa ompö kanastina Yuda.

2 OTÖPTINO OSIS 6:6

Wölo kakïlan ye nyu Yerusalem kïlïkwï wölo kïsoghenanïn, akïl Daudi kïpayta pikachu.’

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

SAKARIA 3:2

Kïlenchï malaykayanta ECHOTYON Onyöt, “Nya kïchïpïn Tororöt we Onyöt! Nya kupkongïn ECHOTYON nyo kikïlchï kegh Yerusalem! Mökörönye kegh chichï nko kwenta nyo kökïsörunö ma nyo nöghöyï?”

AMOS 9:14

Omïtunan pikachu Israel korengwa, pkonöy kïteköy akïmang kanastin cho kirulyö, akïkatkat sapipun akïgha dipayka.

YEREMIA 33:13

Itïtöy tïkwïl ato yitöy pich kechiryekwa ngat ompö kanastin cho mi okumpö kutïngkot nko cho mi Syepela nko cho mi surkwen pö Nekep* nko koro Penchamen nko paren cho lekïtinö Yerusalem nko kanastina Yuda.” Mwoghöy ECHOTYON.

YEREMIA 31:13

Pkonöy monekwa cho le tipïn akïnyal ompö ngörekyö akwigh mïrön nko poy kïturonchö. Osoghsoghan chane, awaghach sönönötengwa kïlïkwï ngörekyö, owöghökan nyörilwokökwa kïlïkwï turönö.

ISAYA 51:12

Mwoghöy ECHOTYON lö, “Ani nyo osoghsoghinyi. Kwompö ne tewöghenyi chi nyo meghöy, nyo möngötunye nyo kogh kïsir suswon?

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

NEEMIA 11:3

Kimang chi anka tïkwïl nyo pö kanastina Yuda katanyi ompö kanastinekwa: pipö Israel nko pipö Lawi nko mötwori Kö pö Tororöt* nko monïngo mötwori Solomon. Achï kirwokoti koro Yuda cho kimang Yerusalem: Ataya wero Usia wero Sakaria wero Amaria wero Syepatia wero Maalalel cho le werpö Peres.

SAKARIA 1:14

Atolapay kïlenchanïn malaykayan, “Mwatïtena ompö kut nyo wow lö lentöy ECHOTYON Kimuktoghin, ochan söstoghin nyoman ompö Yerusalem nko Sayon.*

SAKARIA 1:18

Osyolön nyu konyïn asïwan kuy angwan.

SAKARIA 2:4

akïlenchï, “Rïpö mwochinö karöchïnintoninö lö, chongitu pich nyoman kanasyanta Yerusalem nyo memukonye ketekyï nïyet ompöwölo möngörïnye pich nko kyak cho mi ori.

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”