RUMI 7:5 - PIPÏLIA

⁵ Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.

RUMI 7:5 Referans Kwoze

EPESO 2:3

Kikïlatecha tïkwïl choni, kikïrïpecha möchutko porwöyicho akegh kïgh anka tïkwïl nyo kimököy porwöyicho nko kinonutköcho. Kikïchicha monïngo nörekyo Tororöt le pikö walaka.

KALATIA 5:24

Kikïwudochï chane cho kikïpöyit Kristo Yeso kimurtöwon otöptöngwa nyo pö por nko pïrchintinechi cho ghach.

KALATIA 3:10

Wölo chïpote chane tïkwïl cho körtegho kegh ighisyewut pö kirurut. Ompöwölo mwoghöy Kikirut lö, “Kïchïpöy chi anka tïkwïl nyo mörïpönye akwigh tïkwïn löwïr cho kikikir kitapu Kirurut.”*

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

1 YOANA 3:4

Anka tïkwïl nyo ighöy ngokï, kï penyinto Kirurut pö Tororöt, ompöwölo ngokï kï penyata kirurut.

KOLOSAY 3:5

Kïlenyona, otïghö otöptino ngwïnyinï cho ghach cho mi orinkwa cho lata: cheporesnan nko sïmnyontön kinonut cho ghach nko pïrchin nyo gha nyo karkegh nko saghata körkeyïntin.

1 KORINTO 15:56

Nyoruno meghat owesyenyi nyo rïmo pich ngokï, kïnyoruno ngokï owesyenyi kirurut.

YAKOPO 4:1

Ekï pkono onö köny poryewut nko syölutchï mi kwenunkwa? Möpkonocha so pïrchinoghtinekwa cho ghach cho poryot ompö orinkwa chik?

YAKOPO 1:15

Mirsïyi nyu pïrchinoghtinechoni atolapay, kïyiyï ngokï, kïkany kïyetu ngokï, kïyiyï meghat.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

EPESO 2:11

Kyochikwa ato le tagh, pipö punton cho kïkurenok, “Sompen,” kïkurö kegh pipö Yaudi, “Sorngony” (poru ngalechoni tïkwïn cho kighchini chane porwöyikwa). Anane wölo kyalatekwa ato le tagh.

RUMI 7:23

Wölo kosöchan kirurut anka nyo sis kïpöghisïyi ompö orinyan nyo poryegho kirurut nyo kökachaman ante. Akaratanïn nyoni ye alïkwï sekeyonto kirurut pö ngokï cho pöghisïyi ompö portönyan.

RUMI 6:23

Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.

RUMI 6:19

Kanya opöghisyeghan ngalechaye pöghisyegho pich su, atö kïpköchokwa ompöwölo ochikwa nyörkölöl. Kimi ato kyotötekwa kegh lasiny opöghisyechï sïmnyontön nko ghöyityö ompö möchut cho ghach. Kïlenyona ye nyu, otötenö kegh lasiny le sekeyi man ompö möchut cho tïlilöch.

RUMI 5:20

Kikïkonï kirurut atökïtasa penyata kirurutchay. Wölo otini kïtas pich tya kwigh ngokï, kïtasa ompö tya pöropcho Tororöt ompö pich!

RUMI 4:15

Ipu kirurut nörekyo Tororöt, wölo ntökömökïmicha kirurut kötömökïmicha kirurut cho kïpenyöy.

RUMI 3:20

Ompöwölo möminye chi nyo kiyityini man ompö tawu Tororöt, ompöwölo karïp nyinte kirurut. Kïgh nyo ighöy kirurut kï kuporchï chi lö, kegh ngokï.

RUMI 1:26

Nka nyoni nyu kipïstö Tororöt chane kïrïp pïrchinoghtin cho ghach cho pö arasï. Rose lö köwö korka nko korketö anka amelö kömïchini kwighöy lenyoni.

YOANA 3:6

Nyo kiyï chi kï chi kïkany nyo kiyï Mïkulögh kï mïkulögh.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

2 KORINTO 10:3

Ompöwölo, kïrkegh kö man lö kïmöngecha ngwïnyinete, wölo melö kïporyeghocha otöp nyo pö por.