RUMI 7:25 - PIPÏLIA

²⁵ Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.

RUMI 7:25 Referans Kwoze

KOLOSAY 3:17

Akï kïgh anka tïkwïl nyo oghekwa anta nyo omwoghekwa kïmïchini agha ompö kaynata Echotyon Yeso, ayokyï sörö Tororöt Papo ompö nyinte.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

1 KORINTO 15:57

Wölo kesala Tororöt nyo konech rïntagh ompö Echotyontenyo Yeso Kristo.

RUMI 6:17

Wölo sörö ompö Tororöt, ompöwölo kïrkegh kyochikwa sekeyi ngokï osiswechanya pö tagh, wölo ye, ompö kinetut cho kyonyorukwa, kyoterchikwa man lasiny ompö mïkulöwekwo.

RUMI 6:14

Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

2 KORINTO 9:15

Keyokyinö nyu Tororöt sörö ompö ropöwontenyi nyo mötïngnye söröm!

MATAYO 1:21

Yiyöy nyinte monïng nyo le weri, aikurenenyi nyinte Yeso, ompöwölo söruno nyinte pikachi ngokikwa.”

ISAYA 49:9

Olenchinan pich cho le mampustin, ‘Ochikwa tyokote, opechinö kegh,’ alenchan pich cho mi tuwïn, ‘Apkana wölo mi löpoyïn!’ Nyoru omisyö ompö wölini kapa, kïrkegh kapa wölo le komos.

ISAYA 12:1

Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

PILIPI 4:6

Mosusenö kegh kïgh anka tïkwïl, wölo otönö kïgh anka tïkwïl sowut, opchinö Tororöt lokekwo atö sörö amwochï nyinte möchut kökwa.

EPESO 5:20

Oyokyinö Tororöt Paponyo sörö kïtenö osis ompö kïgh anka tïkwïl, ompö kaynata Echotyontenyo Yeso Kristo.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.