RUMI 7:23 - PIPÏLIA

²³ Wölo kosöchan kirurut anka nyo sis kïpöghisïyi ompö orinyan nyo poryegho kirurut nyo kökachaman ante. Akaratanïn nyoni ye alïkwï sekeyonto kirurut pö ngokï cho pöghisïyi ompö portönyan.

RUMI 7:23 Referans Kwoze

KALATIA 5:17

Ompöwölo poryegho pïrchintino por möchut pö Mïkulögh, kïporyegho Mïkulögh pïrchintino por. Pung nyu chane kwodeny akuporu lö momukekwanye oghe tïkwïn cho komökekwa.

YAKOPO 4:1

Ekï pkono onö köny poryewut nko syölutchï mi kwenunkwa? Möpkonocha so pïrchinoghtinekwa cho ghach cho poryot ompö orinkwa chik?

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

RUMI 6:19

Kanya opöghisyeghan ngalechaye pöghisyegho pich su, atö kïpköchokwa ompöwölo ochikwa nyörkölöl. Kimi ato kyotötekwa kegh lasiny opöghisyechï sïmnyontön nko ghöyityö ompö möchut cho ghach. Kïlenyona ye nyu, otötenö kegh lasiny le sekeyi man ompö möchut cho tïlilöch.

RUMI 7:25

Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.

1 PETRO 2:11

Oterwante tupchenichu cho ochï to, achï pïnot ompö ngwïnyinï. Mopïsï kuchutok pïrchintino por cho poryot nko mïkulögh.

EPRANIA 12:4

Tomönye oporyenökwa tökïtenö kïpeghenakwa kisön otini omitekwa onoghyot nko ngokï.

RUMI 7:21

Kïlenyona, köpköchanïn nyu kïgh nyo mi kwigho ompö orinyan, nyo kötoghan kïgh nyo karam, olan olö kyaghan kiyay gha.

RUMI 7:5

Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

OMTOGHIN 7:20

Möminye chi pö man ngwïny nyo ighöy nyo karam amegh ngokï.

TUMWÖY 142:7

Tyakante achïwïta nyarïl, atasalan kaynatengu, atökuwitanïn pipö man, keporwaninyi köromnyengu. Tum pö Daudi.

RUMI 7:14

Kinkïtöcha lö, Kirurut pö Tororöt kï pö mïkulögh, wölo ochan ptangengmöt nyo kikyelta kïlïkwï sekeyonto ngokï.

YAKOPO 3:2

Kighecha lelut cho chang kïnomnyö. Nyo ato malelnye chi ompö ngalanatenyi, kutenate chichoni akumuköy nyinte kïpayta portanyi kïmïkul.