RUMI 7:15 - PIPÏLIA

¹⁵ Möpköchinanïnye kïgh nyo oghöy, ompöwölo moghanye kini komökan oghöy, wölo kaghan kïyinö melö komökan.

RUMI 7:15 Referans Kwoze

KALATIA 5:17

Ompöwölo poryegho pïrchintino por möchut pö Mïkulögh, kïporyegho Mïkulögh pïrchintino por. Pung nyu chane kwodeny akuporu lö momukekwanye oghe tïkwïn cho komökekwa.

NAUM 1:7

Karam ECHOTYON, ghetin nyinte ompö osiswo nyarïl, Komönöy pich cho soröy nyinte.

YAKOPO 3:2

Kighecha lelut cho chang kïnomnyö. Nyo ato malelnye chi ompö ngalanatenyi, kutenate chichoni akumuköy nyinte kïpayta portanyi kïmïkul.

OMTOGHIN 7:20

Möminye chi pö man ngwïny nyo ighöy nyo karam amegh ngokï.

RUMI 12:9

Ochomnyö ompö chomnyogh nyo puryö lïs. Atagha kïgh anka tïkwïl nyo gha achama kegh kiyon karam.

YUDA 1:23

osörunenö lawel pikö walaka mapa kirwok. Mi pikö walaka cho mïchini oripenö kegh tömenamtak sïmnyontönengwa nyo pö ngokikwa otini omikwa osyonchini chane. Atagha ntatagh ompö chini le sïrokökwa cho kikïnam sïmnyonto pïrchintinekwa cho ghach.

RUMI 14:22

Nya kïtöpo nyu kïgh nyo ighönenyi ompö ngalechete kwenungu nko tororötïngu. Soyönote chi nyo mölïmchininye kegh kirwok ompö choghïntanyi otini ighöy kïgh nyo kacham kwigh.

TUMWÖY 19:12

Ngo nyo muköy ntökïsïwa lelutkachi? Sörunenante ngokï cho wïngote, we ECHOTYON!

2 TIMOTEO 2:19

Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”

EPRANIA 1:9

Ichömenyi man, ireyenyi ghöyityö, nka nyoni kakïlïnyi Tororöt, tororötïngu akuyileninyi mwaghpa ngörekyö kïsir kongotïneku.”

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

NGÖTÏNYÖ 8:13

Kewagh ECHOTYON kï ketagh ngokï. Otöghan kwolöto kegh nko menetön, atöghan otöp nyo gha nko ngal cho ghach.

RUMI 7:16

Kïkany nyu ato aghan kïgh nyo kömochömanye oghöy, kuporu lö kachaman lö, karamach kirurut.

TUMWÖY 119:113

Otöghan pich cho kisach kinonut, wölo ochöman kirurutköku.

TUMWÖY 101:3

Amelö omïkukönchinan ghöyityö. Ghöchinanïn ighisyewut cho kichumpön. Melö tuyot ngalechoni nko chichan.

TUMWÖY 1:6

Ompöwölo nkït ECHOTYON wölo riptoy pipö man, wölo rïpöy mwokïyis arengwa ntökwitïta wölini wonyegho chane.

NGÖTÏNYÖ 13:5

Lilöy kïgh chi pö man putintön, wölo ighöy mwokïyon tïkwïn cho ghach cho pö arasï.

TUMWÖY 119:163

Oreyan atöghan putintön nyoman, wölo ochöman kirurutköku.

TUMWÖY 119:128

Ghïtoy kinetutköku söpenyan, otïghan ortïn löwïr cho pö putintön.

TUMWÖY 65:3

akwompö ngokikwa. Kïrkegh otini karïntecha penyutköcha, kïtelöstewechanyi.

1 PÖYTOGHÏ 8:46

“Kïkany ato iwunyi piköku ngokï, ompöwölo möminye chi nyo meghöy ngokï, ainarekanyi aipïsyï pungkökwa kïpar chane akïnam, kïrany kïlïkwï pïnot ompö kor pungkökwa, kïrkegh kö low anta kö lekït,

TUMWÖY 119:40

Rose lö omchinanïn emö kinetutköku, konante söpon ompöwölo iponyi man.

TUMWÖY 119:32

Orïpan kirurutköku ompö machat, ompöwölo itöswaninyi pköchin.

LUKA 11:48

Kïlenyona kalïkukwa nyu söwi akyotökönökwa egh pörchononi kipar papotïnekwa werkoyichoni ompöwölo kosupchikwa koghïn mötöwöyikwa.

TUMWÖY 119:104

Onyorunan ngöghomnyö onyorchini kinetutköku, kïlenyona otöghan otöp anka löwïr nyo pö putintön.

TUMWÖY 97:10

Chömöy ECHOTYON pich cho reyöy ngokï, ripöy nyinte söponwo pikachi akïsörunö chane ewuno pich cho ghach.

TUMWÖY 36:4

Nonöy ghöyityö otini rïwöy, möminye kïgh nyo karam nyo ighöy, amötöghonye kïgh nyo gha.

YOANA 15:15

Melö tokuronokwa ngat mötwor, ompöwölo menkïtnye mötworintö kini ighöy echotyontenyi. Wölo kokurenokwa kongotichu, ompöwölo koyotwokwa tïkwïn lapay cho kyalïman Paponyu.