RUMI 6:2 - PIPÏLIA

² Ewo kokay! Ompö ngala ngokï kïlatecha pich cho kimeghö, kimukecha nyu lö, ne kelete tagh keghe ngokï?

RUMI 6:2 Referans Kwoze

1 YOANA 3:9

Meletönye tagh kwigh ngokï chi anka tïkwïl nyo kalïkwï mompö Tororöt, ompöwölo mi orinyi asïl pö Tororöt. Akwompöwölo Kwanta Tororöt, kïmelö letöy tagh kwighöy ngokï.

KOLOSAY 3:3

Ompöwölo kyomeghekwa, akikewïny söponwekwa nko Kristo orito Tororöt.

RUMI 7:4

Lenye nyoni tïkwïl ompö akwa tupchenichu, kyomeghyekwa tïkwïl ompö kirurut, ompöwölo ochikwa kareranpa por pö Kristo,* apokwa nyinte nyini kitutunö ngwen, atömanyïl kelïkwï pich cho tïng kinyiwut ompö ighisyo Tororöt.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

KALATIA 2:19

Ompöwölo kyameghan ompö kirurut. Kirurutchoni cho kiparanïn atömanyïl osöpön ompö Tororöt.

RUMI 7:6

Wölo kiketyakenecha kirurut ye ompöwölo kikemeghecha ompö kïyoni kinamecha akïratecha. Kïlenyona nyu melö tökepöghisyechinecha Tororöt ngat le nyay pö köny nko kirurutchanya kikikir pö könyisyok, wölo kïpöghisyechinecha nyinte ye kïrïp kegh nko söpon nyo rel nyo pö mïkulögh.

1 PETRO 1:14

Oterchinö Tororöt le monïng cho tïng terchin amoyokyinö kegh ngat ara pïrchin cho kipö tagh atanya kitochikwa sölwöy.

KOLOSAY 2:20

Ato kyomeghekwa nko Kristo aketyakenakwa paytaghpa mïkulis cho mi wölnö le mïröt, kwompö ne tomöngisyenökwa le ato tochikwa pipö ngwïnyinï? Akwompö ne torïpekwa kirurutchay lentöy,

KALATIA 6:14

Wölo mokwolonanye kegh kïgh anka tïkwïl, kïpoto kimurtöwonto Echotyontencha Yeso Kristo, ompöwölo kakewudochanïn ngwïny ompö aranoni pö kimurtöwon, kewudö ngwïny ompö ani.

TUMWÖY 119:104

Onyorunan ngöghomnyö onyorchini kinetutköku, kïlenyona otöghan otöp anka löwïr nyo pö putintön.

RUMI 5:11

Akïmönyoninye onkït, kïturonchocha ompö kïgh nyo kegh ye Tororöt ompö Echotyontenyo Yeso Kristo nyo keghecha kelinyenö nko nyinte.

TOWUNÖT 39:9

Melö wow nyinte ompö köyete kïtïlanïn akïtomönye kïtaghenanïn kïgh nyonikïny kïpoto nyi, ompöwölo ichinyi korkenyi. Oghan nyu lö ne ghöyityö nko ngokï cho tïrusöch lechoni ompö wölo mi Tororöt?”

LUKA 20:16

Nyomwowok, ngwïnöy kïpöröy chane akutö pikö walaka kïngor pareto sapipun.” Nyini kilïm chane ngalechoni kïlö, “Purörö! Nya kïkïr yïmö meghisyö choni!”

RUMI 6:15

Kïlentecha ne nyu nya? Kighacha nyu ngokï ompöwölo mökïmichanye ngwïnyi kirurut, wölo kïmicha ngwïnyi pöropcho Tororötï? Ewo kokay!