RUMI 5:5 - PIPÏLIA

⁵ Amelö ipkecha kikönötononi langanyat, ompöwölo kikunyïghit Tororöt chomnyenyi mïkulöwecha ompö ara Mïkulögh nyo Tïlil nyo kikïkonecha nyinte.

RUMI 5:5 Referans Kwoze

KALATIA 4:6

Kiyonï nyu Tororöt Mïkulöwuto Werïnyi kïlït mïkulöwecha, riröy Mïkulöwunoni lö, “Papo, Paponyu.”

PILIPI 1:20

Otïngetan machat nyo wow nko kikönöt lö, mosïkanye arasï ompö ighisyenyu, wölo ongölonan ompö nyakanat, osis otö Kristo konyït ompö portanyu kïmïkul ato kötosöpan anta kameghan.

2 TIMOTEO 1:12

nka nyoni omitan owonguno ngalechoni. Wölo mosïwïyanye arasï ompöwölo onkïtön chichini kaghanan, ankïtön nyoman lö, muköy kïkomönöy lasiny kïyoni kökonanïn ntökwit asispa mïlaghtanyi.

2 KORINTO 1:22

Akutönecha machey nyo poru lö, kïchicha pikachi akutö Mïkulögh nyo Tïlil mïkulöwecha kelïkuna pikachi nyoman.

1 YOANA 4:19

Kïtïngöcha chomnyogh ompöwölo Tororöt nyo kinya kïchamecha.

EPESO 1:13

Kighakwa Tororöt alïkuna pikachi akwa chona kyalïm ngölyonto man, nyoni kï Lökoy cho Karamach cho kipkokwa sörunötengwo akyaghanakwa Kristo, akïpelchokwa Tororöt machey nyoni. Kï Mïkulögh nyo Tïlil nyo kikikuyomisï pikachi.

IGHISYEWUT 2:33

Ompöwölo kiketöror nyinte aketö kïtöpö okumpö tagh nyo pö Tororöt, akïtach ompö kwanta ayomis nyo pö Mïkulögh nyo Tïlil. Kunka nyete kökonï nyu kïyete osïwïyekwa ye alïmöy.

AYUPU 27:8

Ompöwölo tïng kikönöt ne chi nyo mewöghöy Tororöt, ato mut Tororöt söpontanyi nyinte lö tïch?

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

TUMWÖY 119:116

Tighante kïrïp kegh nko kiyomisötenyu atosöpön, mekany osïkön arasï ompö kikönötenyan!

IGHISYEWUT 2:17

‘Mwoghöy Tororöt ompö osiswo söröm lö, Otöninan pich löwïr Mïkulöwunyu. Ngorsïyi werkökwa nko tipikwa sïwïyi chumwakökwa kiporut rwotïtöy poyikwa tïkwïn.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

1 KORINTO 8:3

Wölo ato cham nyinte Tororöt, kunkït Tororöt nyinte.

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

2 KORINTO 3:18

Kïlenyona nyu, kiportocha löwïr cho tomöcha keyenö tokochwecho ororyo Echotyon le ato kïsïwïyegho kiyo, wöghökecha nyu ororyononi ngwïno wölo mi Echotyon (Nyoni kï Mïkulögh) kekara kegh nko nyinte lasiny, ompö ororyö nyo wow tya.

IGHISYEWUT 10:45

Kïtangany pipö Yaudi cho kikughan cho kipkono Yopa nko Petro otini kisïwa lö ketö Tororöt pipö punton tïkwïl Mïkulögh nyo Tïlil.

RUMI 1:7

Kakirwekwa nyu löwïr cho omitö Rumi cho chömok Tororöt akikïkurokwa alïkuna pikachi kegh: Nya kïkonokwa Tororöt Paponyo nko Echotyon Yeso Kristo pöropchö nko kalya.

RUMI 9:33

kogh nyo ngölono Kikirut lö, “Asïwa ya lö, otöninan Sayon* kögh nyo kwötöy pich, ghat nyo ighöy pich kupïtyö. Wölo mösïkönye arasï anka tïkwïl nyo ghönöy nyinte.”

1 TESALONIKE 4:8

Kïlenyona nyu, chi anka tïkwïl nyo sösöy kinetutchoni, kïmelö katagh chi, wölo katagh Tororöt nyo konokwa Mïkulöwunyi nyo Tïlil.