RUMI 5:15 - PIPÏLIA

¹⁵ Wölo melö karkegh laras ompöwölo memukonye kekongityö ropöwonto Tororöt nko ngoki Adam. Pö man kemwa lö, kimeghö pich cho chang ompö ngoki chi akonga. Wölo wow tya pöropcho Tororöt akï wow tïkwïl ropöwontenyi ompö pich cho chang ompö pöropcho chi akonga, Yeso Kristo.

RUMI 5:15 Referans Kwoze

RUMI 6:23

Ompöwölo mïsyara ngokï kï meghat, wölo ropöwonto Tororöt kï söpon pö kokay, ompö Kristo Yeso Echotyontenyo.

EPESO 2:8

Ompöwölo kikesörwokwa ompö pöropcho Tororöt ompö ara kighanat. Melö ompö ara ighisyewutkökwa, wölo ropöwonto Tororöt,

RUMI 5:12

Kipka ngokï ngwïny kuwerï chi akonga, akï ngoki chichoni cho kipï meghat. Kïlenyona nyu, ompöwölo kigh pich ngokï, kuchumchï meghat pich lapay.

1 YOANA 5:11

Anyï nyu söwintöne: kakonecha Tororöt söpon pö kokay akungwïno söpononi Werïnyi.

2 KORINTO 9:15

Keyokyinö nyu Tororöt sörö ompö ropöwontenyi nyo mötïngnye söröm!

ISAYA 53:11

Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

EPRANIA 2:9

Wölo kïsïwïyecha Yeso nyo kikigh kwapta kite osis cho ngörï kïtïl malayken kelokyini ororyö nko konyït ompöwölo kiwongunö meghat atökumï ompö pöropcho Tororöt kïmegha chi anka tïkwïl.

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

DANIEL 12:2

Akututu pich atoni cho kiruyö, petöy walaka söpon nyo pö kokay, kïnyorï walaka arasï nyo pö kokay.

IGHISYEWUT 15:11

Ewo! Kighönecha lö, kakesörwecha ompö pöropcho Echotyon Yeso le wölo kakesöruntö chane.”

2 KORINTO 5:14

Ompöwölo pöywecha chomnyo Kristo otï le ye kakenkïtucha lö kimegha chi akong pich löwïr, poru nyu nyoni lö kakupar pich tïkwïl meghenyi.