RUMI 4:6 - PIPÏLIA

⁶ Nka nyoni ngölyontonay kimwa Daudi ato kingalana ngörekyo chi nyo yityini Tororöt man amelö ompö ighisyewut lö,

RUMI 4:6 Referans Kwoze

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

EPESO 1:3

Nya kïsala Tororöt Papoto Echotyontenyo Yeso Kristo! Nyo kisoyönech kenyorunö kisoyönöt anka tïkwïl nyo pö mïkulögh ompö möngot nyo mi yïm kuweri.

KALATIA 3:14

Kigh Kristo lenyoni atömanyïl ketö pipö punton kisoyönöto Tororöt nyo kiyomisyï nyinte Apraam ompö ara Kristo Yeso atömanyïl ketakacha Mïkulöwunoni kiyomisï Tororöt ompö ara kighanat.

RUMI 4:11

Kikïmut nyinte ato le löt, akïlïkwï mutatenyi machey nyo poru lö kikïtach Tororöt nyinte akuyityï man ompö kighanatenyi nyo kitïng kïtomö kïwö tum. Kïlenyona kilïkwï nyu Apraam papoto pich löwïr cho ghönöy Tororöt, kïrkegh möpetöy tum.

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

TUMWÖY 112:1

Asala ECHOTYON! Soyönote chi nyo konyïtöy ECHOTYON, kïngörokyini kirurutkachi lasiny.

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

KALATIA 4:15

Kyochikwa ngörechote kuchumï ne ye nyu? Ompöwölo osöwintönwokwa lö, tökile nyo kimuko, kitö oködötunekwa konyikwa, akonanïn.

RUMI 4:24

wölo ngölono parakuncha tïkwïl, acha cho kikeyitwech man, ompöwölo kighönecha Tororöt nyo kingetunö Echotyontenyo Yeso ngwen.

RUMI 4:9

Pöyitu so ngörekyononi kingalana Daudi pich cho kipa tum opïn? Ewo, pöyitu nko cho tomöcha kïpa tum tïkwïl? Ompöwölo kikemwaghacha ataye lö lentöy kirurut, “Kighan Apraam Tororöt, akwompö kighanatenyi nyoni kuyityï Tororöt nyinte man ompö tawunyi.”

RUMI 3:27

Kïlenyona, kïgh ne nyo kimukecha kekwolone kegh nya? Puryö kïgh nyonikïny! Ekwompö ne köny? Ompöwölo so kakïrïpacha kirurut? Ewo, wölo ompöwölo kakighacha Yeso Kristo.

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

YEREMIA 22:6

“Omwoghan paraku kö pö paytaghpa pöytoghinto Yuda lö, Kïrkegh kechï pïchigh le koro Kiliad anta le kutïng pö Lepanon parak, wölo nyo pö nyoman oghinyi lïkuna surkwen, ailïkwï kanasyan nyo le kïratyan.

KINONO KIRURUT 33:29

Ochikwa ngörechote kïtya nya pipö Israel! Möminye chi nyo karkegh nko akwa, pich cho kisörï ECHOTYON, longenkwa nyinte nyo ghetokwa akï chokenkwa nyo konokwa rïntagh. Pkonchinokwa pungkökwa akïsaghsaghakwa lö, osyonchech, wölo otyökekwa chane.”

MATAYO 25:19

“Kikany kuwer osiswö cho chang, kïmïla echotyontonay akutor kuyitisyö nko chane.

RUMI 4:5

Wölo chi nyo twoytoy kegh kighanatenyi amelö ighisyewutkachi akughan Tororöt nyo löstoghchini mwokïyis, kï konyïtöy Tororöt kighanatenyi akuyityï man ompö tawunyi.

RUMI 4:7

“Soyönote pich cho kikelöstoghchï lelutkökwa akepuktö ngokikwa!

YAKOPO 2:18

Wölo muköy chitö anka kïmwa lö, “Itïngetenyi kighanat, otïngetan ighisyewut,” Oyokchinan chi nyo mwoghöy lenyoni lö, “Porwante kighanatengu nyoni puryö ighisyewut, atoporun kighanatenyan ompö ighisyewutköchan.”