RUMI 4:19 - PIPÏLIA

¹⁹ Kikikïyosit nyinte atoni akikwit könyiswechi 100. Wölo mötomtomönnye kighanatenyi kïrkegh kinkït lö kikarkegh portanyi nko por nyo kimeyta akwanyï atoni tïkwïl ki sonö korkenyi Sara.

RUMI 4:19 Referans Kwoze

TOWUNÖT 17:17

Atolapay kupïtyï Apraam ngwïny ompö konyït akïror ompö mïkulöwunyi otini kinonöy lö, “Akumuko nyoman lö yiyöy chi monïng nyo pö könyis pokol? Akumuköy Sara nyo tïng könyis 90 ntökïyï?”

MATAYO 14:31

Kughïtö Yeso ewunyi lenyini lawel akïnam nyinte, atolapay kïlenchï, “Wechï mïnïng kighanatengu! Kölö ne tetomtomönönyi?”

MATAYO 8:26

Kïlenchï Yeso, “Ompö ne towöghisyenökwa? Akwa pïchï mïnïng kighanatenkwa!” Atolapay kïnget akuteghchï chepkiririnay nko mirtino pögh kïsisyö, kïsï nanamay lasay.

MATAYO 6:30

Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

RUMI 14:21

Mömïchininye kyam peny anta kegha dipay* anta kigh kïgh anka tïkwïl nyo ighöy tupchengu kupït.

MATAYO 14:29

Kïlenchï Yeso, “Nyonö!” Kïröyteghö Petro meli akïweghö pögh parak kïwö wölini mi Yeso.