RUMI 3:21 - PIPÏLIA

²¹ Wölo kakengongwï ye or nyo yityinegho pich Tororöt man akï nyo mönömönye kegh nko rïpata kirurut. Söwintönchini Kirurut pö Musa nko werkoy aranoni.

RUMI 3:21 Referans Kwoze

IGHISYEWUT 10:43

Kïngalana werkoy tïkwïl nyinte, kïmwa lö chi kïtïkon nyo ghönöy nyinte, kelöstoghchini ngokichi ompö kaynenyi.”

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 51:8

Ompöwölo omöy chane rirïm le sïra! Wölo töpo ghetunötenyan kokay, amöminye söröm nyo pö sörunötenyan.”

KALATIA 3:8

Kinya Kikirut kïngor lö ighöy Tororöt pipö punton kutenöy nko nyinte ompö kighanat. Nka nyoni kinya Kikirut kïmwochï Apraam Lökoy cho Karamach lö, “Soyönöy Tororöt punton löwïr ompö nyi.”

RUMI 5:19

Ompöwölo kïle wölini kikigh pich cho chang kïlïkwï mwokïyis ompö tighintöno chi akonga, kïlenyoni tïkwïl, yityini Tororöt pich cho chang man ato terchï chichoni pö man le akonga, Yeso Kristo.

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

RUMI 1:2

Kiyomisï nyinte könyisyok kuwerï werkoykachi, kïle ato kirate ompö Kikirut cho Tïlilöch.

IGHISYEWUT 15:11

Ewo! Kighönecha lö, kakesörwecha ompö pöropcho Echotyon Yeso le wölo kakesöruntö chane.”

ISAYA 46:13

Opunan asispa sörunötenkwa kïlekïtit, melö tökïlow. Melö pöghönöy nyo kogh sörunötenyan. Osörunan Sayon* akwompö Israel nyo le ororyenyan.”

LUKA 24:44

Atolapay kïlenchï, “Ngalechan chete chanya kyomwowokwa atanya kitomitan nko akwa. Kyamwaghan lö, itïtoy nyo mötïny, tïkwïn löwïr cho kikikir ompö parakunyan ompö Kikirut pö Musa nko cho pö werkoy nko kitapu Tumwöy.”

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

1 PETRO 1:10

Kisem werkoy akïkït ngala sörunötononi, akïngor paraku ropöwonto pöropcho kikikïtat Tororöt kïkonokwa.

KALATIA 5:5

Kikönecha cho le acha lö, ighecha Tororöt ketene nko nyinte ompö owesyo Mïkulögh nka nyete kikönisïyecha ompö ara kighanat.

RUMI 16:26

wölo kikengongwï ye kuwerï Kikirut pö werkoy. Akwompö kuti Tororöt nyo satate kokay, keporchï pipö punton löwïr ngalechoni pö man atökumï chane tïkwïl kughan nyinte akïrïp ngalechi.

IGHISYEWUT 26:22

Wölo kingarakanïn Tororöt tökwanyï omitan ye oghyongo yi tosöwintönchï pich lapay, cho mïnkech nko cho echön. Ngalechoni omwoghan lö pkonöy kwighisyot, kïkarkegh nko chanye kingor werkoy nko Musa,

YOANA 1:45

Kïtuyö Pilipo nko Natanael akïlenchï, “Kakïtuyecha nko chichay kikir Musa ngalechi ompö kitapu Kirurut* akï nyinte nyaye kikir werkoy ngalechi. Yeso nyinte, nyaye le wero Yosep nyo möngöy Nasaret.”

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

TOWUNÖT 15:6

Kughan Apram ECHOTYON, kïngarak ECHOTYON ompö nyinte akuyit lö, chi pö man.

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

RUMI 9:30

Kïmwoghecha ne nyu nya? Könyorï pipö punton or nyo kiyityini man, ompö ara kighanat kïrkegh kimöyongöcha.

RUMI 5:21

Kïlenyona nyu, kïle wölini kipayta ngokï ompö ara meghat, kïpöytoy tïkwïl pöropcho Tororöt ompö ara man atökuntöghoghwecha pöropchononi kelïtö wölo mi söpon pö kokay ompö Yeso Kristo Echotyontenyo.

IGHISYEWUT 28:23

Kïkany kïchomnyechï asistangwa, kïpka pich cho chang wölini kimöngöy Paulö. Kïngalan nko chane ngala Pöyunöto Tororöt ompö tatat kïngeta otini kiyech ntökwimön. Akumukyï lasiny kupurchï chane lö tökïpköchï lö ki pö man ngalechoni kimwochini nyinte chane ompö paraku Yeso, otini kineto chane Kirurut pö Musa nko ngala werkoy.

RUMI 3:28

Kakïsïwecha ye nyu lö kiyityini chi man ompöwölo mi Tororöt ompö ara kighanat kïpoto amelö ompöwölo karïp nyinte kirurut.

2 KORINTO 3:9

Kïkany nyu ato kitïng ororyö ighisyo nyo kipï kirwok, kïrumu nyu lö tïng ororyö nyo wow tya ighisyo nyo konecha sörunöt!