RUMI 2:5 - PIPÏLIA

⁵ Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

RUMI 2:5 Referans Kwoze

RUMI 1:18

Kikengongwï nörekyo Tororöt ompö yïm ompö paraku ngokï nko ghöyityo pich, cho tïpöy man ompö ighisyewutkökwa cho ghach.

OMTOGHIN 12:14

Ompöwölo ipu Tororöt kirwok ighisyö anka tïkwïl nyo wïnyate, ato kö karam anta kö gha.

YUDA 1:6

Anan ya malayken cho kiyörchï kegh wowïn kïsir nyini le nyingwa, akïpïstö möngengwa nyo kö pö su. Kikïrata Tororöt chane sïrïmtin akureytö wölo tuw, akïkörchï chane wölini ntökïtenö kwitï Asisay wow kirwokini chane.

2 PETRO 3:7

Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.

EPRANIA 3:15

Mwoghöy Kikirut lö, “Ato alïmakwa kuti nyi asete, kïmakany kwoghïghitu mïkuliskökwo le wölo kigh papotïnekwa atanya.”

KINONO KIRURUT 32:34

“Wölo pïchighöch pipö ECHOTYON ompö nyinte, kïrorchï chane kaplwawachtanyi.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

EPRANIA 4:7

Kitat ngat Tororöt asis anka nyo kïlentöy “Asisete.” Kingalana asisoni kïmwagha kuti Daudi ato le lötï kï kikuwer könyiswö cho chang ompö Kikirutchay pö tagh lö, “Ato alïm kuti Tororöt asisete, kïmakany kwoghïghitu mïkuliskökwo.”

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

RUMI 9:22

Lata nyoni tïkwïl wölo kida Tororöt. Kimököy kuporu nörekyenyi atökenkïtï owesyenyi. Kïlenyona, kïmïkukönchï nyinte tya pich cho kikikïker nörekyenyi akï cho kimi psach.

TUMWÖY 110:5

Mi Echotyon ewungu nyo pö tagh, ngïröy nyinte pöytoghï ompö asisto nörekyenyi.

2 OTÖPTINO OSIS 30:8

Malïkwï ye nyu tighï le wölo kilata papotïnekwa wölo oterchï ECHOTYON, apkan konyi nyo tïlil nyo kikwigh kïtïlilit kokay, apöghisyechï ECHOTYON Tororötïngwo atömanyïl kuyoda kegh nörekyenyi nyï körom le nyï ompöwölo omitekwa.

1 SAMWEL 6:6

Ompö ne tökwoghïghitu mötöwekwa le cho pö pipö Misri nko Parao? Ntökïtenö kunyarnyar ECHOTYON chane, kïpïstö nyu pipö Israel kïpa.

NGONGUT 6:17

Ompöwölo kikwitïta asistanyi nyo wow nyo pö nörekyenyi, ngo nyu nyo köngöy kughyongtö?”

YAKOPO 5:3

Kikwam köpumpï koltinekwa nko ropïyenikwa. Lïku köpumpunoni asïyech söwintön nyo rwokinokwa akwam porwöyikwa le ma. Wechï kapasakwa sïkönön osiswechete pö söröm!

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

DANIEL 5:20

Wölo kikwol kegh akwaghïghit mïkulöwunyi, kenategha ompö pöyunötenyi akechenga ororye.

ESEKEL 3:7

Wölo melö terunyi pipö Israel ompöwölo melö chomöy kïterwanïn oghïghe mötöwöy chane akunowunot.

ISAYA 48:4

Kyonkïtön lö kyochikwa penyï, cho kiyomö kotwonï le karïn, akïkarkegh tokochwekwa nko taghoy.

NGÖTÏNYÖ 29:1

Nyinte nyo wow möt akikechil kïnyïl cho chang, kemïreghöy lawel amelö tökïsöröro.

NGÖTÏNYÖ 11:4

Melö nyiwu kïgh mökosyö ompö asispa kirwok, wölo söru man, chi ompö meghat.

TUMWÖY 95:8

“Makany kwoghïghitu mötöwekwo le cho pö papotïnekwo ompö Meripa, le wölo kilïkwï chane asisoni ompö surkwen pö Masa!

AYUPU 21:30

Kituköy mwokïyis ompö asispa nyarïl akesöru nyinte ompö asispa nörekyö!

2 OTÖPTINO OSIS 36:13

Kitighintönchï Sedekia pöytoghin Nepukadnesa nyo kikikwigh Sedekia kwam muma lö, oteköy ompö kaynata Tororöt. Kïna kat Sedekia, akwigh mïkulöwunyi kwaghïghit amachamnye kïwaghaka wölo mi ECHOTYON Tororöt pö Israel.

YOSWÖ 11:20

Ompöwölo ECHOTYON nyini kigh mötöwekwa kwoghïghitu tökïporyö nko pipö Israel atökepar chane kuwonyö lömïs amönyorïcha kisyonchin, lenyini kimwochï ECHOTYON Musa.

KINONO KIRURUT 2:30

“Wölo kïtaghenecha Sion pöytoghinto Espon keweracha korenyi, ompöwölo kigh ECHOTYON Tororötïncha mïkulöwunyi kwaghïghit. Akwigh nyinte kïlïkwï tighin, atökumï kutö nyinte morikwa le asisete.

WUWÖT 8:15

Wölo otini kisïwa Parao lö kimeghö mnyakaway, kwaghïghit mötïnyi amöterchïnye chane lenyini kimwa ECHOTYON. Rïmpö

AMOS 3:10

Lentöy ECHOTYON, “Melö nkït pïchï kwighöy kïgh nyo karam, kenyïghit karikwa tïku chorsyö nko pörsyö.”

WUWÖT 14:17

Oghan mötöwo pipö Misri kwoghïghitu atökïpa kïrïp chane, tonyorchan ororyö Parao nko pikachi löwïr nko nkaritine nko pikachi pö angoletin.

WUWÖT 32:34

Wïyö ye nyu, ntöghoghchinö pich kïpa walay komwowunyi, wetöy malaykayantenyan tawungu. Wölo otöninan chane sitöt ato lekït ompö ngokikwa.”

NGÖTÏNYÖ 1:18

Syepisiyi akuwany nyo loko kegh opïn ighöy ngöghöp.

NGÖTÏNYÖ 28:14

Soyönote chi nyo wöghöy ECHOTYON kïtenö osis, wölo chïnchini nyarïl nyinte nyo oghïghitöy mïkulöwunyi.

YEREMIA 40:3

akunka nyete ye kepunto ngölyontenyi. Keghisyö choni akwompö ngokï cho kyaghakwa ompö tawu ECHOTYON ompöwölo melö kyaghakwa lenyini kimwowekwa nyinte.

ESEKEL 11:19

Otöninan chane mïkulögh akonga atönan mïkulögh nyo rel. Achengan mïkulögh nyo aghïgh ompö chane atolapay otönön mïkulögh nyo tapïlïl.

OSEA 13:12

Kirote ngoki Epraim akïrorote ngokichi.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

2 TESALONIKE 1:5

Poru ngalechoni lö, pö man kirwoko Tororöt nyo ighokwa nyinte alïkuna pich cho mïchini Pöyunötenyi nyoni omitekwa owonguno.

NGONGUT 2:21

Kyotönön nyinte pöroyïn nyo löstegho ngokichi, wölo katagh nyinte kïpïstö otöptanyi nyo pö cheporesnan.