RUMI 12:8 - PIPÏLIA

⁸ Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

RUMI 12:8 Referans Kwoze

2 KORINTO 9:7

Akanya nyu kutötö chi anka tïkwïl kïrïp kegh nko machatenyi melö ompö chopat anta ompö kichikyin, ompöwölo chömöy Tororöt chi nyo tötoy kïgh ompö ngörekyö.

1 TIMOTEO 5:17

Mïchini poy cho le kintöghoghi kanisa cho pöghisïyi nyo karam konyït ompö konyït nyo wow, kïmïr tya cho noghyot ompö amtagh akunetisïyi.

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

EPRANIA 13:17

Oterchinö kintöghoghikwa arïp kiyomisutkökwa. Ripokwa chane kïnomnyö akï chane cho porchini asïyech Tororöt wölo kida chane ighisyengwa. Ighöy chane ighisyengwa ompö kwïskwïsyö ato oterchikwa chane anta mölenye nyoni kwigho nyarïl akï möminye kinyiwutyö nyo osïkonekwa ngalechoni.

IGHISYEWUT 15:32

Kïngölonchï Yudas nko Sila cho kile werkoy, kighönichay kukilöy akuchïchimöy chane.

IGHISYEWUT 13:15

Kïkany kewany kisomön Kirurut pö Musa nko kikirut pö werkoy, kuyoktö wowïntino kö pö saghat pich kïpa wölo mi chane kïlenchï, “Tupchenicho, ato otïng ngölyon anka tïkwïl nyo muköy kukilöy pich amwagh.”

EPRANIA 13:24

Otokweswecha kintöghoghikwa lapay nko pipö Tororöt kïmïkul. Ketakwesakwa tupchenicho cho pkono Talyan.

EPRANIA 13:22

Osomokwa ye nyu, tupchenichu lö atere lasiny ngalechï ipu kikilöto kegh, ompöwölo makiranye palalyan nyo kogh tya.

EPRANIA 13:7

Anan kintöghoghikwa cho kipö tagh cho kyomwokwa ngölyonto Tororöt. Anane wölo kitöptoy chane, atarïpa kighanatengwa.

EPRANIA 10:25

Amökepïstö otöptönyo nyo pö nyoryogh kïle wölo kipïstö pikö walaka. Nyo kötölïku nyona, kekil kegh lasiny, ompöwölo karich kwitï asispa Echotyon.

2 KORINTO 8:12

Ompöwölo toköy Tororöt kïgh nyo mököy chi kutötoy amelö nyo mötïngnye.

1 KORINTO 14:3

Wölo chi nyo tïng ropöwonto amtaghata ngölyonto Tororöt, kïngölonöy nko pich tökïtek, akïsaghsagh, akukil chane.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 20:2

Kïwö kuwerata woptinechoni akukilotö piko wöloni ompö ngal cho chang. Atolapay kïwö koro Akaya,

1 TIMOTEO 4:13

Inoghyö nyoman isomönchï aiyomchï ainet pich Kikirut ntökïtenö atwan.

1 TESALONIKE 2:8

Kïlenyona, ki wow chomnyencha ompö akwa nka nyoni kikïmitecha kïpsach kepara nko akwa, amelö Lökoy cho Karamach pö Tororöt opïn, wölo tökekonokwa söponwecha tïkwïl. Nka nyoni wölo kikïchamtecha akwa lasiny!

1 TESALONIKE 2:3

Atanye kikïmitecha kemwowokwa Lökoyechoni Karamach, kïmelö kikïpöghisyeghecha putintön anta sïmnyontön amelö kikimukyicha kelïs chi nyonikïny.

KOLOSAY 3:22

Akwa sekey pö pipö ngwïnyinï, oterchinö echotkökwo ompö ngal lapay amelö pat otini otopönekwa chane ompöwölo omökekwa oporchine kegh chane owöghekwa, wölo agha lenyoni ompö mïkulöwekwo kïmïkul, ompöwölo opöghisyechïnekwa Echotyon.

EPESO 6:5

Akwa sekey, ateka echotkökwo ompö kiwaghat nko potanat, apöghisyö ompö kitenata mïkulögh le ato kötopöghisyechinekwa Kristo.*

2 KORINTO 11:3

Wölo owöghan lö, le wölo kilïsta moroya Awa ompö ngöghomnyo putintönenyi, kumuköy kunyar kinonutkökwa ntopïstekwa kighanatengwo nyo pö man ompö Kristo.

2 KORINTO 9:13

Akwompöwölo rumunote kikïniniot nyo pö ighisyenkwa, kïchongitu nyu pich cho sölöy Tororöt ompö kighanatenkwa nyo otïngetekwa ompö Lökoyo Kristo cho Karamach nko tïkwïl ompö tïkwïn cho otöninekwa chane nko pikö walaka.

2 KORINTO 9:11

Ighokwa nyinte alïkuna sïkön ompö kïgh anka tïkwïl atamuka atasa tagh osïkö tïkwïn cho opögho pich kïnomnyö, atökumï chane kïsal Tororöt ompö ropöwekwa cho chang cho sïkenokwa chane.

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

RUMI 13:6

Nka nyoni kini ighokwa akwaghtena surï, ompöwölo pöghisyechini Tororöt kintöghoghichoni otini mi kwighöy ighisyengwa kuten.

RUMI 12:13

Angarak pipö Tororöt ompö möchutkökwa, atach to ompö kestonikwo.

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

ISAYA 64:5

Itokenyi pich cho ngöreksot otini ighöy tïkwïn cho pö man, chane cho nonöy wölo imöktonyi chane kïtïpisot. Kinarekanyi ompö acha, wölo kikiletacha tagh kegh ngokï, kïrkegh kinarekanyi lö ne, wölo kikïtasacha tagh kegh tïkwïn cho ghach. Kïngeta otini le awïyay.

ISAYA 32:8

Wölo ighöy chi nyo le pöropchon ngala pöropchö akughyongo lasiny ngalechoni.

ISAYA 32:5

Möminye chi asisoni nyo konyïtöy chi nyo le sölwö anta mwa lö tenate pkatyan.

OMTOGHIN 11:6

Iletonyi kösïgheku ato le tökwoghö nko otini kemön tïkwïl, ompöwölo menkïtönyinye lö ekï chono cho pitöy nyo karam, chï anta chinö anta pitöy choni kwodeny nyo karam.

OMTOGHIN 9:10

Ato nyorï ewungu kïgh anka tïkwïl nyo ighöy, igh ompö owesyengu kïmïkul, ompöwölo möminye ighisyö anta kinanat anta chïreryö anta ngöghomnyo ngwen wölini iwetenyi.

NGÖTÏNYÖ 22:9

Kisoyönöy chi nyo karam mu, ompöwölo moröy omisyenyi nko mey.

TUMWÖY 112:9

Korkoröy ewunyi kïpögho tïkuchi mey, töpo mantanyi lenyoni kokay, kïsyolo owesyenyi konyït kokay.

TUMWÖY 37:21

Pösönöy mwokïyis tïpö pich amöghokucha, wölo pögho chi pö man tïkuchi pich.

KINONO KIRURUT 16:11

Ngörökyinö nyu ECHOTYON Tororötïngu, nyi nko moneku nko mötworiku löwïr nko pipö Lawi nko ton nko panan nko mïsïk cho mi kanastineku. Igh lenyoni ompö wolini kakïl ECHOTYON kesagha nyinte.

KINONO KIRURUT 15:14

Otöninekwa nyinte ompö köromnyö: kechir nko pagh nko dipay,* kïrïp kegh nko wölini kesoyöntokwa ECHOTYON Tororötïnkwa.

TOWUNÖT 18:19

Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”

IGHISYEWUT 13:12

Atolapay kughan pöytoghintonay otini kisïwa kïyoni kïgha, akïtöngönchï kinetut pö Echotyon.

IGHISYEWUT 4:36

Kïnget Yosep nyo kikurö kiyoktoghï Parnapa (nyo ato kïwaghach kï, “Chi nyo kilöy pich”), ki chi pö Lawi nyinte, nyo kingwïna Kupro.

IGHISYEWUT 11:23

Nyini kitïta akïsïwa wölo kisoyöntö Tororöt piko wöloni, kïngarak akukil chane lapay kïrïp Echotyon ompö mïkulöwekwa kïmïkul.

1 TIMOTEO 6:18

Mwochinö chane kwigh nyo karam akïlïkwï monkor ompö pöghisyewut cho karamach. Mwochinö tïkwïl kukörkoröy morïn kïcham kutötö tïkukwa akupar nko piko walaka.