RUMI 12:7 - PIPÏLIA

⁷ Kïkany ato kö kepöghisyechï kighönï, kïpöghisyö kuten, anta kö kinetat, kunetisyö lasiny.

RUMI 12:7 Referans Kwoze

EPESO 4:11

Akï nyinte nyo kitö pich ropöw. Kigh nyinte pikö walaka kïlïkwï kiyoktoghï, kwigh walaka kïlïkwï werkoy, kwigh walaka kïlïkwï omtoghï, kwigh walaka kïlïkwï mösöw nko konetï.

2 TIMOTEO 4:2

amtena ngölyonto Tororöt, amekïch iamta (ato kö ompö pöroyïn nyo kömïchini anta kömelö kömïchini). Ichil aiteghchï pich mötosonchö, aikil chane otini inetisyenyi ompö mïkukönöt.

1 TIMOTEO 5:17

Mïchini poy cho le kintöghoghi kanisa cho pöghisïyi nyo karam konyït ompö konyït nyo wow, kïmïr tya cho noghyot ompö amtagh akunetisïyi.

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

2 TIMOTEO 2:24

Mömïchininye mötworinto Echotyon kïlïkwï chi nyo le syölin. Mïchini nyinte kuporï tölosyö ompö pich lapay, akïlïkwï konetin nyo karam nyo le mïkukönin.

2 TIMOTEO 2:2

Neta kinetut chanya kilïmanyi omtonan ompö tawu söwï cho chang, aionkoghchï pich cho ghonote atökumï tïkwïl kunet pikö walaka.

1 TIMOTEO 4:16

Irip kegh airip kinetatengu ailet tagh igh tïkuchoni. Ompöwölo ato ighanyi lenyoni, isörunenyi kegh nko pich cho lïmöy ngaleku.

1 TIMOTEO 3:2

Mömïchininye kïntöghoghinto kanisa kïsïch kaynat nyo gha nyonikïny. Mïchini kwip korka akonga kïpoto akï chi nyo ripöy kegh, chi nyo röröy ngal lasiny akï tïng konyït nko otöp nyo karam, chi nyo toköy to akï nyo muköy kunetisïyi,

1 TIMOTEO 2:7

Nka nyoni kigh Yeso kïkïlanïn alïkwan kiyoktoghin* nko omptoghin nyo pö pipö punton atomchï chane lökoyo kighanat nko man. Omwoghan ngala man, momïranye put.

KOLOSAY 4:17

Omwochï Arkipo kulïtit ighisyonay kitö Echotyon.

KALATIA 6:6

Nya kupar chi nyo kinetöy ngölyonto Tororöt tïkwïn löwïr cho karamach cho tïng nko konetintenyi.

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 20:20

onkïtökwa lö möminye ngölyon anka tïkwïl nyo kimuköy kungörokokwa nyo kyachïchukan momwowokwa, wölo kyanetakwa, ompö tawu pich nko ompö kestonikwo tïkwïl.

IGHISYEWUT 6:1

Akwompö osiswechoni ato kimi kïtösisyot kighönï, kïngwïrngwïronchï pipö Yaudi cho kingölonöy kuti pipö Krik pipö Yaudi walaka, ompöwölo kimayangnye kutö mïsïktinekwa tïkwïn cho kinyoru kinomnyö.

YOANA 3:2

Kungwïn chichoni wölo mi Yeso oghö akïlenchï, “Konetin, kinkïtöcha lö ichinyi chi nyo kiyonï Tororöt, ompöwölo möminye chi nyo muköy kwighöy kiporutchï ighenyi ato möminye Tororöt nko nyinte.”

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

ISAYA 21:8

Atolapay kutegh ripintonay lö, “We Echotyon, komitan oghyongo otini oripsegho pöghet nko nangat.”

OMTOGHIN 12:9

Akwompöwölo kingöghom Omtoghintononi, kulet tagh kunet pich chïreryö, kinet ngala kipimat nko kisomönöt akïtat ngala ngötïnyö ompö tïnganat lasiny.

TUMWÖY 51:13

Atanetan nyu mwokïyis orengu atökïmïlonchö wölo imitenyi.

TUMWÖY 34:11

Apkana monïngö ater ngalechan, atanetakwa wölo kïkonyïtïtoy ECHOTYON.

1 SAMWEL 12:23

Nya kïlowit ompö ani. Momukanye kokay ntoghchï ngokï ECHOTYON opïstan osoghwokwa. Wölo onetokwa or nyo karam nyo mïchini arïpakwa.

KINONO KIRURUT 33:10

Netöy chane pipö Israel kirurutköku, akunet monekwa ngaleku. Koninyi tïkwïn cho ngutoy cho onyïn, akïpelunyi amörostin ompö ato kïpelo amöros.

1 KORINTO 12:5

akïmi ortïna cho chang cho kïpöghisyegho, wölo nyo Echotyontonini le akonga kïpöghisyechini.

1 KORINTO 14:26

Anyï kïyoni omwoghan, werköcho. Otini karyamakwa asagh, tumö chitö anka, kunetisyö anka, kïmwowï anka ngongut nyo ngwïno wölo mi Tororöt, kïmwowï anka ngölyon ompö kut nyo sis, kïwöghökwï anka ngalechoni. Mïchini kegh kïgh nyo kilöy kanisa.