RUMI 12:13 - PIPÏLIA

¹³ Angarak pipö Tororöt ompö möchutkökwa, atach to ompö kestonikwo.

RUMI 12:13 Referans Kwoze

EPRANIA 13:16

Mowutyeghö oghchï pich nyo karam angarak kegh akwane, ompöwölo amörostin cho lata choni cho chömöy Tororöt.

2 KORINTO 9:12

Ompöwölo, melö ngöroköy ighisyenkwa nyoni karam pich cho kakughan Tororöt opïn, wölo ighöy pich cho chang tïkwïl kïsal Tororöt.

1 YOANA 3:17

Ato sïwa chi nyo le monkoryon werïngwa nyo chopöy kïgh, akïtagh kusyonchï, muköy nyu kïmwa lö ne lö ochömöy Tororöt?

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.

1 PETRO 4:9

Atach kegh akwane ompö kestonikwo amongwïrngwïronchö.

KALATIA 6:10

Kïlenyona nyu, mïchinecha keghchine chi anka tïkwïl nyo karam otete töketïngetenö pöroyïn tökïmïr tya werköcho cho ghönote.

EPRANIA 13:2

Mowutyeghö takata to ompöwölo, kigh pikö walaka lenyoni ntökïtach malayken, amenkïtcha.

1 TIMOTEO 3:2

Mömïchininye kïntöghoghinto kanisa kïsïch kaynat nyo gha nyonikïny. Mïchini kwip korka akonga kïpoto akï chi nyo ripöy kegh, chi nyo röröy ngal lasiny akï tïng konyït nko otöp nyo karam, chi nyo toköy to akï nyo muköy kunetisïyi,

1 TIMOTEO 5:10

akï nyo kikïlïmchini pöghisyewut cho karamach akï nyo kinam monechi nyo karam akïtach to ompö konyi akuwun kelyo pipö Tororöt akungarak cho kitïng kömpölelyö akukil kegh ompö pöghisyö nyo karam.

MATAYO 25:35

Kyochan sutate apaghanïkwa, kyamatanïn maral, okonanïkwa pögh, kyochan ton, atachanïkwa ompö kestonikwo,

PILEMON 1:7

Werïnyo, kökonanïn chomnyengu ngörekyö nyo wow akukilanïn nyoman, ompöwölo keghanyi mïkulis pö pipö Tororöt kïturonchö.

TITO 1:8

Wölo mïchini kïlïkwï chi nyo toköy to, akïchömöy kïgh anka tïkwïl nyo karam, mïchini kïlïkwï chi nyo pöytoy kinonutkachi, nyo pö man, nyo tïlil akï nyo pïröy kegh.

2 KORINTO 9:1

Möminye machata atasan akirwakwa ompö ighisyononi pö kingarakat oghchinekwa pipö Tororöt.

IGHISYEWUT 10:4

Kuwagh malaykayantanay kïtöngönchï akuyokyï lö, “Ne kitö nya Echotyon?” Kuyokwï malaykayantanay lö, “Kakïtach Tororöt sowutköku nko ighisyewutköku cho pö pöropchö, akakunaninyi.

IGHISYEWUT 4:35

kutö kiyoktoghichay atökechöghchï chi anka tïkwïl kïrïp kegh nko wölo tenö machatenyi.

1 KORINTO 16:15

Onkïtökwa, werïnyo Stepana nko piko konyi lö chane cho kipö tagh kughan ompö Akaya, akikïkonï kegh chane kïpöghisyechï pipö Tororöt. Osoghokwa ye nyu, werköcho, lö

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

TUMWÖY 41:1

Soyönote chi nyo syonchini mey, söru ECHOTYON chane osiswo kömpölelyö.

2 SAMWEL 17:29

nko kumat nko mwaghpa chö nko panya kechir, akutö Daudi nko pikachi tökwam, ompöwölo kilö, “Kikwoghochö pïchï akikwam kömöy nko maral ompö surkwen.”

2 PÖYTOGHÏ 4:10

Kaykay keteka kö nyo mïnïng paraku konyo aketö pöröy nko mesa nko ngachar nko kitömöwon nyo ato ngwïn nyinte kïrutowech kïmi wölo töpo.”

NGÖTÏNYÖ 31:20

Ngongchini nyinte morichi mey akïpöghöy pich cho le chopot.

TITO 3:14

Mïchini kunet kegh piköcho löwïr kwigh pöghisyewut cho karamach, tökïpöghisyeghö kungaraka pich cho tïng möchut ompö lawel. Merokonye kïtïpï chane otöp nyo puryö kinyiwut.

3 YOANA 1:5

Ichinyi chi nyo ghanate nyoman kongenyu, ompö pöghisyö nyo ighchinenyi pipö Kristo,* kïpïr tya to.