RUMI 11:22 - PIPÏLIA

²² Arose nyu köromnyo Tororöt nko ngwonïntanyi. Ngwan ompö pich cho kikupïtyö, wölo karam ompö akwa ato oletekwa tagh otïpisot ompö köromnyenyi, wölo ato mölenye nyoni, ketörtonokwa tïkwïl.

RUMI 11:22 Referans Kwoze

EPRANIA 3:14

Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

1 KORINTO 15:2

akesörunenokwa choni ato ananakwa lasiny ngalechanye kyomwokwa, ato melö kwïle kighanatenkwa.

YOANA 15:2

Töröy akïwirta morïn anka tïkwïl nyo mi orinyan nyo meyinunye akwa akïpïtyï morïn anka tïkwïl nyo karam tökuyin akwa cho chang.

NGONGUT 2:5

Nana nyu wölini kipïtïtenyi! Kötenö ngokiku aigh ighisyewut chini kighenyi tagh. Wölo ato mekötenyinye ngokiku, otunan wölo iminyi, anateghan kelto tayengu ompö otanyi.

KALATIA 6:9

Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

EPRANIA 10:23

Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.

IGHISYEWUT 14:22

Kuchïchim kighönï cho kökikughan Yeso kughyö lasiny, akukil chane kïnam kighanatengwa. Kunet chane lö, “Weröy pich lapay cho ghönöy Yeso nyörilwok cho chang otete tökïsöpchot atökumï nyu kïlïtöy Pöyunöto Tororöt ompö osis cho pkonöy.”

YOANA 8:31

Kïlenyona kïlenchï Yeso pïchay pö Yaudi kighan nyinte, “Ato arïpakwa kinetutköchan, kïkalïkukwa kinetankachan nyoman,

1 TESALONIKE 3:8

Ompöwölo kichicha sötote ye ato achïchïmakwa lasiny ompö Echotyon.

IGHISYEWUT 11:23

Nyini kitïta akïsïwa wölo kisoyöntö Tororöt piko wöloni, kïngarak akukil chane lapay kïrïp Echotyon ompö mïkulöwekwa kïmïkul.

LUKA 8:15

Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

1 TESALONIKE 3:5

Nka nyoni kini kighanïn oyonï Timoteo. Kimomukanye omïkukönöy ngat nka nyoni kyoyokwan nyinte kungwïn kuros wölo kitöptö kighanatenkwa atömötöp ana ntökïtyamakwa työmin akwigh ighisyencha nyo kikïsïnga kïlïkwï kwïle!

ESEKEL 18:24

“Ato pïstö chi pö man mantanyi akwigh ngokï nko sïmnyonton cho ighöy mwokïyon kïmeghöy nyo mötïny, möminye ighisyewutkachi cho pö man cho kinonöy. Meghöy ompö ngokichi nko ghöyïntanyi nyo kigh.

ESEKEL 3:20

“Napo, ato pïstö chi pö man mantanyi akwigh ngokï, atönön mïsïk tawunyi, meghöy nyinte. Meghöy lenyoni ompöwölo meteghchinyinye akwompö ngokichi, amökeyitönye ighisyewutkachi löwïr cho karamach cho kigh. Wölo oghokeninyi kisönkachi.

1 YOANA 2:19

Kipïstecha pïchoni kïpechï kegh wölo kimelö ki pich cho kimi akonga nko acha. Nyo ntö kimi nko acha, kiteletöy, kïtïpisot nko acha. Wölo kipïstecha chane atökïrumtö nyoman lö kimöminye nyo le ompö akonga nyo kile nyincha.

TUMWÖY 31:19

Wow tya köromnyengu ompö chane cho konyïtinyi nko chane cho ghïponinyi! Kïsöwintönchini pich löwïr.

RUMI 11:21

Ompöwölo ato kimesyonchïnye Tororöt pipö Yaudi cho karkegh nko morichoni pö ket, ilentenyi syonchininyi kïtya?