RUMI 10:19 - PIPÏLIA

¹⁹ Otepan ngat lö, kimöpköchïnye so pipö Israel? Nyinte Musa nyo kinya kïwöghökwï lö, “Opöghisyeghonan pipö punton cho melö kö kiyitöy lö pich tökwigh piköchan kwam nyonyintön. Akwompö pich cho le sölwöy Oghokwa onörekyenö.”

RUMI 10:19 Referans Kwoze

KINONO KIRURUT 32:21

Keghanïn chane alïkwï söstoghin ompö saghata kïgh nyo melö tororöt, keghanïn chane anarek ompö körkeyïntinekwa. Kïlenyona oghan chane kïlïkwï söstoghï ompö pich cho melö piköchan, oghan chane kïsasta punton cho le sölwöy.

RUMI 11:11

Otepan nyu lö, otini kichityö pipö Yaudi, kipïtyö akupotyö kokayï? Ewo! Wölo kinyorï pipö punton sörunöt ompö lelutyengwa atökwam pipö Yaudi nyonyintön ompö chane.

RUMI 11:14

Töptoy ighöy nyoni piköchan, pipö Yaudi, kwam nyonyintön ompö akwa, atamanyïl osörï walaka ompö chane.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

1 PETRO 2:10

Kimi ato kimochikwanye pich, wölo kalïkukwa ye pipö Tororöt, akimi ato kimonkïtökwanye lö ne kisyonöto Tororöt, wölo katakakwa ye kisyonötenyi.

1 KORINTO 1:12

Kïyoni omwoghan kï nyï lentöy chi anka ompö akwa, “Opoyan Paulö,” kïlö anka, “Opo Apolo,” kïlö anka, “Opo Petro,” kïlö anka, “Opoyan Kristo.”

1 KORINTO 15:50

Omökan omwoghöy lö, tupchenichu: memukönye kïgh nyo kikigha por nko kisön ntökïmïl Pöyunöto Tororöt akïmemukönye kïgh nyo wïröy ntökïsïch otöp nyo möwïrönye.

1 KORINTO 12:2

onkïtökwa lö atanye kitomönye kesörwokwa, kikichutokwa opotyenö asaghata körkeyïntin cho le kwïle.

1 KORINTO 11:22

Motïngetekwanye so kestonikwo wölo omisyegho agheghsyegho? Anta kasasakwa kanisa Tororöt, atö arasï pich cho le mey? Omwowokwa ne nyu nya? Asalakwa ompö ngölyontononi? Ewo, melö ompö nyoni!

1 KORINTO 10:19

Omökan omwoghöy ne nya? Kamwaghan so lö osöröpu körkeyïntin? Anta omisyö nyo kïropchini chane?

1 KORINTO 7:29

Anyï kïgh nyo omökan omwoghöy werköcho: köngötï osiswö cho ngörï, nyo mïchini kïtïpï pich cho kakïkensyö kïngeta ye le cho tomöcha kïkensyö,

RUMI 10:18

Wölo nya tepan lö, kitomöcha so kïlïm chane ngölyontononi? Kikïlïm lö chïs! Ompöwölo mwoghöy Kikirut lö, “Kighömï kutïwekwa koros lapay akwitïta ngalekwa söremwok pö ngwïny.”

RUMI 3:26

Wölo ye, ompö osiswechete, rwokini Tororöt ngoki ptangengmöt atokïrumï lö pö man nyinte akuyityini man chi anka tïkwïl nyo ghönöy Yeso.

OSEA 2:23

Oghan pikachu kïmang korononi, akïtösisyö. Osyonchinan chane cho “Melö kisyonchini,” aghan chichan cho kikiyitöy lö, “Melö piköchan.” Yoku nyu chane kïlentöy, “Ichinyi Tororötïncha.”

YEREMIA 10:14

Sölwö ptangengmöt akï kwöngön, nömöy arasï pïchay ighöy körkeyïntin, ompöwölo pö putintön tororötinechï le körkeyïntin amötïngcha söpon.

YEREMIA 10:8

Sölwöy akïtïsyote löwïr, mi so kïgh nyo muköy kunet chi körkeyïntinechay kikipata ket?