RUMI 1:14 - PIPÏLIA

¹⁴ Ompöwölo otïngetan ghosyö omchï punton löwïr cho kikulet nko cho tomöcha, cho ngöghomöch nko cho le sölwöy.

RUMI 1:14 Referans Kwoze

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

IGHISYEWUT 22:21

Kïlenchanïn Echotyon, ‘Wïyö, ompöwölo oyontoninyi wete koro punton wölo low.’ ”

RUMI 12:16

Ayanga pich lapay ompö or nyo körökegh. Mop kegh yïm, wölo achama agha ighisyewut cho sösöy pich. Moyit kegh lö kïchï ngöghomöch.

2 KORINTO 11:19

Ochikwa akwane ngöghomöch nka nyoni omitekwa omïkukönchini sölwöy ompö ngörekyö!

RUMI 16:19

Kikïlïm pich lö kyotötekwa kegh arïp lenyini mwoghöy Lökoy cho Karamach akunka nyoni kïgh nyo keghanïn angarak ompö akwa. Omökwokwa olïkuna pich cho ngöghomöch ompö ngal cho karamach, alïkwï cho puryö lelut ompö ngal cho ghach.

RUMI 13:8

Makany kïghakak chi nyonikïny, kïpoto ghosyo chomnyogh, ompöwölo anka tïkwïl nyo chömöy pöröryenyi, kï kepuntö kirurut.

RUMI 8:12

Kïlenyona nyu tupchenichu, kïtïngetecha ghoksyö, wölo melö kemöngisyö le wölo möktoy otöptöncha nyo pö ptangengmöt.

RUMI 1:22

Lenchini kegh kïchï ngöghomöch, akwanyï sölwöy.

ISAYA 35:8

Akïrumuno atoni or nyo wow, or nyo kïkuro, “Ara Tïlilyö.” Mewerönye chi nyo le sïmnyon aranoni, amepotyeghocha sölwöy aranoni.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

2 TIMOTEO 2:10

Nka nyoni ye omitan omïkukönöy ompö ngwonïn anka tïkwïl ompö kinyiwutyo pipö Tororöt cho kikïlöwön, atökumï chane tïkwïl kïnyorï sörunöt ompö Kristo Yeso nyo ipu ororyö nyo pö kokay.

2 KORINTO 10:12

Melö kimukyinecha keghöy kegh anta kikongityö kegh nko pich cho syolöy kegh. Pich cho ighöy kipimöwontengwa akukongityö kegh chane nko chane kegh, mötïngcha chane sïkunöt!

1 KORINTO 14:16

Ato isalenyi mïkulöwu Tororöt kïpoto, kumuköy nyu lö ne chitö anka nyo mi tuyononi kughönöy saghatengu nyo pö kisoyönöt lö, “Amen,”* ato melö kenkïtï nyinte kïyoni kemwaghanyi?

1 KORINTO 14:11

Wölo ato möpköchinanïnye ngala cho ngölonöy chitö anka kïlïku chichoni chi anka ompö ani alïkwan tïkwïl chi anka ompö nyinte.

1 KORINTO 3:18

Malïs kegh akwane! Ato nonöy chi anka tïkwïl ompö kwenunkwa lö ochï ngöghom ompö ngwïnyinï akany kïlïkwï nyinte sölwö atökïsïch ngöghomnyo man.

1 KORINTO 2:13

Kïlenyona, melö kinetecha ngal cho kikinetecha ompö ngöghomnyo ptangengmöt, wölo ngal cho kinetecha Mïkulögh, otini kïmitecha kenetöy ngala man cho pö mïkulögh ompö pich cho tïng Mïkulöwu Tororöt.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

IGHISYEWUT 28:4

Kïsïwa pïchay pö koronay kïyïsö moroyonay ewu Paulö, kïmwochï kegh lö, “Kipörisyö chichï nyoman, wölo kïrkegh kachïwïta nanam, wölo möpïsininye manpa Tororöt kïsöp.”

IGHISYEWUT 28:2

Kïnamenecha piko korononi kongot nyoman. Kinoghwecha ma, akïtakecha lapay. Ompöwölo kökikutor kïropan akïkaghïtit.

LUKA 10:21

Ompö atoni kïturön Yeso ompö Mïkulögh nyo Tïlil akïlö, osölinyi, “Echotyonto yïm nko ngwïny, ompöwölo keporchinyi sölwöy tïkwïn cho kewïngenyi pich cho lechini kegh kïchï ngöghomöch anta kïchï chïreröch. Wölo kengongchinyi cho mïnïngitöy kegh le tengon. Nyoman Papo, lenyoni wölini kitatïtenyi ompö pöropchengu.”

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

NGÖTÏNYÖ 8:5

Akwa sölwöyichï, aneta kegh chïreryö. Akwa cho tomö onkïtï kïgh, atera lasiny.

NGÖTÏNYÖ 1:22

Ochömekwa sölwontön nko oyï nya sölwöyichï? Chömo kegh sösï sasengwa nko oyï, akïtöghöy sölwöy ngöghomnyö tökïtenö oyï?