PILIPI 3:21 - PIPÏLIA

²¹ nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.

PILIPI 3:21 Referans Kwoze

KOLOSAY 3:4

Akwotini kechumï Kristo nyini le söpontönkwa nyo pö nyoman ochumunekwa tïkwïl nko nyinte ompö ororyö.

1 YOANA 3:2

Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.

RUMI 8:29

Ompöwölo pich cho kinya Tororöt kïkïl kïngeta otini le könyisyok kï kilöwön lö lïku chane cho körökegh woptöngwa atökïkarkegh nko Werïnyi, atömanyïl kïlïkwï nyinte poret nyo kwenu monïngo Tororöt cho chang.

ISAYA 26:19

Söpsot ngat piköcha cho kikuwonyö! Tutuno porwoyikwa ngwen, akïtökïngetuno chane pïrïmpotikwa, atökïpka kïtum ompö ngörekyö. Töni ECHOTYON kimïny pich cho kimeghö könyisyok kïle wölo töntoy röyöntö ngwïny wïsöt.

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

MATAYO 17:2

Atolapay kuwenga Yeso ompö tawungwa. Kulïwï tokochunyi le asis, kïrelachitu sïrokachi löka.

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

MATAYO 22:29

Kuyokyï Yeso chane lö, “Ochikwa lelote nyoman ompöwölo monkïtökwanye kirurut anta owesyo Tororöt!

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

TUM PÖ TUMWÖY 1:11

Kiwucha nyi sïrïmnyonto koltin nyo kikïnöpchï kari silpa.