PILIPI 3:20 - PIPÏLIA

²⁰ Wölo acha kïmi möngencha yïm, akemitecha keköngöy ompö machat nyo wow Ghetintenyo kungwïna yïm, nyoni kï Echotyon Yeso Kristo,

PILIPI 3:20 Referans Kwoze

EPESO 2:19

Kïlenyona mochikwanye ngat pipö punton pïnot nko to, kalïkukwa ye pipö möngot akonga nko pipö Tororöt, pich cho omitö Kö pö Tororöt.*

2 KORINTO 4:18

Kïlenyona nyu, mökeros tya tïkwïn cho kïsïwïyi, poto cho melö kïsïwïyi. Ompöwölo pö osis cho ngörï pat tïkwïn cho kïsïwïyi, poto cho melö kïsïwïyi cho pö kokay.

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

EPESO 2:6

akwïghecha ketutunö nko nyinte akïkonecha kelïnyenö nko Kristo Yeso, atöketïpinö nko nyinte wölnö le yïm,

2 KORINTO 5:8

Kïchicha nyökon akepïrchinecha lö tökïwuwö möngonete akepa ketïpï nko Echotyon.

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

1 TESALONIKE 1:10

amitö oköngöy Werïnyi nyo ngwïno yïm nyo kigh Tororöt kututunö ngwen, nyoni kï Yeso akï nyinte nyo sörunenecha nörekyo Tororöt nyo ngwïnöy.

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

KALATIA 4:26

Wölo tyakate kanasyanta Yerusalem nyo pö parak akï yoncha nyinte.

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

1 KORINTO 1:7

tömörörchokwa konunötö anka tïkwïl nyo pö mïkulögh otini omitekwa oköngöy ato kiporu Echotyontenyo Yeso Kristo.

IGHISYEWUT 1:11

akïlö, “Akwa pipö Kalilaya, ompö ne toghyongekwa arosöy yïm? Yeso nete kakimït kïwö yïm, kungwïnöy le nyete kasïwekwa kïwetöy yïm.”

MATAYO 19:21

Kïlenchï Yeso nyinte, “Ato imököy tetena, iwö iyalta tïkuku cho itïng aitö ropïyeni mey atesïkö kaplawach ompö yïm aingwïn irïpanïn.”

1 TESALONIKE 4:16

Ompöwölo rökuno Echotyon nyinte yïm taghöy Tororöt kïmwowu ngölonöy malaykayan nyo wow akïlïm pich chöghöto konti Tororöt. Nyoghöy nyu kututu pich cho kimeghö ompö Kristo.*

LUKA 14:14

Ato ighanyi lenyoni, isïkenyi kisoyönöt, ompöwölo memuköcha chane ntökïghokunyi tïkuchoni kepaghenyi chane. Ghokunyi Tororöt otini ketutunö pipö man ngwen.”

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.

NGÖTÏNYÖ 15:24

Töngöy ara chi nyo ngöghom parak wölo mi söpon atökïchïwïta nyinte ngwen wölnö le pïrïm.

PILIPI 1:10

atamuka agha tïkwïn cho karamch alïkwï pich cho tïlilöch cho puryö kigheghchin otinö kamïla Kristo.

TUMWÖY 17:15

Wölo orosinyi ompö man, akwotini kangetan opïghyoninyi.

TUMWÖY 16:11

Iporwaninyi or nyo wetöy söpon, inyïghitaninyi ngörekyö otini ichinyi lekït, konanïn ewungu nyo pö tagh turönöt kokay. Saghata Daudi.

LUKA 12:21

Atolapay kuwanta Yeso lö, “Ighöy lenyoni ompö chi nyo rorchini kegh sïkönöt, wölo meywon nyinte ompö tawu Tororöt.”

1 KORINTO 15:48

Kïle wölo lata chichoni pö nyïngwïtyan kïlata choni tïkwïl chane cho pö nyïngwïtyan. Kïkany wölo lata nyinte nyo kingwïna yïm kïlata choni chane cho pö yïm.

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.